× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Baoule 1996 NYANMIƐN NDƐ'N 1998Baoule 1996Nyanmien nde Ufle 19741 1 1 Jean MatthieuMarcLucJeanSa Nga Bé Yôli'nRomefue1 Corinthefue2 CorinthefueGalatiefueÉphÈsefuePhilippesfueColossesfue1 Thessaloniquefue2 Thessaloniquefue1 Timothée2 TimothéeTitePhilémonHébreuJacques1 Pierre2 Pierre1 Jean2 Jean3 JeanJudeSa Nglô Yile1 1 1 1 1234567891011121314151617181920211 1 1 : 1 1234567891011121314151617181920212223242526272829303132333435363738394041424344454647484950511 1 1 Baoule Bible 1996 Jean 1 Save Notes 1:Eh 'wluh-a 'de eh-a' glu 'dhu 'da, 'do :wor Wlu :ne. 'De mor Wlu :dao', or :ne 'o Nyorsoa bo 'weh. 'De or no Nyorsoa.2:Eh 'wluh-a 'de eh-a' glu 'dhu 'da, or :ne 'o Nyorsoa bo 'weh.3Or-: deh⧾-a' klehkpeh :yi-dih:-' 'de en :no-eh:. Eh se deh :korn, :eh 'ye :ao', :eh se-or' :yi-dih:, 'de :eh 'ye-a' :no-eh:.4Or-: :ya 'de 'kmo :sie: :febeh', 'de 'kmo :sie: :febeh' :dao', or :ya-a: 'de, eh-: no zorn-pli 'do :gwlor-nyor⧾ bo.5Zorn-pli: :dao', en fan-' 'de :kule-', jorwor: :kule :se-ih' 'mo-dih:.6Nyorsoa dbo nyor-kpalu :due' an 'da-dih-a :Jororn'.7Or-: 'yle, :or 'ye zorn-pli-a' dhih ken dih zela:, 'de :gwlor-nyor⧾-a' klehkpeh 'ye en-' dhih dhih 'jeh-' po.8Or-a' 'jeh 'yor-eh :se zorn-pli: :dao'. Jorwor: or yi-: 'de, or 'ye zorn-pli: :dao' en-' dhih ken dih zela:.9Zorn-pli: 'jeh :en fan-dih-a :gwlor-nyor⧾-a' klehkpeh ken dih, me-: yi 'noror 'bluhba bo.10Keen' :mloror', or-: 'bluhba :yi-dih:-', 'de jorwor: Nyorsoa-a mu-or :no, jorwor: ti or :ne-a 'noror 'kmo bo, nyor⧾ :on :ne-a 'noror, on se-or 'i yubo: nyor or 'dhu-eh:-'.11Or yi 'noror or-a' 'jeh-a'a: 'bluhba ken, jorwor: or-a' 'jeh-a'a: nyor⧾ :se-or' dih kpon.12Jorwor: nyor⧾ :yuh :on :ne-a 'de on 'klu-', :on kpon-or dih, 'de :on po-a or-a' dhih dhih 'jeh-', mo-: or 'nyi 'kpih, on 'ye or-a'a: 'nynuu no.13On :se-' or-a'a: 'nynuu no, 'de yau: ka 'di, :ka nyor-kpalu-a no-a 'yu-a' 'wluh-a'. Jorwor: Nyorsoa-a' 'jeh 'yor-eh: no-eh, 'de or no on :Baa'.14:Yee' Wlu :dao', or :yi-dih: 'de :gwlor-nyor-tu 'di, 'de or 'ti 'noror :a 'nyne-'. :A-a' 'jeh 'yor-eh-a' 'yli-eh 'ye or-a' dhih-a' 'i 'beh-a' 'weh, :or no-a Nyorsoa-a' 'Yu :due' gbai-a' dhih-a' 'i 'beh-a'. Or po :a Nyorsoa-a' mla :dhulu' bo, 'de or no-eh, 'de :a yubo: dhih-a' 'yor-eh: :en kor-a