× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Songe 2018 Songe 20181 1 1 Luka AkisiakinetApudunetNgilawiEkimarAkitamunet a EtalYochuaNgikatubok NgakiroRus1 Samuel2 Samuel1 Ngikapolok2 Ngikapolok1 Ngakiro a Ngirwa2 Ngakiro a NgirwaEsiraNeemiaEsitaYobNgieosioNgakamatakEketatamanEeos Lokebusean NoiIsayaYeremiaAkigoroEsekielDanielOseaYoelAmosObadiaYonaMikaNaumAbakukSepaniaAgaiSekariaMalaki--- --- ---MatayoMarikoLukaYoanaNgitichisioNgiroma1 Ngikorintoi2 NgigalatiaeNgigalatiaeNgiepesoiNgipilipiNgikolosai1 Ngitesalonike2 Ngitesalonike1 Timoteo2 TimoteoTitoPilemonNgieburaniaeYakobo1 Petero2 Petero1 Yoana2 Yoana3 YoanaYudaAkitoodikinet1 1 1 1 1234567891011121314151617181920212223241 1 1 : 1 12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879801 1 1 NTETO INJEGA CIA MURUNGU KIRI ANTU BONTHE 2018 Luka 1 Save Notes 1Kîrî mûkaathe Theofilo, Antû babaingî nî baciûmîtie kwaandîka mantû jarîa jathithîkîte gatîgatîîne geetû.2Antû bau baandîkîte mantû jau o ta ûrîa baamenyithîrue jo nî antû barîa baajonere kuuma rîrîa jaambîrîrie na baraa atûmîîria ba nteto iu.3Tontû bûû, nî mboneete nî bwega ncûnkûûne mantû jonthe bwega kuuma rîrîa jaambîrîrie nîkenda nkwaandîkîra ûrîa jaakari na ûrîa jaathingateene, gwe Mûkaathe Theofilo.4Ndîthithia ûu nîkenda ûkamenya ûûma bwa mantû jau ûthirîtie kûritanwa.5Îgiiteene rîrîa Herode aarî mûnene wa Judea, nî kwaarî mûthînjîri-Mûrungu weetagwa Zekaria. Zekaria aarî wa gîkundi kîa athînjîri-Mûrungu kîrîa gîetagwa Abija. Mwekûrû waawe eetagwa Elizabethi. Elizabethi aarî wa kuuma mwîrîga jwa Aaroni.6Bo-baîrî nî baarî antû babaagîru mbere ya Mûrungu, na nî baathîkagîra maathana jonthe na mataaro ja Mwathani jonthe.7Îndî bataarî na kaana nîûntû Elizabethi aarî nthaata, na nî baarî bagûkûra mono.8Ntukû îmwe Zekaria nî aaritaga ngûgî ya ûthînjîri Mûrungu kîûrûûne nîûntû yaarî ntukû yaawe ya kûrita ngûgî kîûrûûne.9O ta ûrîa kwaarî wîthîre bwa athînjîri-Mûrungu, Zekaria nî aarî akûringîrwa kuura eethîrwa arî kîûrûûne akîîthagîria ubaani. Tontû bûû, arakûrûka ndeene,10na antû bareeteera oome bakîrombaga rîrîa ubaani yaaîthagîrua.11Mûraîka wa Mwathani nî aumîrîîre Zekaria na ararûngama rûteere rwa ûrîo rwa kîritîro kîa igongwana gîa kwîîthîria ubaani.12Rîrîa Zekaria aamwonere nî aamakîre na araigua ûguaa.13Îndî mûraîka aramwîra, “Zekaria ûgákîra, nîkwîthîrwa Mûrungu nî aigîtue maromba jaaku na mwekûrû waaku Elizabethi agagûciarîra kaîjî, naagwe ûgageeta Johana.14Naagwe ûgakara na nkerû na kûgwîrua, na babaingî bakagwîrua rîrîa gagaciarwa.15Johana akeethîrwa arî muntû ûrî na îgweta mbere ya Mwathani. Atînyua ndibei kana gintû noo kîrîkû kîrîa kîogitanagia. Ningî akoojûrwa nî Roho Ûmûtheru arî kîu kîa ng'ina.16Ningî agacokanîîria antû babaingî ba Israeli kîrî Mwathani Mûrungu waao.17Akeeja mbere ya Mwathani eeja, na akeeja arî na Roho na inya ta ya Elija, nîkenda aigithania aciari na aana baao, na atûme antû barîa batîathîkagîra Mûrungu batue kûthingataga mîîtîre îrîa mîagîru, na athuranîre antû nîkenda beteera Mwathani.”18Zekaria