Beblia

	2 JOHANA 1


Save Notes

1
Ane boiyot ne asirjini chebioset ne lewenot ak lagokyik, che achame eng’ imanit; ago ma anege kityo, ago tugul che ingen imanit agichek;

2
agobo imanit ne menyech ak kotebyei kobotech koigeny:

3
tebyei kobotech mieindo ak rirenet ak kalyet che bunu Jehovah Kwanda ak Jesu Kristo, Weritab Kwanda, eng’ imanit ak chamnyet.

4
Abaibai mising’ amu kianyoru lagoguk alak kobendoti eng’ imanit, ko u ye kigetaach ng’atutiet ne bunu Kwanda.

5
Ak nguno anyun chebiosoni, asomin mising’, ma kele kasirun ng’atutiet ne leel, ago noto kigitinye koboch taunet, ale kechamnye.

6
Ak ni ko chamnyet, ale kebendate kisub ng’atutikyik. Nito ko ng’atutiet, ko u ye kiogas koboch taunet, ale obendate ng’atutionoto.

7
Amu kigomong’ji ng’ony kenik che chang’, ichek che mang’anyei kole kinyo Jesu Kristo eng’ borto. Nito ko kenindet, ak ko kirindoindetab Kristo.

8
Oripge, si momete tuguk che kigeyai, ago si onyoru melekto ne nyiitat.

9
Chi age tugul ne indoi ama tebyei eng’ konetisietab Kristo ko matinyei Jehovah; inendet ne tebyei eng’ konetisiet kotinyei tuwai, Kwanda ak Werit.

10
Ngot konyonjok chi ama ibu konetisioni, ko mat otaach inendet eng’ gorikwok, amat ogat:

11
amu inendet ne igati ko kayamda ak inendet boisionikyik che yaach.

12
Amu atinye tuguk che chang’ che katasirwok, ko mamache asir eng’ kartasit ak wino: ago amang’u anyonjok, ak keng’alal togoch eng’ togoch, si kobiit kosulda boiboiyennyo.

13
Igatin lagokab chepkomet ne lewenot.


Kalenjin Bukuit Ne Tilil God's word open for all © Bible Society of Kenya, 2020