Nyorsoa 'i.15:Jororn' :za or-a' dhih-' 'weh, or 'wor-', or 'da, Nyor :korn-a dhih 'an za-a-', 'on no-a, :or mu-a 'on ken dih :yi, or-: :dhe dih. Or-a' dhih 'beh-: 'i, or :zi 'o 'on-', deh no-eh, :yeh 'on 'ye-a' 'wluh, :yee' or :ne-'.16Or 'ble mla :dhulu'. Eh-: no-eh, 'de :a-a' klehkpeh 'ye :bhorlie' :dhulu' :yee:, 'de or 'kwa.17Nyorsoa-a' 'tele' :yi-dih:-' :Mose'. Jorwor: mla-: 'dekorn: dhih-a' 'yor-eh-: me-: :yi-dih: :Yusu' 'Klae-'.18Nyor 'see Nyorsoa 'ye :zai'. Jorwor: or-a' 'Yu :due' gbai, :or 'ble-a or-a' :porluh, or-: :to-dih-eh nyor⧾ 'i, nyor or :Baa' 'dhu-eh:-'.19:Yee' :Jueh'-nyor⧾-a' nyor⧾ :na-dih-nyor:⧾ :on :ne-a :Julu'slehn, mo-: dbo Nyorsoa-a' 'slaa: :za-nyor⧾-: 'dekorn: 'Livae-nyor:⧾ :noo'-: 'de :Jororn' bo, on 'ye-or' dih dhele: nyor or 'dhu-eh:-'.20:Yeh on dhele-or dih, :yee' or :se-' 'dlu deh 'i 'neh-dih:, or zela-uh-: :gwluhuh' 'do :gwlor :gwea, :ka or :se-a Nyorsoa-a' 'taan'-yu:.21:Yeh or 'da :ao', :yee' on dhele-or-: dih, on 'da, :Yee' nyor :on 'dhu-eh:-' :eh? :Mor :Ila'yor :e? 'De or 'da, 'On :se :Ila'yor:. 'De on 'da, :Mor Nyorsoa-a' wele-eh: :po-nyor: :or :korn-a :or 'ye-a' 'de yi :oo' :e? 'De or 'da, 'Kei:.22:Yee' on 'dae: 'de or bo :neheh', Nyor :on 'dhu-eh:-' :eh? Zela: :a :gwluhuh', 'de :a 'ye nyor⧾ :on dbo-a :a-uh :gwluhuh' zela: :ke. :Kaa :on 'da :an-a' 'jeh-a' dhih :ke :eh?23:Yee' :Jororn' :wlu-', 'de or :za deh Nyorsoa-a' wele-eh: :po-nyor: :Azaya' :za-a-', 'de Nyorsoa-a' 'chlee-deh 'di, or 'da, 'Mor :oo' :or 'dhu nyor :or 'wor-a 'de :bhehneh'-bluhba ken, :or no-a, A po :Gwlor :baa'-a' :gwie 'kpa, a 'ye-eh' 'i 'sleh-dih:, or 'ye-eh' bo :na.24:Yee' :Jueh'-nyor⧾-a' kpor, an 'da-dih-a :Falasi'i, an-a' nyor⧾ :noo' :on :dbo-eh :ke,25mo-: dhele-or dih, on 'da, :Mor :on :se Nyorsoa-a' 'taan'-yu:, 'de mor :on :se :Ila'yor:, 'de mor :on :se Nyorsoa-a' wele-eh: :po-nyor: :or :korn-a :or 'ye-a' 'de yi, :yee' :eh :korn dhih :an po nyor⧾ 'ni 'dlu 'da :eh?26:Yee' or :wlu-' 'de on bo, or 'dae:, 'An po nyor⧾ 'ni 'dlu 'weh. Jorwor: 'yu :due' :or :nyna-a dih 'de a 'klu-', or-: a se yubo:.27Or-: 'dhu nyor :or mu-a 'on ken dih :yi, :or :korn-a :buhbuh⧾-a' dubu'⧾ 'on se-a deh-' 'dhu-eh: 'on 'ye-a' bhehn-dih: :sloror'.28Deh⧾-a' klehkpeh :daa, en :no-eh:-' 'de :Behtani'i-gwlor-', 'de 'Jorle-ni-a' 'yluh-a' 'kwla 'wluh-dih: 