areera mûraîka atîrî, “Nîatîa nkamenya ûntû bûu bûrîo? Ni ndî ûmûkûrû mono na mwekûrû waakwa nî ntindiri?”19Mûraîka aramûcokeria, “Nî ni Gabrieli. Nkaraga mbere ya Mûrungu, na ntûmi mbîja kwaria naagwe na nkwîra nteto iji injega.20Ûkaa maamu na ûtîûmba kwaria mwanka rîrîa mantû jau jagakarîka, nîûntû ûtîretîkia nteto ciaakwa, irîa ikoojûra îgiita rîaacio rîakinya.”21Antû noo beetereete Zekaria, barigari nîûntû nî aarî agûkara kîûrûûne îgiita rîrîraaja.22Rîrîa aumagarîre atoombîre kwaria nabo. Rîu antû baramenya nî aarî akwona kîoneki arî kûu ndeene. Tontû atoombaga kwaria, nî aaboonererie na njara ûrîa gwakarîka.23Rîrîa îgiita rîaawe rîa kûrita ngûgî kîûrûûne rîathirîre, nî aanîre kwaawe.24Nyumeene, mwekûrû waawe Elizabethi nî aagîîre îu na araiciitha mîeri îtaano agîciîraga,25“Mwathani agûnteethia na ampeberia nthao irîa ntwîre nacio kuuma kîrî antû.”26Elizabethi agûkinyia mîeri îtantatû arî na îu, mûraîka Gabrieli nî aatûmîrwe nî Mûrungu ntûûreene ya Nazarethi kûu Galili.27Aatûmi kîrî mwarî karaiti weetagwa Maria, ûrîa wagûragwa nî muntû weetagwa Josefu wa mwîrîga jwa Daudi.28Mûraîka agûkinya kîrî Maria aramwîra, “Gwîrua! Ûrî ûmûtharime na Mwathani arî amwe naagwe.”29Maria arathangîka mono akîenda kûmenya gîtûmi kîa nteto iu.30Mûraîka aramwîra atîrî, “Maria ûgákîra, nîkwîthîrwa Mûrungu nî akwonetie wega bwaawe.31Ûkagîa îu na ûciare kaîjî ûgeete Jesû.32We akaa mûnene na ageetagwa Mûtaana wa Mûrungu Ûrîa Ûrî Îgûrû buru. Mwathani Mûrungu akamwethia mûnene o ta ûrîa aeethetie Daudi, kîûjûjû kîaawe.33Akaathaga nchiarwa cia Jakubu kenya na kenya, na Ûnene bwaawe bûtîkorothira.”34Maria arooria mûraîka, “Nîatîa mantû jau jakoombîka, nîkwîthîrwa ni ndî mwarî karaiti?”35Mûraîka aramwîra atîrî, “Ûkoojûrwa nî Roho Ûmûtheru na wûûjûrwe nî inya ya Ûrîa Ûrî Îgûrû buru. Tontû bûû, mwana ûmûtheru, ûrîa ûgaciara ageetagwa Mûtaana wa Mûrungu.36Ningî menya atî Elizabethi, ntindiri ya ndûgû cieenu, ûrîa antû batwîre baugaga nî nthaata, arî na mîeri îtantatû arî na îu.37Nîkwîthîrwa gûtî ûntû bûrema Mûrungu.”38Maria aramwîra, “Ni ndî nthûûmba ya Mwathani. Nî gûkarîke kîrî ni o ta ûrîa wauga.” Rîu mûraîka araciîtîra.39Nyuma ya ntukû inkai, Maria araithuranîra, areeta na mpwîî mwanka ntûûreene îmwe îrîa yaarî nthîgûrû ya irîma, ya Judea.40Arakûrûka nyomba ya Zekaria na arakeethia Elizabethi.41Rîrîa Elizabethi aakeetherue nî Maria, kaana karîa kaarî kîu kîaawe karatûûatûûa kîu na Elizabethi aroojûrwa nî Roho Ûmûtheru.42Arauga na kajû gakanene, “Gwe ûrî ûmûtharime nkûrûki ya eekûrû bonthe, na ûrîa ûgaciara nî atharimi!43Nîatîa bûng'ana bûbû, ndeeja kûriûngîrwa nî ng'ina wa Mwathani waakwa?44Tontû rîrîa mbîgîrue nkeethi ciaaku, nîrîo mwana ûrîa ûrî kîu gîaakwa ambîrîîrie gûtûûatûûa nîûntû bwa ûrîa aagwîrîîtue.45Maria, nî ûtharimi nîûntû bwa gwîtîkia atî mantû jarîa weerîrwe jaumîte kîrî Mwathani jakoojûra.”46Nawe Maria arauga, “Mwoyo jwaakwa nî jûgûkumia Mwathani,47na roho waakwa nî agwîrîrîtue Mûrungu mwonokia waakwa,48nîûntû nî aririkanîte nthûûmba yaawe îrîa