Beblia

	Qullaawa Maxaafa KIIRO 1


Save Notes

1
Israeelete manni Gibitsete gobbanni fulihunni layinki diro, layinki aganira umi barra, Siina Halallittera heedheenna Qullaawu Dukkani giddo hee're Kaaliiqi Musera,

2
«Atinna Aarooni Israeelete manna ga're ga'rensanna ayiddi ayiddinsanni, lemuu dirinni kayise ale hige nooha ola dandaannoha labbaaha baala kiirtine su'mansa borreesse.

3
Mitte mittente ga'rera giddonsanni roorricha doortine kaa'lanno'ne gede asse» yii.

4
Yinoonni garinni ga're ga'rentenni kiirroonniri Israeelete minni roorrooti: Roobeeli ga'renni Shedeuuri beetti Elsuuri,

5
Simiooni ga'renni Sursedayi beetti Shelumieeli,

6
Yihudu ga'renni Aminaadaabi beetti Neisooni,

7
Yisaakoori ga'renni Tsuaari beetti Naatinaeeli,

8
Zaabilooni ga'renni Helooni beetti Eeliyaabi,

9
Efireemi ga'renni Amihuudi beetti Elishamai, Minaase ga'renni, Phedaatsuuri beetti Gemaalieeli,

10
Biiniyaami ga'renni, Gidiooni beetti Abidaani,

11
Daani ga'renni, Amishaadayi beetti Ahiezeeri,

12
Aseeri ga'renni, Okiraani beetti Faagieeli,

13
Gaadi ga'renni, Deueeli beetti Eeliyaasaafi,

14
Niftaalemi ga'renni Enaani beetti Ahiraaiiti.

15
Ga're ga'rentenni doorroonniri Israeelete manni roorrooti insaati.

16
Musenna Aarooni kuni tonaa lamunku manni kaa'lannonsa.

17
Layinki agani eihunni umi barra manna baalanka gamba assite, ga're ga'retenninna boosaallu boosaallunni beekkuhu gedensaanni dirinsa lemoonna lemuu aleenni ikkino manna baala kiirte su'mansa borreessitu.

18
Kaaliiqi hajajinosinte gede Muse manna halallitte gobbara Siina kunni garinni kiirino.


Sidamo Bible 2014 © The Bible Society of Ethiopia; Sidama Holy Bible BSE-UBS 262 P 2014