× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Sukuma 2000 Sukuma 2000Sukuma 2019Sukuma 19601 1 1 Luka MatayoMalikoLukaYohanaShītwa sha Batūng'waBalumi1 Bakolinto2 BakolintoBagalatiaBaefesoBafilipiBakolose1 Batesalonike2 Batesalonike1 Timoteo2 TimoteoTitoFilimoniBahebulaniaYakobo1 Petelo2 Petelo1 Yohana2 Yohana3 YohanaYudaKūkundūlīlwa1 1 1 1 1234567891011121314151617181920212223241 1 1 : 1 12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879801 1 1 Sukuma Bible 2000 Luka 1 Save Notes 1Banhū bingī bifunije kwandīka būsombooji bo mihayo īyo yashikīlījiwe mu bise,2kūlenganīla nū mumo baatūwīlīlile a batūmami, abo bakūjikumūchaga ī Nghūlū jenīji; a bambonà bayo ī mihayo kūfuma aho īkandīja.3Hūna lūūlū baba nkūjiwa Teofilo, nū nene naabonile īkūbeelela nakwandīkīle pyī ī yose mu būgaliili, nguno nīgīsīlīgije chiza mu welwa-ngholó, kūfuma ha wandījo wayo.4Īkūbeelela ūbūmane ū būnghana wayo ī mihayo īyo wawīlilwe yenīyo.5Mu shikū ja ng'wa Helode aho alī ntemi wa Būyudaya, walīho ngabīji witanagwa Zakalia, o ng'wigele lya ng'wa Abia. Olī antoolile Elizabeti, ūmò wa bakīma ba mu lūganda lo ng'wa Alooni.6A bose būbīlī wabo, baalī batūngīlīja ū kūlī Mulungu. Hangī ū mu kashimīzīle kabo baalī bashidimile pyī ī shilagīlo sha ng'wa Seeba; nū mu katongeelele kakwe baalī batī na shisembo.7Kwike baalī batī na ng'wana, nguno ū Elizabeti olī ngūmba, nose ūgigūlūha, nū Zakalia ūnamhaala.8Ali lūūlū, ī ligele lya ng'wa Zakalia līkapandīkwa lūdīīma, wandya kūtūmama nīmo gwa būgabīji kū būtongi bo ng'wa Mulungu.9Hūna ūsolwa bo mbale, gīt'ūmo shalī shīmīle sha būgabīji, wingīla mu hekalu ya ng'wa Seeba kūzuukīja ngazu.10Ū ng'wikanza lya kūzuukīja ngazu lyenīlo, pye a banhū a bangī baalī hanze bakūlombaga.11Kūhayimanīla wilongelwa na malaika o ng'wa Seeba; wīmīīla kū lwandī lo būlyo lo ng'walīlo go kūzuukīja ngazu.12Ū Zakalia aho wamona wibakīla, ūgwīlwa booba būtaale no!13Alīyo ū malaika ūng'wīla gīkī, “Ūtogohage Zakalia, nguno ū kūlomba kwako kwigwiwe; ū nke wako ū Elizabeti akūkūbyalīla ng'wana ngosha, ī lina lyakwe ūkūng'wilīka Yohana.14Ūkūyega na kūsangabala, na banhū bingī bakūkūyegela ū kūbyalwa kwakwe,15nguno akūbiza ntaale ū kū būtongi bo ng'wa Seeba. Akwizūjiwa na Moyo Ng'wela kūfuma mu nda ya ng'wa nina. Hūna lūūlū, atī wa kūng'wa divai nūūlū shikoji shose-shose na hado yaya.16Baisilaeli bingī akūbīīta bangalūkīle Seeba Mulungu wabo.17Akūtonga kū būtongi bo ng'wa Seeba mu moyo na nguzu ja ng'wa Eliya, kwiza kūgalūcha ngholó ja babyaji babadīlīle baana babo, na bashitiigwa