iinyiîtie.49Nîkwîthîrwa Ûrîa ûrî inya nî anthithîrîtie mantû jamanene, na riîtwa rîaawe nî rîîtheru.50Nî aigagîrua barîa bamûtîîaga kîaao kuuma nthukî îmwe mwanka nthukî îngî.51We nî athithîtie mantû jamanene, na aragania mathûgaanio ja aikumia.52Nî atunyîte barîa baathanaga waathani, na aa îgweta barîa batî îgweta.53Nî anyirîtie barîa barî na mpara na biakûrîa bibiega, na eenga itonga bitî na gantû.54Nî atethetie Israeli, nthûûmba yaawe, na aririkana kûmigîîrua kîaao,55o ta ûrîa eranîîre na biûjûjû bieetû, Abrahamu na nchiarwa ciaawe, akabaigîîrua kîaao kenya na kenya.”56Maria arakara kwa Elizabethi mîeri îthatû, rîu araana kwaao.57Îgiita rîa Elizabethi rîa kuurûka rîakinya araciara kaîjî.58Rîrîa atûûri baawe na antû ba ndûgû ciaao baigîrue atî Mwathani nî amwigîrîîtue kîaao gîkînene, nî baagwîrîrue amwe nawe.59Ntukû ya inyanya yakinya, nî beetîre gûtaana kaîjî kau. Nabo beendaga gûgeeta riîtwa rîa îthe Zekaria,60îndî ng'ina wa kaana kau arabeera, “Arî! Kaana gageetwa Johana.”61Nabo baramûcokeria, “Gûtî kinya ûmwe wa ndûgû cieenu wîtagwa ûu.”62Rîu baraarîria îthe Zekaria bagîtumagîra njara nîkenda abeera ûrîa akwenda geetwa.63Nawe areetia kabaaû ga kwaandîkîra na araandîka, “Nî geetwe Johana.” Bonthe bararigara mono.64O rîu Zekaria aroomba kwaria kaîrî, na arambîrîria gûkumia Mûrungu.65Atûûri bonthe baraigua ûguaa na bareeta bakîaragia mantû jarîa boonere nthîgûrûûne ya irîma ya Judea.66Bonthe barîa baigagua mantû jau nî baarigaraga mono bagaciûria, “A mwana ûûjû akaa muntû wa mûthemba jûrîkû?” Nîkwîthîrwa inya ya Mwathani îrî amwe nawe.67Zekaria, îthe wa kaana kau, nî oojûrîrwe nî Roho Ûmûtheru na araroria akiugaga,68“Mwathani Mûrungu wa Israeli arokumua, nîûntû nî areejîre gûteethia na aakûûra antû baawe.69Nî aratweere Mwonokia ûrî na inya, kuuma kîrî nchiarwa cia Daudi, nthûûmba yaawe.70O ta ûrîa aatumîîre iroria biaawe bibitheru kuuma tene gûtwîra,71atî agatwonokia kuuma kîrî anthû beetû, na atwonokie kuuma kîrî barîa batûthwîre.72Nî aaugîre akaigîrua biûjûjû bieetû kîaao, na aririkane kîrîkanîro kîaawe gîkîtheru.73We nî aaciîtîîrie kîûjûjû gîeetû Abrahamu,74na areeka wîrane atî agatwonokia kuuma kîrî anthû beetû, nîkenda tûmûtumîkagîra tûtî na ûguaa,75na twaa antû babatheru na babaagîru ûtûûroone bweetû bunthe.76Naagwe kaana, ûgeetagwa kîroria kîa Mûrungu Ûrîa Ûrî Îgûrû buru, nîkwîthîrwa ûgeeta ûrî mbere ya Mwathani, nîkenda ûthuranîra njîra ciaawe;77nîkenda ûmenyithia antû baawe atî bakoonokua barekerwa meeyia jaao.78Mûrungu weetû arî kîaao gîkînene, na agatûma twoone wonokio bwaawe bûkîîja kîrî tuî.79Wonokio bûgatûma bonthe barîa batwîre muunduune jwa gîkuû, booneerua mîîtîre ya thîîrî îrîa bakathingataga.”80Mwana ûu nî aakûrîre akîgîaga inya ya mwîrî na ya Roho. Nî aatûûrîre rwanda mwanka ntukû îrîa aacionanîrie kîrî antû ba Israeli.Songe Bible 2018 KIMERU BIBLE WITH DC ©Bible Society of Kenya, 2009, 2018 NTETO INJEGA CIA MURUNGU KIRI ANTU BONTHE 2018 Luka 1 00:00:00 00:00:00 0.5x 2.0x https://beblia.bible:81/BibleAudio/songe/luke/001.mp3 24 1