Beblia

	2 Yọọn 1


Save Notes

1
Ami, nyobioawo, Anọ ñwed ami esọk eti awonwaan a-Abasi amaakemek ye nditọ amọ a-ami ntʌmọ mma ke ntak a-ammọ ediọọñọke akpanikọ, idooho ami ikpọọñ ma ammọ ado ukeed awo e-ediọọñọke akpanikọ,

2
ke ntak akpanikọ, a-adʌññọ ke ñnyịn, a-adiinyʌñ iba ye ñnyịn ke nsi-nsi.

3
Mfọn, emem ye mbọm a-atooho Abasi Ete ye ke Yisọs Krais, Ayịn Ete, ayaaba ye ñnyịn ke akpanikọ ye ima.

4
Mmekop inemesịd eti-eti adikịt usʌk nditọ mfo naña esaña ke akpanikọ ukem-ukem naña Ete akinọọ ñnyịn ewʌhọ.

5
Ndin idahami, adima awonwaan, ami ñwette ufa ibed unọ ado kpa ibed a-ñnyịn imaikinenie tọọñọ ke editọọñọ. Mbeeñe yak ñnyịn ima keed aken.

6
Ima ado ado ami: yak ñnyịn isaña ke ñkopitem mme ewʌhọ amọ. Ndin kpa naña ekop tọọñọ ke editọọñọ, ewʌhọ amọ ado yak ndufo esaña ke ima.

7
Uwak mbon abiaaña, ammiinyịmmeke ibo ke Yisọs Krais amaadi ke ederimbod ke abʌkidem, ewuọọñọ edọñọ ke ederimbod. Utọ awo ami edo awo abiaaña ye andibiọọññọ Krais.

8
Ekpeme mbaak ediduọọk se ndufo ekekpa utom enọ, ado nọ ebọ utịp ayọhọ-ayọhọ.

9
Awo ake adodo a-afegheke akpọñ ukpeebñkpọ Krais inieeghe Abasi; awo a-akaaha iso ke ukpeebñkpọ Krais anie Ete anyʌñ anie Ayịn.

10
Adieke awo adieeghe ado isañake ye ukpeebñkpọ ami, kuudat anye udʌk ufọk mfo.

11
Awo ndomokeed a-adaarake anye akeene awuana ke ndiọi utom amọ.

12
Mmenie uwak-uwak ñkpọ se ñkpewet unọ fiin; ado ñyemme ediben ñwed ye mmọọñ ñwed ñwet. Utu ke ado, mmeduak adisọp nduse fiin ma ndineme nneme iso ye iso ye afo, nọ ato do idaara ñnyịn ayọhọ.

13
Nditọ ayịnete mfo awonwaan, a-Abasi akemekke, adọñ ekọọm.


Ibibio Bible 2020 Ñwed Abasi Ke Ikọ Ibibio Ayo Mfịn™ Mme anie unen ñwed ami tọọñọ ke isua © 2020 ado Biblica, Inc. Ebọ unyịmme eto Biblica, Inc. Emʌm afịd unen ke afịd ederimbod enọ Biblica. Ibibio Contemporary Bible™ Copyright © 2020 by Biblica, Inc. Used with permission. All rights reserved worldwide