Beblia

	Lugbara Bible E'yo O'beza 23


Save Notes

1
Mi ka ri nyaka nya opi be mi ega afa ovupi mi drilia e’yere;

2
te mi ma ’ba eli mi olikoa mi ka adri ovu anyamgboloru

3
Mi ma ’ba li omutibi erinirisi ku, yini ovule nyaka lokirinirisi.

4
Mi ecandi mi lonyi ndruzasi ku, ’ mi ku eri ondua minirisi ja.

5
Mi ka mi mile su ruania, eri yo; a’disiku lonyi ede yi dri opile ada, ekile aji sapi ’buarile.

6
Mi nya ’ba endraruri ma enya: ku; mi ma ’ba li omutibi erinirisi ku;

7
’ba nderi ovu ekile erini e’yo egale i ma asiarile: eri ’yo mini, Mi nya, mi mvu! te asi erini ovuni mi be ku.

8
Mi nga nyaka te mini nyale ’diri ogbe ra, azini e’yo mini ’yole aluzaru ’diyi nga avi ra.

9
Mi ’yo e’yo azini ’ba ondua kokoruri ma bilia ku, erini ngale e’yo mini ’yole ’diyi ma ondua ’bale aparakarurisi.

10
Mi oja lokiri angu awazu driori ma mile ku; mi fi ’ba ata kokoru ’diyi ma amvua ku;

11
’ba yi onzepirini ovule okporurisi; eri nga yi aza ko e’yo lizasi mi ndezu.

12
Mi ’ba mi asi imbata dria, mi co mi bile e’yo nitani ’diyi erizu’i.

13
Mi ku imbata fekokoru mva dri ku; mi ka eri co kalisi ti, ngani dra ku.

14
Mi ka eri co kalisi, mi nga ani eri ma orindi pa Pari ’ba drazaniri dri ra.

15
Mva mani, mi asi ka ovu! onduaru ka, ma asini nga ovu ani ayikosi, casi mani’i.

16
Ada, ayikoni nga ga ma asia tre, mi tile ka nga e’yo kililiruri ’yo’iria,

17
Mi asi ma ovu ma’yalasi ’ba e’yo onzi ’yepi ’diyisi ku, te mi ma ovu Yehovani ruzu etu dria.

18
A’disiku adaru orodrini nga ovu indi; e’yo mini teleri ngani avi oye ku.

19
Mi eri, mva mani, mi ma ovui onduasi ani, azini mi ma ce mi asi ma dri geria.

20
Mi ma ovu ’ba adripi patiefi su mvupi tu ’diyi ma eselia ku, kani ’ba za nyapi ngururu ’diyi ma eselia ku indi;

21
a’disiku ’ba atipi ewasiri pi ’ba nyaka nyapi anyamgbolosiri be yi nga ofu alioru, azini o’du koza ’daniri nga bongo irikoru fe su ’ba ruaa.

22
Mi eri ata mi tipiri ma e’yo, azini mi ngu mi andrini onzi eri ka ovu dezaruria ku.

23
Mi je e’yo adari, mi fe eri ozizu ku; adani ondua, imbata pie, e’yo vaza be.

24
’Ba onyi beri ma atini nga ovu ayikosi tu; ’ba mva onduaruri tipiri nga ovu ayikosi erisi.

25
Mi fe mi ati pi ma ovu ayikosi mi andri be, mi fe oku mi osipiri ma ovu ayikosi,

26
Mva mani, mi fe mi asi ma dri, mi fe mi mile ma ovu ayikosi geri mani ma alia.

27
A’disiku oku saaruni ovu ’bile alirurisi; azini oku mile acirurini ovule ’bile iziqarurisi indi.

28
Ada, eri ’ba mba ekile oguoule, eri fe ’ba lokiri be ’diyi ma ezu kakau ’ba eselia.

29
A’dini awu wuni ya? A’dini ovu candi beni ya? A’dini ovu awata beni ya? A’dini agata beni ya? A’dini ovu ebi be ruaa e’yo kokoruni ya? A’di ma mile ekaruni ya?

30
Yi ’ba o’api ewa mvuria sawa izu ’diyi; ’ba mupi patiefi su osazaru ndapi ’diyi.

31
Mi lu patiefi su ku de eri ekaru, erini feria erejea ma aleni okazu i ma wurasi, erini siria e’yere varia.

32
Te vutinia eri ’ba ga urile ndo, eri ’ba ga uriohulule.

33
Mi mileni nga afa osutaru ’diyi ndre, mi asini nga e’yo ’yo ambosi.

34
Adani, mi nga ovu ekile ’ba lapi va miri ma aliarile, kani ekile ’ba lapi pati izuru ma siarile.

35
Mi nga ’yo, Gba ma ’bo, te suni ma ruaa ku; co ma ra, te ma etumuni azoni ku.


E’yo Siza Alatararu Munguniri BIBLIA Bible in Lugbara © United Bible Societies, 1966.