Beblia

	Kachin JCLB Bible 2009 BU HKAWM 1


Save Notes

1
Ya Israela amyu masha ni Egutu mung na pru wa ai lahkawng ning e shata lahkawng ngu na langai ya shani hta dai Sina nam mali e nga ai shi a hpung shingkang shanu nga ai Sum hta dai Madu gaw Mawshe hpe ning ngu tsun wu ai. Shi gaw,

2
“Nang hte Arun gaw Israela amyu masha ni hta na amyu lakung hte dinghku ni hpe yuptung jahpan hta da na rai myit dai.

3
Asak hkun ning hte hkun ning a lahta, hpyen amu shang galaw lu ai lasha ni yawng a mying jahpan hpe hta da na rai myit dai.

4
Nan hpe karum na matu amyu baw shagu na amyu lakung du langai ngai hpyi na rai myit dai,” ngu nna tsun wu ai.

5
Ndai ni gaw shawa hpung kaw na ndai amu hpe galaw na matu lata la hkrum ai lasha shabrang ni hte amyu bawsang kata kaw na ningbaw ni rai nga ma ai:

6
Amyu Bawsang Amyu Lakung Ningbaw Rubin Shedura a kasha Elizura Simun Zurishadi a kasha Shelumila Yuda Aminadab a kasha Nashon Yisahka Zua a kasha Nehtanela Zebulun Helon a kasha Eliaba Ehprim Amihu a kasha Elishama Manashe Pedazura a kasha Gamale Benyamin Gidoni a kasha Abidan Dan Amishadi a kasha Ahiza Ashe Ohkran a kasha Pagila Gad Duela a kasha Eliasap Naphtali Enan a kasha Ahira

7
Ndai masha shi lahkawng karum la ai hte Mawshe yan Arun mung

8
shawa hpung ting hpe shata lahkawng ngu na langai ya shani hta shaga zup hpawng nhtawm amyu masha ni yawng hpe amyu lakung hte dinghku hku hkan nna jahpan hta da ma ai. Asak hkun ning hte hkun ning a lahta de na lasha ni yawng a mying ni hpe,

9
dai Madu hkang da ai hte maren ka matsing nna hti tawn ma ai. Mawshe gaw dai masha ni hpe Sina Nam mali e jahpan hta la wu ai.


Kachin Jinghpaw Bible 2009 Jinghpaw Common Language Bible © Bible Society of Myanmar, 2009