× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Bemba 2015 Bemba 20151 1 1 1 Ishamfumu IcitendekeloUkufumaAbena LeviImpendwaAmafundeYoshuaAbapingushiRuti1 Samwele2 Samwele1 Ishamfumu2 Ishamfumu1 Imilandu2 ImilanduEsraNehemiaEstaYoboAmalumboAmapindaKafundishaUlwimboEsayaYeremiaAmaliloEsekieliDanieleHoseaYoeliAmosiObadiaYonaMikaNahumuHabakukuSefaniaHagaiSakariaMalaki--- --- ---MateoMakoLukaYoaniImilimoRoma1 Kolinti2 KolintiGalatiaEfesoFilipiKolose1 Tesalonika2 Tesalonika1 Timote2 TimoteTitoFilemoniBahibuluYakobo1 Petelo2 Petelo1 Yoani2 Yoani3 YoaniYudaUbusokololo1 1 1 1 123456789101112131415161718192021221 1 1 : 1 12345678910111213141516171819202122232425262728293031323334353637383940414243444546474849505152531 1 1 Ishiwi Lyakwa Lesa 2015 1 Ishamfumu 1 Save Notes 1Imfumu Davidi yakota no kuba ne myaka iyingi icakuti yalakaana no kumfwa icikabilila nangu baifimba ifyakufimbana.2Eico ababomfi baiko batila kuli ena, “Natufwaye umukashana uushatala opwa uwakuti aleikala nankwe, alebomba umulimo wa kusunga imfumu. Ena akulasendama kumbali pakuti imfumu ileumfwako icikabilila.”3Elyo bafwailisha mu calo conse ica Israeli mpaka basanga umukashana umusuma nganshi uwe shina lya Abishagi, umwina Shunemu, eo basenda no kuleta ku mfumu.4Uyu mukashana ali umusuma nganshi kanshi ewayambile ukulabomba umulimo wakusunga imfumu, lelo imfumu tayamwishibe mu nshila ya cupo.5Nomba Adoniya, uyo nyina ali ni Hagiti, aima no kulanda ati, “Nine nalaba imfumu.” Epakuiteyanishisha amaceleta na bakabalwe elyo na bantu abaume amakumi yasano (50) abakutangila pa ntanshi yakwe.6Lelo wishi tatalile amwipusha ukuti, “Nga kanshi cinshi ulecitila ifi?” Ali umwana uwayemba nganshi elyo ewakonkelepo Abusalomu mukufyalwa.7Adoniya ayambile ukumfwana na Yoabu mwana Seruiya elyo na shimapepo ishina lyakwe ni Abiyata. Aba ebamupeele icikoselesho.8Lelo shimapepo uwe shina lya Sadoki, Benaya mwana Yehoiyada, kasesema uwe shina lya Natani, Shimei elyo na Rei pamo pene ne mpalume shabulwi sha imfumu Davidi, bena tabamukonkele Adoniya.9Elintu Adoniya atuula ilambo lya mpaanga, iŋombe elyo ne fiponti ifyaina pa cilibwe ca Soheleti mupepi na ku Eni Rogeli. Aitako na bamunyina bonse abana ba mfumu abaume, na baume bonse aba mu calo ca Yuda ababomfi ba kwisano.10Nomba Natani kasesema, Benaya, impalume shabulwi ishakulinda imfumu elyo na munyina Solomoni bena tabetileko.11Elyo Natani aipwishe Batisheba no kumweba ati, “Bushe tawishibe iwe ukuti Adoniya, mwana Hagiti, naibika pa bufumu ukwabula ukuti imfumu Davidi ishibe?12Eico nomba leka nkupandeko amano pakuti upusushe umweo obe elyo no mweo wa mwana obe Solomoni.13Kabiye ku mfumu Davidi uye wipushe auti, ‘Kanabesa we mfumu yandi bushe tekuli ine ne musha obe walapile auti, umwana obe Solomoni eukapyana pa bufumu kabili eukekala pa cipuna candi? Nga kanshi Adoniya aba shani imfumu?’14Na ine nalaisa lingafye lilya line ucili ulelanda ne mfumu elyo nyingile nokwisa suminisha fyonse ifyo ulelanda.”15Nao Batisheba epakwingila mu muputule umwali imfumu umo umukashana Abishagi alesungila imfumu. Pali iyi