Beblia

	Afrikaanse Bybel 1933/1953 Psalms 114


Stoor notas

1
Toe Israel uit Egipte getrek het, die huis van Jakob uit 'n volk met 'n vreemde taal,

2
het Juda sy heiligdom geword, Israel sy ryksgebied.

3
Die see het dit gesien en gevlug; die Jordaan het agteruitgewyk.

4
Die berge het rondgespring soos ramme, die heuwels soos lammers.

5
Wat is dit met jou, o see, dat jy vlug? o Jordaan, dat jy agteruitwyk?

6
o Berge, dat julle rondspring soos ramme? o Heuwels, soos lammers?

7
Beef, aarde, voor die aangesig van die HERE, voor die aangesig van die God van Jakob,

8
wat die rots verander het in 'n waterplas, die keisteen in 'n waterfontein!


Afrikaans Bible 1933/1953 © Bybelgenootskap van Suid-Afrika 1933, 1953. Gebruik met toestemming. Alle regte voorbehou