× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Australia Continent New Zealand Papua New Guinea Old Languages Aramaic Latin Esperanto 1 1 1 Caka Nigeria Caka NigeriaAadi KeyriAdamawaAlkawal KesalCaka ArabicBorgu BeninBurkina FasoDewtereWestern Niger1 1 1 Matta MattaMarkusLukaYuhannaNelaaɓeRoma'en1 Korintu'en2 Korintu'enGalaatiya'enEfesu'enFilippi'enKolossi'en1 Tessaloniiki'en2 Tessaloniiki'en1 Timote2 TimoteTitusFilemonIbraniŋke'enYaakuba1 Piyer2 Piyer1 Yuhanna2 Yuhanna3 YuhannaYahuudaWahayu Yuhanna1 1 1 12 123456789101112131415161718192021222324252627281 1 1 : 1 12345678910111213141516171819202122232425262728293031323334353637383940414243444546474849501 1 1 Fulfulde Caka Nigeria 2010 Matta 12 Save Notes 1E carel ngel ɗum Nyalnde Siwtaare. Yeesu e yaha nder ngesa alkamaari, sey tokkuɓemo nani weelo ɓe puɗɗi ɓoruki cammeeje mayri e ɓe nyaama.2Ammaa nde woɓɓe Faarisanko'en ngi'i non, mbi'i Yeesu, “Raa tokkuɓema e ngaɗa ko Attawra haɗi ɗum waɗa Nyalnde Siwtaare.”3Sey Yeesu wi'iɓe, “On meeɗaayi janguki ko Dawda waɗi nde nani weelo, kanko e gonduɓe e maako?4O natti Lukuru Seniiɗum, o nyaami buroodi ceniiɗum, o hokkori jaadooɓe e maako. Attawra boo wi'ii ardiiɓe diina tan haani nyaamuki buroodi ɗum.5Koo on meeɗaayi janguki nder Attawra no ardiiɓe diina ngewirta dooka Nyalnde Siwtaare nder Wuro Ceniingo, ammaa ɗum wartaayi hakke?6E mi wi'a'on, raa ɓurɗo Wuro Ceniingo ɗo'o.7Ammaa daa on andunoo ma'ana aayaare nde'e bi'unde, ‘E mi yiɗi kollon yurmeende, naa' sakkuki cakkiri,’ daa on kiitaaki ɓe ngaɗaayi hakke.8Ngam Ɓii Neɗɗo woni Joomu Nyalnde Siwtaare.”9Sey Yeesu ali ɗon dilli, natti suudu do'aare maɓɓe.10E woodi goɗɗo mo jungo jaraango nder mayru. Sey Faarisanko'en ƴami Yeesu, mbi'i, “Attawra jaɓii ɗum yamɗitina Nyalnde Siwtaare?” Ɓe mbi'u non ngam ɓe keɓa ko ɓe ngulliroytoomo.11Sey Yeesu wi'iɓe, “Moye nder mooɗon to e woodi mbaala go'o to nga yanii nder ngayka Nyalnde Siwtaare, o jogataakonga o ittoyanga?12Too! Neɗɗo ɓurii mbaala daraja naa' seɗɗa! Ngam non, Attawra haɗaayi ɗum waɗa ko wooɗi Nyalnde Siwtaare.”13Sey o wi'i neɗɗo on, “Fortu jungo maaɗa.” Sey o fortingo, sey ngo yamɗiti, ngo warti bo wo'oto ngon.14Ammaa Faarisanko'en ɓen mburtii meddi dow no ɓe mbardata Yeesu.15Nde Yeesu faami ko ɓe ciryotoo, sey o ummii o ali wigeere nden. Sey yimɓe ɗuɗɓe tokkimo, o yamɗitiniɓe ɓe fuu,16o wagginiɓe to' ɓe mbi'aka koo moye kanko o moye.17Ɗu'um fuu waɗii ngam ɗum hebbina ko Allah wi'i daga honduko Annabi Icaaya, wiiki,18“O'o woni maccuɗo mo cuɓumi, mo ngiɗumi, e mi nana belɗum maako naa' seɗɗa. Mi hokkaymo Ruuhu am, o hokkay lenyi habaru kisndam am.19O yeddataa o metataa sembee, walaa nanayɗo hoolo hononde maako dow ɗate.20O heenyitataa yewuki ƴombal ɓadiingal yewuki. O nyifataa fitilaaru ɓadiindu waatuki, naa o waɗii aadilaaku heɓi jaalorgal dow halleende.21Lenyi fuu ngaɗay kammunde dow maako.”22Sey ɗum waddanimo goɗɗo paho bumɗo gooduɗo ginnol. Yeesu boo yamɗitinimo, o warti e mo meta, e mo yi'a.23Kawrutuɓe fuu kayɗini, mbi'i, “E yiiki mooɗon koo o'o woni Ɓiɗɗo Dawda?”24Ammaa nde Faarisanko'en nani non, ɓe mbi'i, “E bawɗe Ba'aljabul laamiiɗo ginni o wurtinirta ginni.”25Ammaa Yeesu e andi ko woni nder ɓerɗe maɓɓe, o wi'iɓe, “Laamu fuu cendiiɗum e wanywanytira, ɗum lallay. Non maa to gariiri koo wuro sendake e wanywanytira, ɗum waawataa ɗum daroo.26To Ceyɗan e wurtina ginni Ceyɗan nder laamu Ceyɗan, Ceyɗan sendake e wanywanytira