Beblia

	हिंदी बाइबिल Mizo Bible THUFINGTE 17


Save Notes

1
Insual bur bura ruaithehna in ai chuan inrem taka chaw thing bar khat eina a tha zawk.

2
Chhiahhlawh fing taka che chuan fapa, mualphona thlentu chungah chuan ro a rel ang a, unau ro zingah chanvo a nei ang.

3
Tihthianghlimna bel chu tangkaraw tan ani a rawhtuina chu rangkachak tan a ni a, thinlung erawh chu LALPA'n a fiah thin.

4
Thil tha lo titu chuan mi suaksual kamchang a bengkhawn thin a, mi dawthei chuan pawikhawih hmang lei lamah beng a chhi thin.

5
Mi rethei hmusittu chuan a Siamtu a ngai nep a ni a, mi vanduaina diriamtu chu hrem lohin a awm lo ang.

6
Tu leh fate hi upate lallukhum an ni a, fanaute ropuina chu an pate hi an ni.

7
Thu sawi ropui leh mi a a inmawi lo a, hmui dawthei leh lal fa a inmawi lo lehzual.

8
A dawngtu mitah chuan thilpek chu lunghlu ang a ni a, a hawina lam apiangah a hlawhtling thin.

9
Bawhchhiatna thuptu chuan inhmangaihna a zawng a, thil sawi sawi hmang chuan thian bulte a tithen thin.

10
Mi a chunga vawi za vuak aiin mi fingah chuan vawi khat zilhhauna pawh a lut thuk zawk.

11
Mi tha lo chuan helna ngawt a zawng thin a, chuvangin a chungah zualko nunchhia tirh a ni ang.

12
Mi a at lai tawh ai chuan savawm, a no laksak daih tawh a duhawm zawk.

13
Thatna suala thungrultu chu thil tha loin a in a chhuahsan lo ang.

14
Inhnial hi tuikhuah hnam tir ang a ni a, chuvangin insualna a awm tan hmain inhnial bang rawh.

15
Mi suaksual thiamtu leh mi fel thiam lotu chu LALPA tan angkhat rengin an tenawm ve ve.

16
Hriatthiamna nei si lo mi a kutah chuan engah nge finna leina tur man a awm ni?

17
Thian chuan englai pawhin a hmangaih reng a, mangan nia tana unaua piang a ni.

18
Hriatna nei lo mi chuan a kut a beng a, a thenawmte hmaah mawhphurtuah a insiam thin.

19
Insual ngaina mi chuan bawhchhiatna a ngaina thin a, a in hung kawngkhar tisang chuan boralna a zawng thin.

20
Rilru luhlul nei mi chuan thil tha hmu thin lo a, tin, lei bengtla lo neitu chu pawi khawihnaah a lut thin.

21
Mi a hringtu chuan ama lungngaihna a thlen thin a, mi a pa chuan lawmna a nei lo.

22
Thinlung hlim hi damdawi tha tak a ni a, thinlung lungchhia erawh chuan a ruh a tiro thin.

23
Mi suaksual chuan rorelna kawngte tikawi turin mi kut ata thiamna a la thin.

24
Finna chu hriat thiamna neitu hmaah a awm thin a, mi a mit erawh chu kawlkilah a awm thin.

25
Fapa a chu a pa tilungngaitu a ni a, a hringtunu tan a kha a ni.

26
Mi fel hrem chu a tha lo a, mi tha, an thatna vanga vuak a tha bawk hek lo.

27
A thu sawia insum thin chuan fina a nei a, rilru dam mi chuan hriatthiamna a nei a,Mi a pawh hi a ngawih reng chuan mi finga chhiar a ni a, a hmui a chip chuan mi remhriaa ngaih a ni.

28
Mi a pawh hi a ngawih reng chuan mi finga chhiar a ni a, a hmui a chip chuan mi remhriaa ngaih a ni.


Mizo Bible Copyright: Mizo ?