× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Soga 2014 Soga 20141 1 1 Amateeka Agokubiri AmainhamaOkuvaayoAbaleviOkubalaAmateeka AgokubiriYoshuaAbalamuziRuthi1 Samueli2 Samueli1 Bakyabazinga2 Bakyabazinga1 Ebyomubyanda2 EbyomubyandaEzeraNehemiaEsitheriYobuZabbuliEnsamboOmulangiriziAmagezi ga SolomoniIsaiaYeremiaEmbaluwa ya YeremiaEzekieliDanieliHoseaYoeliAmosiObadiaYonaMikaNahumuHabakkukuZefaniaHaggaiZekariaMalaki--- --- ---MatayoMarikoLukaYoanneEbikolwa by'AbatumeRoma1 Korintho2 KorinthoGalatiaAb'EfesoFilippiKolosai1 Thessalonika2 Thessalonika1 Timotheo2 TimotheoTitoFilemoniAbaheburayiYakobo1 Petero2 Petero1 Yoanne2 Yoanne3 YoanneYudaOkwolekebwa1 1 1 1 123456789101112131415161718192021222324252627282930313233341 1 1 : 1 123456789101112131415161718192021222324252627282930313233343536373839404142434445461 1 1 Baibuli Ekibono kya Katonda 2014 Amateeka Agokubiri 1 Save Notes 1Bino n'ebibono Musa bye yakoba Abaisiraeli boonaboona, nga bali mu irungu, ku luuyi olw'e buvandhuba olw'omwiga Yorudani. Baali mu kiiko kyagwo okumpi n'ekifo ekyetebwa Sufu, ghagati gh'ekibuga Parani nga kiri ku luuyi olundi, n'ebibuga Tofeli, Labani, Hazerothi ni Dizahabu, nga biri ku luuyi olundi.2Omuntu kimutwalira enaku ikumi na lulala okutambula n'ebigere, okuva ku lusozi Sinai ng'ali kubitira mu nsi Edomu, okutuuka e Kadeshi Barinea.3Ku lunaku olusooka mu mwezi ogweikumi n'omulala, mu mwaka ogwamakumi ana (40) ng'Abaisiraeli baviire mu Misiri, Musa yaakobera Abaisiraeli byonabyona Musengwa Katonda bye yamulagira okubakobera.4Ebyo byabaagho ng'amaze okughangula kyabazinga Sihoni ow'Abamori eyafugiranga mu Heshiboni, ni kyabazinga Ogi ow'e Bashani eyafugiranga mu Ashitarothi ni mu Edurei.5Mu nsi Moabu, ere ng'omaze okusomoka omwiga Yorudani, Musa ye yatoolerera okwinhonhola amateeka ga Katonda, ng'akoba ati:6“Bwe twali ku lusozi Sinai, Musengwa Katonda waife yatukoba ati, ‘Ekiseera kye mumaze ku lusozi luno kimala.7Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.8Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”9Musa yaakoba abantu ati: “Bwe twali nga tukaali ku lusozi Sinai, nabakoba nti, ‘Tighanga kubakulembera zenka.10Musengwa Katonda waimwe abafiire bangi, era mpegaano muli bangi ng'oti n'emuunienie edh'oku igulu.11Neeghemba Musengwa Katonda oyo Katonda, Katonda wa badhaadha baimwe, ayongere okubafuula abangi emikuzi lukumi (1,000) okusinga bwe muli buti, era abaghe enkabi nga bweyabasuubiza.12Aye nze zenka nsobola ntya okwetwika obuvunaanizibwa obwaga agho, obw'okubalabirira n'okubagondhoola mu nsonga dhaimwe?13Mulonde okuva mu buli kika, abantu abagezi, abategeevu era abali n'obumanhirivu, nze mbateegho babe bakulembeze baimwe.’14Mwandhiramu muti, ‘Kikalamu tukole nga bw'okobye.’15Kale naatoola abakulembeze abagezi era abali n'obumanhirivu mu buli kika, naabataagho okuba abakulu baimwe. Abandi baakulira abantu olukumi olukumi, n'abandi ebikumi ebikumi, n'abandi amakumi ataanu ataanu, n'abandi eikumi eikumi. Naataagho n'abakulembeze abandi mu bika byaimwe.16“Era mu kiseera ekyo nga tukaali ku Lusozi Sinai, naasikirira abalamuzi baimwe nti, ‘Muwulirisenga ensonga era musalenga mu butuufu emisango ka gibe ghagati gha ab'eighanga lyaimwe beene na beene, oba ghagati gha ab'eighanga lyaimwe n'abasenze.17Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”18Era mu kiseera kyene ekyo nga tukaali ku lusozi Sinai, nabalagira byonabyona bye mugwaine okukola.19“Twakola nga Musengwa Katonda waife bweyatulagira, twava ku lusozi Sinai. Twatambula okubita mu irungu eryo lyonalyona einene era eritiisa lye mwabona, nga tugemye engira eja mu nsi y'ensozi ey'Abamori, twatuuka e Kadeshi