won ɗon. To laamu maako sendake, noye laamu ɗum darortoo?27To e mi wurtinira ginni nder bawɗe Ba'aljabul, e bawɗe moye tokkuɓe'on mburtinirtaɗi? Ngam non tokkuɓe'on kollay on ngalaa goonga.28Ammaa, to e mi wurtina ginni nder bawɗe Ruuhu Allah, too, hollii Laamu Allah waranii'on.29“No waɗata ɗum waawa nattuki wuro neɗɗo cembiɗɗo ɗum teetanamo ko o woodi, naa' sey to ɗum artii haɓɓukimo? Nden ɗum waawa hoccuki ko o woodi nder wuro ngon.30“Mo wondaa e am fuu, o ganyo am. Mo wallaayiyam moɓtuki fuu, o cankitoowo.31Ngam non, e mi wi'a'on, ɗum waaway yaafanaaki yimɓe hakke e koo iri ɗiye haalaaji ɗi mbooɗaa ɗi ɓe meti, ammaa bi'uɗo ko wooɗaa dow Ruuhu Allah o yaafantaake.32Fuu bi'uɗo ko wooɗaa dow Ɓii Neɗɗo, ɗum waaway yaafanaakimo. Ammaa fuu bi'uɗo ko wooɗaa dow Ruuhu Allah, o yaafantaake haa abadaa.33“Lekki boɗki e rima ɓikkoy mboɗkoy, non maa lekki ki wooɗaa e rima ɓikkoy koy mbooɗaa. Koo kiye lekki e andiree ɓikkoy maaki.34Onon boole kalluɗe! No waɗata onon kalluɓe meton ko wooɗi? Ngam honduko neɗɗo e meta ko woni nder ɓernde muuɗum.35Neɗɗo mo ngikku boɗɗum e wurtina fii boɗɗum daga nder ɓernde muuɗum. Non maa neɗɗo kalluɗo e wurtina halleende daga nder ɓernde muuɗum.36“E mi wi'a'on, nder Nyalnde Jaango koo moye doole wi'a Allah ngam ɗume wi'i koo ɗeye boliiɗe meereeje.37Dow boliiɗe ɗe mbi'uɗaa ɗum waɗirantama kiita, koo ɗe nangumaa, koo ɗe mburtinmaa.”38Sey woɓɓe nder moodiɓɓe Attawra e Faarisanko'en mbi'imo, “Moodibbo, e min ngiɗi yiiki goɗɗum kayɗiniiɗum daga to maaɗa tabbitinayɗum Allah liloymaa.”39Sey Yeesu nootii, wi'iɓe, “Yimɓe jaamanu ɗu'um kalluɓe ɓe kulataa Allah, e ɓe ngiɗi holleeki goɗɗum kayɗiniiɗum, ammaa walaa ko ɗum hollataɓe sey ni ko heɓuno Annabi Inuusa.40Ngam non, no Inuusa waɗiri balɗe tati jemma e nyalawma nder wonga linga manga, non maa Ɓii Neɗɗo waɗirta balɗe tati jemma e nyalawma nder yenaande.41E Nyalnde Jaango yimɓe gariiri Niineba ɓe ummodoto e yimɓe jaamanu ɗu'um. Ɓe kolla ko yimɓe jaamanu ɗu'um ngaɗi ɗum wooɗaa, ngam kamɓe, nde ɓe nani wa'aju Annabi Inuusa, ɓe tuubii. Raa boo ɓurɗo Inuusa ɗo'o.42Nyalnde Jaango laamiiɗo leydi fombina debbo o ummodoto e yimɓe jaamanu ɗu'um. O holla ko ɓe ngaɗi ɗum wooɗaa, ngam kanko o waroyii daga ɓadaaki nanuki faamu Annabi Suleymaanu. Raa boo ɓurɗo Suleymaanu ɗo'o.43“To ginnol wurtake nder ɓandu neɗɗo, ngol yahay to bigeeje jorɗe e ngol ɗaɓɓita to ngol siwtotoo. Ammaa to ngol heɓaayi,44sey ngol wi'a, ‘Mi so''oto wuro ngo mburtoyiimi.’ To ngol wartii, ngol tawii wuro ngon walaa goɗɗum nder, ngo wuuwaama ngo mo''inaama.45Sey ngol yaha ngol waddoya ginni joweeɗiɗi ɓurɗingol halluki, ɗi natta ɗi njooɗoo ɗon. Nden re'irde neɗɗo on ɓuray fuɗɗoode maako halluki. Non ɗum wartanta yimɓe jaamanu ɗu'um kalluɗum.”46Yeesu e medda e yimɓe ɗuɗɓe hawrutuɓe, sey raa maduujo maako e minyiraaɓe maako ngari ndarii yaasi, e ɓe ngiɗi medduki e maako.47Sey goɗɗo wi'imo, “Maduujo maaɗa e minyiraaɓe maaɗa e ton ndarii yaasi, e ɓe ngiɗi medduki e maaɗa.”48Ammaa o wi'i biiɗomoka on, “Moye woni maduujo am, nden ɓeye ngoni minyiraaɓe am?”49Sey o sappii tokkuɓemo, o wi'i, “Raa maduujo am e minyiraaɓe am ɗo'o!50Ngam koo moye waɗi ko Nyaako am Mo Dow yiɗi, kanko woni minyiraawo am e maduujo am.”Fulfulde Caka Nigeria 2010 © 2010, Bible League. All rights reserved Fulfulde Caka Nigeria 2010 Matta 12 00:00:00 00:00:00 0.5x 2.0x https://beblia.bible:81/BibleAudio/fulfulde2010/matthew/012.mp3 28 12