× Idioma Europa Ruso Bielorruso Ucranio Polaco Serbio Búlgaro Eslovaco Checo Rumano Moldavo Azerbaiyán Armenio Georgiano Albanés Avar Bashkir Tártaro Checheno Esloveno Croata Estonio Letón Lituano Húngaro Finlandés Noruego Sueco Islandés Griego Macedónio Alemán Bávaro Holandés Danés Galés Gaélico Irlandesa Francés Vasco Catalán Italiano Galaciano Romaní Norte América Inglés Sud America Español Portugués Guaraní Quechua Aaimara Centro América Jamaicano Nahuatl Kiche Q'eqchi Haitiano Este de Asia Chino Japonés Coreano Mongol Uigur Hmong El sudeste de Asia Malasio Birmano Hakha Chin Nepalí Cebuano Tagalo Camboyano Tailandés Indonesio Vietnamita Javanés Lao Iban IuMien Kachin Lahu Asia del Sur Indio Diablo Awadhi Mizo Kannada Malayalam Maratí Gujarati Tamil Telugu Punjabi Kurukh Asamés Maithili Bengalí Urdu Sinhala Dogri Haryanvi Meitei Konkani Santalí Sindhi Koya Thado Sanskrit Devanagari Asia Central Kirguís Uzbeko Tayiko Turcomano Kazajstán Karakalpak Medio Este Turco Hebreo Arábica Persa Kurdo Pashto Coptico África Africaans Xhosa Zulú Ndebele Sotho Amárico Wolaytta Nigeriano Mossi Ika Dinka Cabila Oveja Swahili Marruecos Somalí Shona Madagascar Igbo Lingala Baoule Siswati Tsonga Tswana Gambia Yoruba Kamba Kinyarwanda Hausa Chewa Luo Makua Dyula Fulfulde Kalenjin Kikuyú Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Continente Australiano Nueva Zelanda Papúa Nueva Guinea Idiomas Antiguos Arameo Latín Esperanto 1 1 1 Ñandejara Ñe’ẽ ✟ 1996 Ethnos360 2017Ñanderuete 2015Simba 2012Guaraní Pe 2012Tumpa Iñee 2001Ñandejara Ñe’ẽ ✟ 1996Ñandeyara Ñe'ẽ 1970Tûpâ Ñandeyára 19131 1 1 --- --- ---MateoMarcosLucasJuanHechosRomanos1 Corintios2 CorintiosGálatasEfesiosFilipensesColosenses1 Tesalonicenses2 Tesalonicenses1 Timoteo2 TimoteoTitoFilemónHebreosSantiago1 Pedro2 Pedro1 Juan2 Juan3 JuanJudasApocalipsis1 1 1 1 123456789101112131415161718192021221 1 1 : 1 12345678910111213141516171819202122232425262728293031323334353637383940414243444546474849505152531 1 1 Ñandejara Ñe’ẽ ✟ 1 Guardar notas 1David itujáma ha itujágui iro'y ojejaho'ive ramo jepe.2Upérõ hembiguái kuéra he'i chupe: “Ore ruvicha guasu, tekotevẽ jaheka ndéve peteĩ kuñataĩ oñangareko haguã nde rehe ha oke haguã nde pohéi, jahecha péichapa nombyakumíri nde rete.”3Oheka hikuái peteĩ kuñataĩ porã Israélpe. Ha ojuhu hikuái peteĩ hérava Abisag, táva Sunem pegua, ha ogueraha David rendápe.4Abisag iporã iterei ha oñangareko mburuvicha guasúre, David katu ndoikói hendive.5Upe aja Adonías, David ra'y, Haguit memby, opu'ã árma ipópe, he'ívo ha'étaha mburuvicha. Oguereko kárro ñorãirõrã, kavaju kuéra ha 50 kuimba'e oñangarekóva hese.6Itúva nde'íri vaekue chupe mba'eve, ha noporandúi chupe araka'eve mba'érepa ojapo umi mba'e ojapóva. Adonías oikove ypy vaekue Absalón rire, ha iporã ha ijuky.7Oñemoĩ vaekue peteĩ ñe'ẽme Joab, Seruiá memby, ha pa'i Abiatar ndive. Umíva oĩ hendive.8Noĩri Adonías ndive pa'i Sadoc, Benaías Joiadá ra'y, maranduhára*f** Natán, Simí