Matiu 1 - Holy Bible [Ñwed Abasi Ke Ikọ Ibibio Ayo Mfịn 2020]

	Ñwed Abasi Ke Ikọ Ibibio Ayo Mfịn 2020 Matiu 1


Save Notes

1
Anye ami ado ntọọñọ ubon Yisọs Krais ayịn Defid, ayịn Ebraham.

2
Ebraham abon Aisik, Aisik abon Yekọb, Yekọb abon Yuda ye nditọeka amọ,

3
Yuda abon Beres ye Sera, e-eka amọ akedooho Tama, Beres abon Esrọn, Esrọn abon Ram,

4
Ram abon Aminadab, Aminadab abon Nasọn, Nasọn abon Sadmọn,

5
Sadmọn abon Boasi, e-eka amọ akedooho Rehab, Boasi abon Obed, e-eka amọ akedooho Rud, Obed abon Yesi,

6
ndin Yesi abon Adidem Defid. Defid abon Sọdọmọn, e-eka amọ akedooho anwaan Yuria.

7
Sọdọmọn abon Rehoboam, Rehoboam abon Abiya, Abiya abon Asa,

8
Asa abon Yehosafad, Yehosafad abon Yehodam, Yehodam abon Usaya,

9
Usaya abon Yotam, Yotam abon Ahasi, Ahasi abon Esekaya,

10
Esekaya abon Manase, Manase abon Amon, Amon abon Yosaya,

11
ndin Yosaya abon Yekonaya ye nditọeka amọ ideen, ke ini ekemuumọ nditọ Isred eka Babidọn.

12
Ke ini emaekemuum nditọ Isred eka Babidọn: Yekonaya abon Sietied, Sietied abon Serubabed,

13
Serubabed abon Abiud, Abiud abon Ediakim, Ediakim abon Asọ,

14
Asọ abon Sadọk, Sadọk abon Akịm, Akịm abon Ediud,

15
Ediud abon Ediasa, Ediasa abon Matan, Matan abon Yekọb,

16
ndin Yekọb abon Yosef ebe Mmeri, a-aketooho ke anye Yisọs e-ekoodo Krais amana.

17
Ke ntodo, afịd mme ubon eteete Yisọs ekedo duob ye inaañ tọọñọ ke Ebraham tutu asịm Defid, duob ye inaañ tọọñọ ke Defid tutu asịm ini ufịn ke Babidọn, duob ye inaañ tọọñọ ke ini ufịn ke Babidọn tutu asịm emana Krais.

18
Naña Yisọs Krais akesaña amana ado ami: Eka amọ Mmeri akena nte adọ Yosef, ado mbemiso ammọ edidʌñọ keed, Mmeri amaayommo ke adudu Adisana Sịbidịd.

19
Sia ebe amọ Yosef akedooho nnen-nnen awo, miikinyʌññọ iyem adisuenne anye, anye amaanam akikere adisio anye ndọ ke ndịbe.

20
Ado anye amaakebioodo ke esịd amọ ama adisio anye ndọ, enyere Abọọñ abiọññọ anye ke ndab anyʌñ abo anye ate, “Yosef ayịn Defid, kuukop ndịk adiben Mmeri nnyọñ ufọk mfo nte anwaan mfo, sia se isịne anye ke idịb ato Adisana Sịbidịd.

21
Anye ayaaman ayịn awodeen, ndin ana afo asio anye anyịñ Yisọs, sia anye ado andidiifak ikọd amọ isio ke ndiọiñkpọ ammọ.”

22
Afịd ñkpọ ami akedat itie nọ ato do se Abọọñ Abasi aketañ ke inua mme brọfed asu:

23
“Sese ayịn awonwaan adooho akenam idiọọñọke awodeen ayaasaña ye idịb ndin ayaaman ayịn awodeen e-ediikood Imandued” (a-awuọọhọ, “Abasi mmọdo ye ñnyịn”).

24
Yosef amaakedemme, anye amaanam se enyere Abọọñ Abasi aketemme anye abo anam, aben anwaan amọ anyọñ ufọk

25
Ndin anye ikinieeghe ewana ye anye tutu anye aman ayịn awodeen, ndin anye asio anye anyịñ Yisọs.


Ibibio Bible 2020 Ñwed Abasi Ke Ikọ Ibibio Ayo Mfịn™ Mme anie unen ñwed ami tọọñọ ke isua © 2020 ado Biblica, Inc. Ebọ unyịmme eto Biblica, Inc. Emʌm afịd unen ke afịd ederimbod enọ Biblica. Ibibio Contemporary Bible™ Copyright © 2020 by Biblica, Inc. Used with permission. All rights reserved worldwide