× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Sadri Sadri1 1 1 यहूदा मत्तीमरकुसलूकायूहन्नाखास चेलामन केर कामरोमानियनमन1 कुरिनथियनमन2 कुरिनथियनमनगलातियनमनइफिसियनमनफिलिप्पियनमनकुलुसियनमन1थिस्सलुनीकियनमन2 थिस्सलुनीकियनमन1 तीमुथियुस2 तीमुथियुसतीतुसफिलेमोनइब्रानीमनयाकूब1 पतरस2 पतरस1 यूहन्ना2 यूहन्ना3 यूहन्नायहूदाप्रकाशितवाक्य1 1 1 1 11 1 1 : 1 123456789101112131415161718192021222324251 1 1 यहूदा 1 Save Notes 1इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्वर अपन उपरे बिसवास करेक लगिन बोलाय हे। आबा परमेश्वर तोहरेमन से प्रेम करेला आउर तोहरे के यीशु मसीह में सही-सलामत राइख हे।2मोंय प्रार्थना करोना कि दया आउर शांति आउर प्रेम तोहरेमन के भरपूर से मिलते रहोक।3हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्वर पवितर आदमीमन के सोउब दिन लगिन देई हे।4काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्वर के नी मानैना आउर गलत शिक्षा देवैना कि परमेश्वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्वर एइसन आदमीमन के सजा देवी।5मोंय तोहरे के याइद दिवाएक चाहोना हालाँकि इ गोइठ तोहरे के पहिले से हें पता अहे, परमेश्वर इसराइली आदमीमन के गुलामी से आजाद करालक आउर उमन के मिसर देस से बाहरे लेई आलक, मगर पाछे उ उमन के माइर मोरालक, काले कि उमन उकर उपरे बिसवास नी काइर रहैं।6मोंय तोहरे के एहो याइद कराएक चाहोना कि परमेश्वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।7तइसनेहें सदोम आउर अमोरा नगर आउर आसे-पासे केर शहर केर आदमीमन उ स्वरग दूतमन केर नियर हें ब्यभिचारी होई जाय रहैं आउर पराया काया केर पिछे लाइग जाय रहैं। परमेश्वर उ शहर केर आदमीमन के आइग से नाश काइर देई रहे। उमन केर संगे जे हों होलक उ झूठा पढ़ाएक वालामन लगिन एगो चेतावनी हेके कि उमन के हों जुग-जुग बारेक वाला आइग केर दंड मिली।8ओहे लेखे बिसवास केर देखावा करेक वाला अधरमी आदमीमन इ दावा करैना कि परमेश्वर उमन के दर्शन में देखाय हे कि उमन अपन काया के गंदा काम काइर के अशुद्ध करेक पारैना। उमन परमेश्वर केर अधिकार के तुच्छ जानैना आउर स्वरग दूतमन केर बारे में बुरा भला कहैना।9मगर हिंयाँ तक कि मुध स्वरगदूत मीकाईल हों एइसन नी करलक जइसन बिसवास केर देखावा करेक वालामन करैना। जेखन शैतान मीकाईल से इ गोइठ से विवाद करलक कि उमन में से केके मूसा केर लाश के दफनाएक केर अधिकार अहे, तो मीकाईल शैतान के बुरा-भला कइह के उकर उपरे दोष नी लगालक। उ सिरिफ एतना कहलक, “प्रभु तोके डाँटोक।”10मगर इ आदमीमन जे गोइठमन के नी जानैना, उमन के बुरा भला कहैना, मगर जे गोइठमन के अनबुझ जानवरमन नियर स्वभाव से हें बुझैना, आउर इ पापी काममन के करेक केर चलते उमन खुद के नाश करैना।11उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।12जब इमन प्रभु केर प्रेम के याइद करते तोहर संगे तोहरे केर संगति में भोजन करैना, तो इमन उ खतरनाक चट्टाइनमन नियर होवैना जे समुदर केर हेंठे लुकल रहेला, जे तोहर डुबेक केर कारण बाइन सकेला। उमन उ चरवाहामन नियर अहैं जे सिरिफ अपनेहें केर चिंता करैना। उमन उ बदरीमन नियर अहैं, जे भूंई में बरसल बिना सिरिफ गरजेला। उमन ठंढा मौसम केर गाँछमन नियर होवैना जेमन केर दूई बेर माउत होवेला काले कि उमन कोनों फार नी देवैना आउर जाइर से उखइर जायना।13जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।14हनोक हों जे आदम से सातवाँ पीढ़ी में जनइम रहे, इमन केर बारे में इ भविष्यवाणी काइर रहे, “देखा, प्रभु अपन लाखो पवितर स्वरगदूतमन केर संगे15सोउब आदमीमन केर फैसला करेक लगिन आवाथे। ताकि आदमीमन जे बुरा काम काइर हैं आउर जेमन परमेश्वर केर बिरोध बुरा गोइठ कइह हैं, इ सोउब पापीमन के दंड देओक।”16आदमीमन हमेशा परमेश्वर केर बिरोध बोलैना आउर दोसर आदमीमन में गलती खोजैना। उमन लगातार उ बुरा काममन के करैना जे उमन केर मन करेक चाहेला। उमन अपन बारे में घमंड करैना आउर अपन लाभ लगिन दोसर आदमीमन केर मुँह देखी बड़ाई करैना।17मगर हे दुलार बिसवासी भाई-बहिनमन, तोहरेमन उ गोइठमन के याइद रखा, जे हमर प्रभु यीशु मसीह केर चुनल खास चेलामन पहिलेहें कइह चुइक हैं।18उमन तोहरेमन से कहत रहैं, “आखरी समय में एइसन मजाक करेक वालामन आबैं, जे अपन अधरम केर वासनामन केर इच्छामन केर मोताबिक चाल चलबैं।”19इ आदमीमन, उमन हेकैं, जेमन तोहर माझे फूट काइर देवैना। इमन अपन बुरा इच्छा केर मोताबिक चलैना आउर इमन में पवितर आत्मा नखे।20मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।21परमेश्वर केर प्रेम में मजबूत बनल रहा, आउर जुग-जुग केर जिंदगी लगिन हमर प्रभु यीशु मसीह केर दया केर आसरा देखते रहा।22उमन केर परती दयालु बना, जे नी जानैना कि केकर उपरे बिसवास करब।23आउर दोसरमन के जुग-जुग लगिन आइग में पोड़ेक केर सजा से खींच के निकलावा। ढेइर आदमीमन एइसन अहैं जेमन केर उपरे जरूर दया करा, मगर ढेइर सावधानी केर साथ एइसन करा। हिंयाँ तक कि उमन केर लुगा से हों घिरना करा, जेकर में उमन अपन पाप काममन केर दाग लगाय देई हैं।24सिरिफ परमेश्वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।25ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।Sadri Bible Sadri Bible by The Love Fellowship is licensed under Creative Commons Attribution-ShareAlike 4.0 License सादरी नवाँ नियम यहूदा 1 00:00:00 00:00:00 0.5x 2.0x https://beblia.bible:81/BibleAudio/sadri/jude/001.mp3 1 1