kuimba'e David ojeroviaha, ha umi David ñorãirõ irũ ipy'a guasuvéva.9Umiha árape Adonías ombosako'i peteĩ karu guasu, ita guasu Zohélet pegua ykére, oĩva ykua Roguel ypýpe. Ojuka ovecha, tóro ha umi novíllo ikyravéva ha omboja'o opa ityvýra David ra'y kuérape, ha opa kuimba'e Judá pegua omba'apóvape mburuvicha guasúpe guarã,10maranduhára Natán, Benaías, David ñorãirõ irũ nguéra ha ityvýra Salomónpe katu ndojeruréi oho haguã.11Upérõ Natán oñe'ẽ Betsabé, Salomón sy ndive, ha he'i chupe: —Ndereikuaái piko Adonías, Haguit memby, ojererekoha David ramo oikuaa'ỹre mba'eve ñande ruvicha guasu David?12Ejapo ko ha'étava ndéve resalva haguã nde ha ne memby Salomón rekove.13Tereho David rendápe ha ere chupe: ‘Nde, che ruvicha guasu reme'ẽ vaekue ne ñe'ẽ che memby Salomón oisãmbyhytaha nde rire. Ha mba'érepa Adonías oisãmbyhy ko'ágã?14Ha nde reñe'ẽ aja David ndive, aikéta che ha ambojo'avéta upévaregua.’15Upérõ Betsabé oho David rendápe ikotýpe. David ituja itereíma ha sunamíta Abisag oñangareko hese.16Betsabé oñesũ David renondépe ha ojayvy omboja peve isyva yvýre, ha David oporandu chupe: —Mba'e piko ojehu ndéve?17Ha'e he'i chupe: —Nde che ruvicha guasu reme'ẽ vaekue chéve ne ñe'ẽ Tupã nde Jára rérape, che memby Salomón oisãmbyhytaha nde rire.18Adonías katu ojupíma David ramo ha nde, che ruvicha guasu, ndereikuaái upéva.19Ojuka tóro, novíllo ha heta ovecha ha omboja'o nde ra'y kuérape; avei pa'i Abiatar ha mburuvicha Joábpe. Nde ra'y Salomónpe katu ndojeruréi oho haguã.20Ko'ágã opa Israelgua oha'arõ nde erévo mávapa oisãmbyhýta nde rire.21Upeicha'ỹ ramo, nde remano rire che memby Salomón ha che rojejukáta.22Ha'e oñe'ẽ aja David ndive, oike maranduhára Natán,23ha oñemombe'u mburuvicha guasúpe. Oikévo Natán David rendápe oñesũ henondépe omboja peve isyva yvýre,24ha oporandu chupe: —Nde piko ere ra'e, che ruvicha guasu, Adonías oisãmbyhytaha nde rire?25Ko árape niko ha'e ojuka tóro, novíllo ha ovecha kuéra ha omboja'o nde ra'y kuéra, mburuvicha kuéra ha pa'i Abiatárpe. Ha'e kuéra ko'ágã okaru ha ho'u hína kaguy ha osapukái joa: ‘Víva mburuvicha guasu Adonías!’26Opáichavo chéve, pa'i Sadoc, Benaías Joiadá ra'y ha nde ra'y Salomónpe na ore konvidái hikuái.27Nde piko, che ruvicha guasu, ere ra'e ojejapo haguã upéicha remombe'u'ỹ rehe chéve mávapa pe oisãmbyhýtava nde rire?28David ohenoika upérõ Betsabépe. Oguahẽvo Betsabé David rendápe, opyta oñembo'y henondépe.29David ome'ẽ chupe péicha iñe'ẽ: —Tupã che Jára rérape, che pe'a vaekue opa jejopy vaígui, ame'ẽ ndéve che ñe'ẽ,30upe ha'e vaekue ndéve Tupã Israel Jára rérape, ajapóta ko árape voi: Ne memby Salomón ojupíta che guapyhápe ha oguapýta che rendaguépe; ha'e oisãmbyhýta che rire.31Betsabé ojayvy David renondépe omboja peve isyva yvýre, ha he'i hatã: —Toikove opa árape guarã che jára David!32Upéi David ohenoika pa'i Sadoc, maranduhára Natán ha Benaías, Joiadá ra'ýpe. Oúvo hendápe,33he'i chupe kuéra: —Ta pene moirũ mburuvicha kuéra, pehupi