nshita ninshi yalikota nganshi.16Ilyo aingila Batisheba afukama no kutota ku mfumu. Elyo imfumu yamwipusha aiti, “Cinshi ico ulefwaya?”17Nao ayasuka ati, “We mfumu yandi, niwe walapile kuli Yawe Lesa obe ukuti, ‘Solomoni umwana wandi eukapyana pa bufumu kabili eukekala pa cipuna candi.’18Nomba moneni, Adoniya euli pa bufumu ilyo iwe we mfumu tawishibepo nelyo cimo.19Adoniya natuula ne lambo lya ŋombe ishingi, ne fiponti ifingi ifyaina elyo ne mpaanga ishingi. Na ku mitebeto naitako abana ba mfumu bonse abaume, shimapepo Abiyata, Yoabu umukalamba wa fita, lelo tetilekofye umwana obe Solomoni.20Kanabesa we mfumu yandi, icalo conse ica Israeli ciposele amenso pali iwe pakuti cishibe uuli nokupyana pa bufumu.21Pantu, ilyo shikulu we mfumu yandi ukaya lala ukwalala ifikolwe fyobe, ine no mwana wandi Solomoni bakatucita ngo tupondo.”22Ilyo Batisheba acili alelondolwela imfumu amashiwi, kasesema Natani nao afika mwisano.23Elyo ababomfi baeba imfumu abati, “Natani kasesema aisa.” Natani aingila umwali imfumu elyo atota ninshi nakontamike cinso.24Natani elyo asosa ati, “Kanabesa we mfumu yandi, bushe niwe upeele cipope cakuti Adoniya eo apyane pa bufumu, kabili eo akabe no wakwikala pa cipuna cobe?25Lelo line acima no kuya tuula ilambo lya ŋombe ishingi, ifiponti ifyaina elyo ne mpaanga. Naitako na bana ba mfumu abaume bonse, abakalamba ba fita fya nkondo elyo na shimapepo Abiyata. Na ino ine nshita ndelanda elyo balelya no kunwa pamo pene nankwe, balelanda na mashiwi yakuti, ‘Ube no mweo wamuyayaya we mfumu Adoniya.’26Lelo ine ne musha wenu, Sadoki shimapepo, Benaya mwana Yehoiyada elyo no mubomfi obe Solomoni bena tapali uo betileko kuli uyu umutebeto.27Bushe ici cintu niwe kanabesa we mfumu ucitile ukwabula ukwishibisha ababomfi bobe umuntu uuli nokwikala pa cipuna cobe we mfumu?”28Elyo imfumu Davidi yatila, “Njitileniko Batisheba.” Nao aisa nokwisa ingila umwali imfumu aiminina pa cinso caiko.29Elyo imfumu yalanda amashiwi yamulapo aiti, “Mu cishinkafye cakwa Yawe umumi, uwampususha no kumfumya mu mafya yonse,30ine pa bushiku bwa lelo nalafikilishapo ifyo nakulaile mwishina lyakwa Yawe, Lesa wakwa Israeli ukuti, ‘Solomoni umwana obe euli nokumpyana pa bufumu kabili euli nokwisa ikala na pa cipuna cino cine.’”31Awe Batisheba akontamika icinso cakwe panshi, afukama na pa cinso ca mfumu alanda nokuti, “Ube no mweo wamuyayaya kanabesa we mfumu Davidi.”32Elyo imfumu Davidi yatila, “Njitileniko Sadoki shimapepo, Natani kasesema elyo na Benaya mwana Yehoiyada.” Ilyo baingila apali imfumu, elyo yabeba aiti,33“Buuleni ababomfi bandi bonse, muye nabo mubike no mwana wandi Solomoni pali punda wandi mumutwale ku Gihoni.34Kulya eko Sadoki shimapepo na Natani kasesema baye musuba ukuba imfumu ya bena Israeli. Muye lisha ne penga no kupunda amuti, ‘Abe no mweo wamuyayaya imfumu Solomoni.’35Na pakwisa mwise nankwe pakuti eo ese ekale pa cipuna candi no kwamba ukuteeka. Nimusonta ukuti abe mfumu ya calo ca Israeli elyo na Yuda.”36Benaya mwana Yehoiyada ayasuka imfumu ati, “Ameni! Lekeni Yawe, Lesa wakwa kanabesa imfumu