Beblia

	Lugbara Bible Zaburi 106


Save Notes

1
Emi inzi Yehovani! Emi fe awa’difo Yehova dri fo, erini ovule onyirurisi; eri ma yiki alerurini adrile ’danirisi!

2
A’di eco ’yeta okporu Yehovani ’diyi ma e’yo oluzaruni ya? A’di eco inzita erini ma e’yo ece driani ya?

3
’Ba e’yo liza kililiru ma ta mbapi onyi ’yepi ’dani ’diyi yi drilebaru!

4
Mi ega e’yo mani fo, Yehova, yiki mini suru miniri vurisi; mi andri ma pata minirisi fo;

5
ma ma ndre ’ba mini opele ’diyi ma drileba ani, ma ma ovu ayikosi suru mini ma ayiko ma e’yosi indi, ma ma enya ma ani yila ’mini be tualu beni.

6
Ama eza, ama a’bipi be ra; ama eza ezata, ama ’ye e’yo onzi tu.

7
Ama a’bipi vani ndra tali osutaru mini ’yele Misiria ’diyi ku; yi egani yiki aleru mini kakau ’diyi ma e’yo ku, te yi mbu mi ruaasi amve miri tia, adaru Miri Ekari ma tia ’dale.

8
Te ti, eri pa yi ru ini ma e’yosi, eri ma fe ’ba ma ni okpo ini amboru turi ani.

9
Eri ega Miri Ekari ma dria, yini nzu ani ra; ’dini eri ce yi dri yi aliru ma eseliarisi ekile roko driarile.

10
Te eri pa yi ’ba yi ngupi onzi ’diyi ma dria, eri onze yi ari’ba yini ma dria indi.

11
Te yi mirini a’bu ’ba omba ’bapi yi be ’diyi ma dri ra; ’ba nde ’diyi ma eselia ’ba acepini aluni yo.

12
Yi nga di e’yo erini ’yole ’diyi a’i ra; yi nga di eri inzi ongosi.

13
Te ti, yi dri avi ’yeta erini ’diyisi mbele; yi teni e’yo amaza eriniri ku.

14
Te yi ovu li be tu angu roko driari ma alia, yi o’bi Munguni angu didia;

15
eri fe yi dri afa yini zileri ra, te eri fe orindi yinini oyizu oyi indi.

16
Yini ma’yala ’baria Musa pi vu Aroni ’ba alatararu Yehovaniri be, pari yini hema asozuria,

17
nyaku nga i tile zi, nga di Datanini ki pi ra, nyaku nga di i omvi ’ba ongulumuru Abiramuni ma dri opizu ci.

18
Aci nga di ti ko ongulumu yini ma eselia; ad andre nga ’ba onzi ’diyi ove kieikiei,

19
Yi ede kojamva Horebua, yi nga wura yini edele me1e rapi acisirisiri inzi,

20
’Dinile yi oja Mungu diza yiniri sizu ani ekile monio iribi nyapiri ma wurale.

21
Yi dri avi Mungu yi Papi tali amboru ’yepi Misiriarisi ra,

22
eri’i tali osutaru ’yepi angu Hamuniri ma alia, ’yeta uriuriru ’diyi ’yepi Miri Ekari ma tiarisi indi.

23
E’yo ’disi eri ’yo ra kini eri nga yi dri ja rate Musa ’ba erini peleri so mira pa yi ma eselia Mungu be adra erini ojazu, eri kazu yi dri jazu ku.

24
Ada, yi ngu angu ndrizaruri onzi, yi a’ini e’yo erini ’yoleri ku.

25
Yi ono hema yini ma alia ono ono, yi erini Yehova ma ti ku.

26
E’yo ’disi eri enga i ma dri, oyo sozu yi ma e’yosi kini eri nga yi ’be va angu roko driaria,

27
eri nga vini anzi yi ma oriru o’be va ’ba jururu ’diyi ma eselia, eri nga yi ere angu ndu ndu ma alia.

28
Yi nga di ti eci Baali-peori be, yi nga enya ’ba ma ori edezuri nya ra;

29
yini ’yele ’dinilerisi yi fe aoko erini ma enga, azo ndindiani nga ani i asu yi ma dria.

30
Etu ’dasi Finehasi nga di pa so e’yo lizu kilili, e’yo ’ disi azo nderi nga i de ra.

31
La e’yo ’diri eri dri ekile e’yo kililirurile kpere a’bianzi vusi dria ’dani ’dani.

32
Yi fe aoko eri dri yi Meribaaria indi, te Musa isu drileonzi e’yo yinisi;

33
yi ma agata gazani fe1e eri ma orindini engazu adrarurisi, eri nga ani e’yo ondua kokoru ’yo i tisi.

34
Yi jani ’ba jururu ’diyi ma dri Yehovani azile yi tiarile ku,

35
te yi osa yi ’ba jururu ’diyi ma eselia ’yeta yini onizu.

36
Yi nga azi wura yini inzile inzi ’diyi dri indi, e’yo nde oja i yi dri baka yi ewuzuriru.

37
Ada, yi oli agianzi yini ezoanzi yini be edetaru ori adrouru ’diyi dri;

38
yi ada ari ’ba e’yo kokoruni, adaru agianzi yini piyi ma ari ezoanzi yini be, yini olile edetaru wura toko inzile Kanania ’diyi dri ’diyi; angu nga di i eza onzikanyaru arisi ra.

39
Geri ’disi yi eza yi onzikanyaru ’yeta yinisi, yi mu ali o’baria ’yeta yini ’yele ’diyi ma alia.

40
E’yo ’disi adra Yehovani nga ve ’ba ini ’diyi ma ruaa, eri ngu i ma yila onzi;

41
eri fe yi ati’baru ’ba jururu ’diyi ma dria, ’ba yi ngupi onzi ’diyi ovu yi ma drilia opiru.

42
Ari’ba yini inza vini yi ra, ji yi ati’baru yi ma palaa va ele.

43
Eri pa yi pale karakarau, te yi le mbu eri ma ruaasi amve asisile yini ma alia, nga di yi ’ba va ele e’yo onzi vinisi.

44
Te ti, eri ega ocoko yini erini wuta yini eriria.

45
Eri ega yi dri aziza ndra ini azileri ma e’yo dika, eri omvi i asi, yiki aleru erini kakau ’diyi ma e’yosi.

46
Eri fe vini ’ba dria yi jipi ati’baru ’diyi ma ovu yi vu yikisi indi.

47
Mi pa ama fo, Yehova Mungu amaniri la! Mi oku ama engazu suru ndu ndu ma eselia, ama ma fe ani awa’difo ru mini alatararuri vu, ama ma aga drile nyonasi inzita mini ma alia.

48
’Ba ma inzi Yehova Mungu Israeliniri engazu drio ’dani ’dani cazu kpere ’dani ’dani! ’Ba dria ma ’yo, Amena! Emi inzi Yehovani


E’yo Siza Alatararu Munguniri BIBLIA Bible in Lugbara © United Bible Societies, 1966.