Beblia

	Nouvo Testaman dan Kreol Morisien 1 Tes 1


Save Notes

1
Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

2
Toultan nou pe remersi Bondie pou zot tou e nou pa fini pans zot dan nou lapriyer.

3
Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

4
Mo bann frer ek ser, nou kone ki Bondie kontan zot e li finn swazir zot,

5
parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

6
Zot finn imit nou ek Lesegner, malgre boukou soufrans, e zot finn resevwar laparol avek lazwa dan Lespri Sin.

7
Alor, zot finn vinn enn lexanp pou tou bann krwayan dan Masedwann ek Akai.

8
Parol Lesegner ki sorti kot zot, pa finn zis propaze dan Masedwann ek Akai, me nouvel zot lafwa osi finn fane partou. Alor nou pena nanye pou koze.

9
Tou dimoun pe rakonte ki kalite lakey nou ti gagne kot zot e kouma zot ti abandonn bann idol pou servi vre Bondie vivan,

10
e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.


Morisyen Bible 2009 Mauritian Kreol New Testament © Bible Society of Mauritius, 2009