Barinea.20Naabakoba nti, ‘Mutuuse mu nsi ey'ensozi ey'Abamori, Musengwa Katonda waife y'ali kutugha.21Eyo n'ensi Musengwa Katonda waimwe y'abooleike. Muje mugitwale nga Musengwa Katonda oyo, Katonda wa badhaadha baimwe bw'abakobye, aghazira kutyamu naire.’22“Aye mwenamwena mwaidha ye ndi mwankoba muti, ‘Tusooke tutumeyo abantu batukeetere ensi eyo, baire batukobere engira ye tunaabitamu, era n'ebibuga bye tunaayagaanayo bwe biri.’”23“Naabona ng'ekyo kirungi. Naalonda mu imwe abasaadha ikumi na babiri, mulala mulala okuva mu buli kika.24Baaja mu nsi ey'ensozi, baatuuka ku kiiko kya Eshikoli, baakikeeta.25Baanoga ku bibala byayo, baabireeta ye tuli. Baatukobera bati, ‘Ensi Musengwa Katonda waife y'ali kutugha, ngimu.’26“Aye imwe mwadheemera ekiragiro kya Musengwa Katonda waimwe, mwaloba okwingira mu nsi eyo.27Mwemuluguunhiza mu weema dhaimwe nga mukoba muti, ‘Musengwa Katonda yatukyagha, kyeyava n'atutoola e Misiri okutughaayo mu ngalo dh'Abamori, olwo atuzikirize.28Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”29“Aye nze naabakoba nti, ‘Mutatya era abantu abo batabamalamu maani.30Musengwa Katonda waimwe abakulemberamu, n'aidha okubalwaniragho, nga bwe mwabona byonabyona bye yakolera e Misiri31ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’32Aye waire nga nabakobera ebyo byonabyona, timwaikiriza kwesiga Musengwa Katonda waimwe,33eyabakulemberangamu okubaagalira ekifo eky'okusimbamu weema dhaimwe. Obwire ng'aba mu muliro oguli ng'oti mpango, ate omusana yaaba mu kire ekiri ng'oti mpango, okubooleka engira ye munaabitamu.”34“Agho Musengwa Katonda yaawulira okwemuluguunhia kwaimwe yaasungughala. Era yaalayira ng'akoba ati,35‘Ghazira muntu waire omulala ku b'oluse luno olubi alibona ku nsi engimu ye nasuubiza okugha badhaadha baimwe,36okutoolaku Kalebu mutabane wa Yefunne. Oyo n'aligingiramu. Era mwene n'abaana be, ndibagha ensi ye yalambuula. Kuba yasigala nga mwesigwa ye ndi mu byonabyona.’37Era ku lwaimwe, zeena Musengwa Katonda yansungughalira, yankoba ati, ‘N'iwe Musa, weena tolingira mu nsi eyo,38aye omubeezi wo Yoshua, mutabane wa Nuni n'aligingiramu. Kale gumya Yoshua oyo omwoyo, kuba n'alituusa Abaisiraeli mu nsi eyo ni bagitwala ng'obutaka bwaibwe’.39“Agho Musengwa Katonda yaatukoba twenatwena ati, ‘Abaana baimwe, abakaali na kwawulagho kirungi na kibi, be mwakoba muti baidha kunhagibwa abazigu, n'abalingira mu nsi eyo. Abo be ndigigha yaaba yaibwe.40Aye imwe mukyuke mutambule nga mwira mu irungu, nga mugemye engira eja ku Nhandha Emyufu.’41“Mwandhiramu muti, ‘Twakola ekibi, twasungughaza Musengwa Katonda. Aye mpegaano ka tuje, tulwane nga Musengwa Katonda waife bweyatulagira.’ Olwo buli muntu yaagema eby'okulwanisa bye, nga mudhuuba muti kiidha kuba kyangu okulumba ensi ey'ensozi.42Aye Musengwa Katonda yankoba ati, ‘Bakobe batageza kuja kulwana kuba nze tiidha kuba ghalala nabo. Abazigu baibwe baidha kubaghangula?’43Nze naabakobera Musengwa Katonda bye yakoba, aye mwaloba kumpulirisa, mwadheemera ekiragiro kya Musengwa Katonda. Era mwekuluntaza, mwaja mu nsi ey'ensozi.44Agho Abamori abaali mu nsi eyo ey'ensozi, baavaayo okubalumba nga bali ng'oti muzinga gwa ndhuki: Baababinga okutuukira irala e Horuma, era baabaghangulira eyo mu nsi ey'ensozi Edomu.45Olwo mwaira, mwalirira Musengwa Katonda ababeere. Aye Musengwa Katonda yaaloba okubawulirisa, waire okubataaku omwoyo.46Kale mwasigala eyo e Kadeshi okumala entangama ndeeyi.”Soga Bible 2014 Baibuli Ekibono kya Katonda © The Bible Society of Uganda, 2014 Baibuli Ekibono kya Katonda 2014 Amateeka Agokubiri 1 00:00:00 00:00:00 0.5x 2.0x https://beblia.bible:81/BibleAudio/soga/deuteronomy/001.mp3 34 1