che ra'y Salomónpe che mburika ári ha peraha Guihónpe;34pa'i Sadoc ha maranduhára Natán omoingo vove chupe Israel ruvicha guasúrõ, pembopuka turu ha pesapukái: ‘Víva mburuvicha guasu Salomón!’35Upéi pemoirũ chupe ou haguã oguapy che guapyhápe ha toisãmbyhy che rendaguépe; amoingóma chupe Israel ha Judá ruvicha guasúrõ.36Benaías, Joiadá ra'y, he'i mburuvicha guasúpe. —Ta upéicha ha upéicha te'i Tupã che ruvicha guasu Jára!37Ha Ñandejára oĩ haguéicha ne ndive, che ruvicha guasu, toĩ avei Salomón ndive, ha ha'e tombotuichave Salomón retã ituichamahágui ne retã, che ruvicha guasu David.38Upéi pa'i Sadoc, maranduhára Natán, Benaías, Joiadá ra'y, ha umi ceretéo ha peletéo kuéra, ohupi Salomónpe David mburika ári ha ogueraha hikuái Guihónpe.39Upépe pa'i Sadoc oguenohẽ tupaógui ñandyry ryru ha omoingo Salomónpe mburuvicha guasúrõ. Upérõ oñembopu turu ha opavave osapukái “Víva mburuvicha guasu Salomón!”40Upéi maymáva omoirũ chupe mimby púpe. Tuicha iterei upe vy'a, ha ha'ete ku yvy oñemboja'óva mokõi hendápe ojesapukái hatãitégui.41Adonías ha iñirũ nguéra okarupa ramo ha ohendu pe sapukái. Joab ohendúva pe turu pu he'i: —Mba'ére piko hína pe ayvu tuichaite oikóva táva guasúpe.42Ha'e oñe'ẽ aja oguahẽ Jonatán, Abiatar ra'y. Adonías he'i chupe: —Eike katu, nde hína kuimba'e ne tenondéva ha oime vaerã reru ñe'ẽ iporãva.43Jonatán he'i Adoníaspe: —Ndapéichai ete katu ko hína. Ñande ruvicha guasu David omoĩ Salomónpe mburuvicha guasúrõ,44ha he'i pa'i Sadoc, maranduhára Natán, Benaías, Joiadá ra'y, ceretéo ha peletéo kuéra omoirũ haguã Salomónpe; ha ha'e kuéra ohupi chupe David mburika ári.45Avei pa'i Sadoc ha maranduhára Natán omoingo chupe mburuvicha guasúrõ Guihónpe, ha ou jey hikuái upégui tuicha vy'a reheve. Upévare oiko távape upe ayvu guasu peẽ pehendu vaekue.46Ha Salomón oguapýma hína David guapyhápe,47mburuvicha kuéra ohóma Davídpe oguerohorývo ha he'ívo chupe: Tupã tomyakã rapu'ã nde ra'y Salomónpe ha tuichamahágui ne retã, tombotuichave hetã itúva. Mburuvicha guasu David voi ojayvy hupápe omomba'e guasu haguã Tupãme,48ha he'i: “Tojererohory Tupã, Israel Jára, oheja haguére ko árape peteĩ che ñemoñaréva ojupi che guapyhápe ha che ahecha chupe.”49Adonías irũ nguéra oñepyrũ oryryipa, upéi opavave opu'ã ha isarambipa ojuehegui.50Adonías okyhyje Salomóngui ha oho okañy tupaópe ipojáivo umi altar ratĩre.51Oĩ ohóva he'i Salomónpe: —Adonías okyhyje nde hegui ha oho okañy altárpe. Ojerure ndéve reme'ẽ haguã ne ñe'ẽ nderejuka mo'ãiha chupe.52Salomón he'i: —Oiko ramo hekópe kuimba'éicha, peteĩ iñakã raguénte jepe ndo'a mo'ãi yvýre. Ojekuaa ramo ohekaha ivaíva katu omanóta.53Upéi Salomón he'i oñerenohẽ haguã pe altárgui. Adonías oho ha ojayvy mburuvicha guasu Salomón renondépe, ha Salomón he'i chupe oho haguã hógape.Guarani Bible 1996 Guarani DC Bible © Sociedad Bíblica Paraguaya, 1996 Ñandejara Ñe’ẽ ✟ 1 00:00:00 00:00:00 0.5x 2.0x https://beblia.bible:81/BibleAudio/guarani1996/1kings/001.mp3 22 1