× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Nigerian Pidgin Nigerian Pidgin1 1 1 Proverbs JenesisExodusLevitikusNombasDeutronomiJoshuaJudgesRut1 Samuel2 Samuel1 Kings2 Kings1 Kronikles2 KroniklesEzraNehemayaEsthaJobPsalmsProverbsEkklesiastesSong of SongsIsayaJeremayaLamentashonsEzekielDanielHoseaJoelAmosObadayaJonahMikahNahumHabakkukZefanayaHaggaiZekarayaMalakai--- --- ---MatiuMarkLukeJohnActsRomans1 Korintians2 KorintiansGalatiansEfesiansFilippiansKolossians1 Tesalonians2 Tesalonians1 Timoti2 TimotiTitusFilemonHibruJames1 Pita2 Pita1 John2 John3 JohnJudeRevelashon1 1 1 25 123456789101112131415161718192021222324252627282930311 1 1 : 1 123456789101112131415161718192021222324252627281 1 1 Nigerian Pidgin Proverbs 25 Save Notes 1Dis na some of Solomon oda wise words and na King Hezekaya men for Judah kourt, rite dem down.2Na God get di pawa to hide tins, but na kings dey fit find and esplain dem to pipol.3Nobody fit know wetin kings dey tink. Just as sky high well-well and as sea deep rish, na so too dia mind bi.4Make yu remove dirty from silva, den yu go fit use am take make oda fine tins.5Nor let bad advisers near di king, so dat pipol go know am bikos e dey judge well.6Wen yu stand for king front, nor try to impress am or pritend sey yu bi betta pesin,7bikos e go good sey, make en ensef tell yu to sidan for high pozishon, na sey make e gi-am to anoda pesin wey dey important pass yu.8Nor kwik karry matter go kourt, bikos if anoda witness show sey na yu dey wrong, den, na wetin yu go do?9If yu and yor neighbour dey argue about sometin, e go good make una setol am between unasef and make yu nor tok about una sekret for publik.10If not, evribody go know sey yu nor fit keep sekret and yu nor go ever forget di shame wey go katch yu.11Bikos betta words wey dem tok well, bi like gold wey dem take dekorate silva.12Wen wise pesin advise pesin wey ready to listin, wetin e tok, betta pass fine gold ring or necklace.13As kold wota dey sweet for dry sizin, na so too savant wey pesin fit trust, dey make belle sweet di pesin wey send am.14Pipol wey dey promise and fail bi like kloud and heavy breeze wey nor dey bring rain.15Na patient and gentol tok, pesin dey take beg kings and na sweet mout dey setol sirious wahala.16Nor chop honey too mush bikos e sweet, so dat yu nor go vomit, bikos yu too chop am.17Make yu nor dey too visit yor neighbour, bikos dem fit taya kon hate yu.18To lie for pesin head bi like to kill pesin with swod, wound am with sharp arrow or shot am.19Like tit wey dey pain pesin or leg wey don break, na so too e bi to trust pesin wey nor dey sirious wen trobol kom.20To sing for pesin wey nor get peace for mind, bi like sey yu dey remove en klot from en body wen kold dey or rub salt put for en sore.21If yor enemy dey hongry, make yu gi-am food chop and if e dey thirsty, make yu gi-am wota drink,22bikos as yu do like dis, yu go make shame katch am and God go reward yu.23Just as heavy breeze from nort dey bring rain, na so too aproko dey make pesin vex well-well.24E betta make yu stay on-top house, dan to stay with wife wey dey komplain well-well.25To hear good news from land wey far, bi like wen pesin pour kold wota or drink for en body.26Wen good pesin listin to wetin bad pesin dey tok, e go bi like wota wey nor good or well wey get poizin.27Just as too mush honey nor good for yu, na so too, to make pipol dey praiz yu well-well, nor good.28If yu dey vex anyhow and nor fit kontrol yorsef, yu bi like town wey nor get fence at-all and wey dey eazy for enemy to attack.Nigerian Pidgin © 2019, Wycliffe Bible Translators, Inc. in cooperation with The Nigerian Pidgin Translation Committee Nigerian Pidgin Proverbs 25 00:00:00 00:00:00 0.5x 2.0x https://beblia.bible:81/BibleAudio/nigerianpidgin/proverbs/025.mp3 31 25