Beblia

	Kalenjin Bukuit Ne Tilil ATEBETAB LAWIK 1


Save Notes

1
Kiguur Jehovah Musa ak kong’alalji eng’ emait ne kituiyechin, kolenji,

2
Mwachi lagokab Israel ilenji, Ye igoitoi chi age tugul eng’ okwek kagochinet, kogochin Jehovah, ogoitoi che bo akwotisiekwok, che bo tuga ak che bo nego.

3
Ngo kagochinennyi ko bo tiseiywot ne kibeelei ne bo tuga, kogoitoi kirgit ne libwob: ingokweri kwo emait ne kituiyechin, si kochamak eng’ taitab Jehovah.

4
Ak kogonoor eunnyi metitab kagochinonoto kibeelei; ak ketaach noto agobo inendet si kobiit keyachi inendet kagaigaet.

5
Ak koeny kirgoto eng’ taitab Jehovah: ak koib korotik tisiik, werikab Aron, ak koisote kaptisisiet komoswek tugul, ne mi ole negite kurgetab emait ne kituiyechin.

6
Ak koeny kagochinonoto kibeelei, yeityo kosach banyechato kobiit kebeberwekyik.

7
Ingonde mat kaptisisiet werikab Aron tisiindet ak kotetyi kwenik ma:

8
ye ibata kotet tisiik werikab Aron, banyechato kagesach, metit, ak mwanikyik, eng’ kwenik barak che mi mat ne mi kaptisisiet:

9
ago ingoun eng’ beek tugukab ke koboto kelyekyik: ak kobeel tisiindet kirgoto komugul eng’ kaptisisiet, koek tiseiywot ne kibeelei, kagochinet ne bunei mat, nyamdutiet ne anyiny eng’ Jehovah.

10
Ak ngo bo nego kagochinennyi, che bo kechirek, anan che bo ng’ororek, kobunji kagochinet ne kibeelei; kogoitoi mengit anan kwesta ne libwob.

11
Ak ingoeny eng’ taitab Jehovah eng’ kaptisisiet ole tokyingei murot ne bo katam: ye ibata koisote korotik tisiik werikab Aron, kaptisisiet komoswek tugul.

12
Yeityo kosach banyek, kobiit kebeberwekyik, koboto metitab artanato ak mwanikyik; ak kotet tuguchoto eng’ kwenik barak che mi mat ne mi kaptisisiet:

13
ago ingoun tugukab ke ak kelyek eng’ beek: ak ingogoito tisiindet banyek tugul, ak kobeel eng’ kaptisisiet: kagochinet nito ne kibeelei, kagochinet ne bunei mat, nyamdutiet ne anyiny eng’ Jehovah.

14
Ak ngo bo taritik kagochinennyi ne kigoitoi kebeel, ne igochin Jehovah, kogoitoi anyun kagochinennyi ne bo cheptugenik, anan arekab tarit.

15
Yeityo koib tisiindet konyo kaptisisiet; ak koiiny kaatinnyi kong’et metit, ak kobeel eng’ kaptisisiet; ak kochiilji korotikyik tabandab kaptisisiet:

16
ak konem kebonjorennyi ak kororikyik, kowirji kaptisisiet taban, ole tokyingei kong’asis, oldab orek:

17
ak kogerer kopcheune aeng’ kebebaikyik, amat kobesio; yeityo kobeel tisiindet choto eng’ kaptisisiet, eng’ kwenik che mi ma: nito kagochinet ne kigoitoi kebeel, kagochinet ne bunei mat, nyamdutiet ne anyiny eng’ Jehovah.


Kalenjin Bukuit Ne Tilil God's word open for all © Bible Society of Kenya, 2020