yandi, asuminishe icacitwa.37Ngefyo Yawe ali na kanabesa imfumu yandi efyo abe na kuli Solomoni, no kulenga icipuna cakwe cikwatishe amaka ukucila na pa cipuna cakwa kanabesa imfumu Davidi.”38Awe Sadoki shimapepo, Natani kasesema, Benaya mwana Yehoiyada, abena Kereti na bena Peleti baima baya bika Solomoni pali punda wa mfumu Davidi bamushindika na ku Gihoni.39Sadoki shimapepo epakubuula amafuta ayali mu lusengo ukufuma mwitenti lyakwa Lesa no kusuba Solomoni. Elyo baisa lisha ne penga na bantu bonse baisa punda abati, “Abe no mweo uwamuyayaya imfumu Solomoni.”40Elyo na bantu bonse baima bayamba no kumukonka, balelisha imitolilo no kusekelela ukukalamba icalengele nokuti umushili usunkane pa mulandu wa ciunda.41Cilyafye baba mukupwa ukulya, Adoniya na bantu bonse abo aitile ku mutebeto baumfwa ificitike. Nomba Yoabu pakumfwa iciunda ce penga epakwipusha ati, “Bushe icongo conse icileumfwika mukati ka musumba cilolele mwi?”42Lintu Yoabu talapwisha no kulanda, Yonatani mwana Abiyata shimapepo afika apo bali. Adoniya amupokelela amweba ati, “Ingila, pantu umuntu umucindami nga iwe afwile aleta amashiwi ayasuma nganshi.”43Yonatani ayasuka ati, “Awe iyoo! Icilipo kutila kanabesa imfumu Davidi isontele Solomoni ukuba imfumu.44Imfumu itumine pamo nankwe Sadoki shimapepo, Natani kasesema, Benaya mwana Yehoiyada, abena Kereti elyo na bena Peleti, ebaciya nankwe, nabamuninika na pali punda wa mfumu.45Elyo Sadoki shimapepo na Natani kasesema nabaya musuba ukuba imfumu ku Gihoni. Ukufuma uko euko beshile baleyaula utupundu, na bantu bonse mu musumba nabaponenamo. Kanshi e ico congo muleumfwa.46Ne cikulishepo nomba cakuti Solomoni naya ikala na pa cipuna cabufumu.47Elyo na bacilolo bonse aba kwisano nabesa mukutasha kanabesa imfumu Davidi abati, ‘Cawama Lesa obe alenga ne cipuna cakwa Solomoni cikwatishe amaka ukucila icipuna cobe.’ Nayo imfumu yakontamika icinso ninshi ili pa musengele yatampa ukupepa.48Akonkanyapo no kupepa ati, ‘Napaalwe na matotelo Yawe, Lesa wakwa Israeli, uwasuminisha ukuti amenso yandi yamone uwakwikala pa cipuna candi ilelo.’”49Pakumfwa ifi fyonse abantu bonse abo Adoniya aitile baikatwa no mwenso, na bonse epakwima basalangana.50Lelo Adoniya pa mulandu wakutiina Solomoni, aima ayakonena ku nsengo sha ku bulambo.51Elyo Solomoni baisa mweba abati, “Munonko alekutiina pakuba imfumu. Ena nabutuka ele konena na ku nsengo shabulambo eko ekele. Alandile nokutila, ‘Ndefwaya imfumu Solomoni ilape kuli ine ukuti tayanjipaye ku lupanga.’”52Solomoni epakwasuka ati, “Nga cakuti ali nokuilanga ukuba umuntu wine wine, takwakafume umushishi nangu umo ku mutwe wakwe ukuponena panshi, lelo nga cakuti ububifi bwasangwa muli ena ninshi lyena ali nokufwa.”53Elyo imfumu Solomoni yatumine abantu, nabo baya musenda bamuleta ukufuma ku bulambo. Adoniya epakwisa ku mfumu Solomoni aisa kontamika umutwe no kutota. Nao Solomoni epakumweba ati, “Kabiye kumobe.”Bemba Bible 2015 Bible Society of Zambia 2015 Ishiwi Lyakwa Lesa 2015 1 Ishamfumu 1 00:00:00 00:00:00 0.5x 2.0x https://beblia.bible:81/BibleAudio/bemba/1kings/001.mp3 22 1