'da, 'de :dha :Jororn'-a po-dih-a nyor⧾ 'ni 'dlu.29:Yee' :yeh zorn zen-a, :yee' :Jororn' 'ye :Yusu', or na, or yi-or 'i. :Yeh or 'ye-or, :yee' or 'da, A :gbee'e:. Nyorsoa-a' 'Blae'-yu: :or yi-a :a-a' deh⧾-zon⧾-a' dhih :jla 'da, or-: :dhe dih.30'Yu :or :korn-a dhih 'on :za-a-', or-: :dhe dih, 'on no-a, Nyor-kpalu :due', or-: mu 'on ken dih :yi, or-a' dhih 'beh-: 'i, or :zi 'o 'on-', deh no-eh, :yeh 'on 'ye-a' 'wluh, :yee' or :ne-'.31'An 'jeh 'yor-eh:, 'on se nyor :dao' yubo: :dee'. Jorwor: deh :korn-a dhih 'on yi-a 'de, 'de 'an po-a nyor⧾ 'ni 'dlu, eh-: 'dhu, 'on 'ye-or' 'Ezlea-nyor⧾ 'i :to-dih: nyor or 'dhu-eh:-'.32:Yee' :Jororn' zela: :Yusu'-a' dhih ken dih, or 'dae:, 'On 'ye Nyorsoa-a' :Zulu:, :on gweh-a pabu', mo-: 'wluh 'de Nyorsoa 'bli yai', mo-: yi 'o or 'dlu, 'de on :sie: 'o or bo.33'An 'jeh 'yor-eh:, 'on se nyor or 'dhu-eh:-' yubo: :zai'. Jorwor: Nyorsoa :or dbo-a 'on, 'on 'ye-a' nyor⧾ 'ni 'dlu :po, or-: zela: 'on :gwluhuh' :zai', or 'da, Nyor :an mu-a 'ye-:, 'an :Zulu-a mu-a 'o 'dlu :yi, 'de on 'ye-a 'o or bo :sie:, or-: 'o, :or mu 'an Gban 'i :ne :Zulu-a' 'jeh :daa nyor⧾ 'dlu :po.34Deh :dao', 'on 'ye-eh'. 'De 'on no or-a' dhih ken dih zela-nyor, :ka or 'dhu-a Nyorsoa-a' 'Yu-'.35:Yee' :yeh zorn zen-a, :yee' :Jororn'-a'a: bo :na-nyor⧾-a' nyor⧾ 'sororn', mo-: :ne :Jororn' :nyna 'o :dha 'o dih :neheh'.36'De :Yusu'-a zi. :Yeh :Jororn' 'ye-or, :yee' or 'da, A :gbee'e:. Nyorsoa-a' 'Blae'-yu :wor :dhe dih.37:Yeh or-a'a: bo :na-nyor⧾ 'sororn' :dao', on 'worn-ih'-a, :yee' on zi 'o :Yusu' klei' 'weh.38:Yee' :Yusu' 'bili:-'-: dih, or 'ye-uh, an zi 'o or klei', 'de or dhele-uh dih, or 'da, Deh a 'bhorn :eh? :Yee' on 'dae:, 'Wlabae:, dha :on 'ti :eh? ('Wlabae :bleh-dih: 'i, nyor⧾ deh :torne-nyor:, 'de :Hiblu'-wlu 'di.)39'De :Yusu' 'da, A 'yle, a 'ye 'o 'ye. :Yee' on :ne or mu-', 'de on 'ye :dha or 'ti-a. Ti an mu-a, :yee' eh no 'gwie-yluh bo. 'De on :ne 'o or bo, 'de glu gor.40Nyor⧾ 'sororn' :dao', :on 'worn-a :Jororn'-a' wlu, 'de :on zi-a 'o :Yusu' klei', an-a' nyor :due'-a' 'nyne :wor 'dhu Andlu' :or 'dhu-a Samor' :Piteh'-a' dei'-'.41:Yee' :zai'-deh: Andlu' no-a, or mu or-a' 'de-di' 'kwla⧾-' dih 'bhorn 'da. :Yeh or 'ye-or, :yee' or zela-or-: :gwluhuh', or 'da, :A 'ye Nyorsoa-a' 'taan'-yu 'weh. (Nyorsoa-a' 'taan'-yu :bleh-dih: 'i, 'Klae.)42:Yeh or 'da :ao', :yee' or kpa-or 'de :Yusu' bo. :Yeh :Yusu' pobo-or ya, :yee' or :wlu-', or 'dae:, :Mor Samor' :oo', :or :korn-a :baa'-a' 'nyne 'dhu-a :Jororn'-'. Jorwor: :eh 'wluh-a dha 'zean' 'bli, :an-a' 'nyne :wor :Sifa'. (:Sifa'-nyne: :daa, me-: 'o 'Glii-nyor⧾-a 'da-dih :Piteh', :en :bleh-dih:-a 'i sobu'.)43:Yee' :yeh zorn zen-a, :yee' :Yusu' polo-eh' 'do or-a' 'jeh :gwlii', or 'ye :Galali'i-bluhba ken mu. :Yee' or 'ye 'yu :due' an 'da-dih-a Felor'. :Yeh or 'ye-or, :yee' or :wlu-' 'de or bo, or 'da, Zi 'o 'on klei'. (44Felor' 'wluh 'o :gwlor an 'da-dih-a :Behse'la 'di, :gwlor Andlu'-: 'dekorn: :Piteh'-: on 'ti-a 'di :ke.)45:Yee' Felor' 'ye :Natanio' 'weh, or zela-or-: :gwluhuh', or 'da, :A 'ye nyor :or :korn-a dhih :Mose' 'chle-a 'de or-a' 'tele'-chlee-deh 'di 'weh, 'de :or :korn-a dhih Nyorsoa-a' wele-eh: :po-nyor⧾ 'chle-a :ke. Or-a' 'nyne :wor :Yusu', :or 'wluh-a 'Nazla-gwlor 'di. Or :baa' 'nyne :wor 'Joseh:.46:Yeh or 'da :ao', :yee' :Natanio' :wlu-', or 'dae:, Deh 'jeh 'beh-dih: eh 'ye 'Nazla-gwlor 'di 'wluh, eh 'ye nyor⧾-' :za-dih: :e? :Yee' Felor' 'da, 'Nyi :a mu, :on 'ye deh 'ye.47:Yeh an mu-a :Yusu' :gwlii', :yee' :Yusu' 'ye :Natanio' 'weh. :Yeh or 'ye-or, :yee' or :wlu-' 'de or bo, or 'da, :Gbee'e:. 'Ezlea-yu-a' 'kpa :wor :dhe dih, :or no-a 'yi 'sleh-nyor, :or-a' :bo-dih:-a nyor⧾ dih.48:Yeh or 'da :ao', :yee' :Natanio' dhele-or dih, or 'da, :Kaa :on no 'an yubo-eh :eh? :Yee' :Yusu' 'dae:, Ti :on 'ye-a' 'o 'fe-tu 'zorn :ne, 'on 'ye :on 'weh, 'de jorwor: Felor'-a mu :on 'da-:.49:Yee' :Natanio' 'da, Keen' 'jeh, Nyor⧾ deh :torne-nyor:, :mor Nyorsoa-a' 'Yu :oo', :or :dhe dih. :Mor 'Ezlea-nyor⧾-a' 'keen :oo'.50'De :Yusu' 'dae: 'de or bo, Deh 'on no-a, 'on 'ye :on 'weh 'do 'fe-tu 'zorn, eh-: :korn dhih :on po 'an dhih dhih 'jeh-' :e? Jorwor: 'bor, :an mu deh⧾ :klaba'⧾ 'ye-: :en mu-a 'o :yeh :daa :zi.51:Yee' :Yusu'-a kpa or-a' wlu 'dlu bo, or 'dae:, Dhih 'jeh, 'an zela a :gwluhuh', a mu 'de Nyorsoa 'bli yai' 'ye-:, 'de-a mu worn kan-dih:, 'de a 'ye Nyorsoa-a' 'enjor-nyor⧾ 'ye, on 'ye 'ya 'dhle no, 'de 'yu an 'da-dih-a Nyor-kpalu-a' 'yu bo.Baoule Bible 1996 © Bible Society in Liberia, 1996 Baoule Bible 1996 Jean 1 00:00:00 00:00:00 0.5x 2.0x https://beblia.bible:81/BibleAudio/baoule/john/001.mp3 21 1