bagalūkīle witegeleja na būtūngīlīja. Hū ng'wene ūyo akūbeeja nīmo gwa kūbalonja-lonja banhū babize bamalīīlile kūlwa ng'wa Seeba.”18Ū Zakalia ūnshokeja ū malaika ūng'wīla gīkī, “Nakūgūmana ginehe ū mhayo gwenūyū? Īkī ū nene nalī namhala gīkī, nū nke one ngikūlū o shikū ningī!”19Ū malaika ūnshokeja ūng'wīla alīhaya, “Ū nene nalī Gabulieli, nakīmīīlaga kū būtongi bo ng'wa Mulungu. Natūmagwa nize nahoye nangho, nakwinhe ī Nghūlū Jawiza jenīji.20Ali lūūlū īkī ūtūyīzunyaga ī mihayo yane, alīyo hū shiigelile īshikīlījiwe ng'wikanza lyayo, ūkūbiza shimuumu. Ūtūdūla ū kūyomba kūshisha lūshikū ūlo īkūshikīīla.”21Nose a banhū abo baalī hanze banindīīlile ū Zakalia būyūkumya, nguno akadīla ū kūfuma ū mu hekalu.22Alīyo aho wafuma walemeelagwa ū kūyomba, būdeeba gīkī walī wabona sha koolechiwa ū mu hekalu. Hūna wandya kūyūbagemeelela bo makono dūhū, nguno akabiza shimuumu.23Jahayūkwīndanha ī shikū ja būtūmami bokwe, ūja kū ng'wakwe.24Shikū jitabītile ningī, ū nke wakwe ū Elizabeti ūbiza nda; aho wabona gīko ūbiza wa kwikala wibisaga mu kaya dūhū, kūshisha yūbīta myeji ītanò. Nguno akahaya gīkī,25“Nose nane wanibona ū Seeba ū mu shikū īji, wanibeegeja mhayo gwa kūnīngīja būdalahwa mu banhū!”26Mu ng'weji gwa katandatū, ū malaika Gabulieli ūtūng'wa na Mulungu kūja Galilaya, kū nzengo gwitanagwa Nazaleti;27kūlī munhya nebe ng'wilindu, lina lyakwe Malia, walī alūnjiwe na ngosha witanagwa Yosefu, wa lūganda lwa ng'wa Daūdi.28Ū malaika aho washika ūngīsha; hūna ūng'wīla gīkī, “Yegaga ū bebe nguno wīlūkīlagwa mbango; ū Seeba alī hamò nangho!”29Ū munhya ng'wenūyo ūzwangana, wandya kwiganika akwibūjaga gīkī, “Ū būgīshiwa wenūbū būlī na makūlū kī!”30Ū malaika ūng'wīla, “Ūtogohage Malia, nguno wīlūkīlagwa mbango ja ng'wa Mulungu.31Ūkūbūūcha nda ūbyale ng'wana ngosha, ūng'wilīke ī lina lyakwe Yesu.32Akūbiza ntaale, nguno akwitanwa Ng'wana wakwe ūyo alī higūlya no. Ū Seeba Mulungu akūng'winha ī lisumbī lya nkūlūgenji wakwe Daūdi.33Akūbiza nsugi wa numba ya ng'wa Yakobo welelo na welelo, nīyo ū būtemi bokwe būtī bo kūshila ho.”34Ū Malia ūnshokeja ū malaika gīkī, “Ū mhayo gwenūyū gūkūdūlīkana ginehe, īkī ū nene nataalī kūtoolwa?”35Ū malaika ūnshokeja ūng'wīla gīkī, “Moyo Ng'wela akūkwikīīla, hūna ū būdūla bokwe ūyo alī higūlya no būkūkūkundīkīja. Na lūūlū ūyo alabyalwe akūbiza Ng'wela, Ng'wana wa ng'wa Mulungu.36Nū ndūgūyo ū Elizabeti, nanghwe alī nda ya ng'wana ngosha mu būgikūlū bokwe; munhū ūyo walī amanīkile gīkī ngūmba. Nīyo ū gwenūyū ng'weji gokwe go katandatū.37Nguno gūtīho mhayo nūūlū gūmò, ūyo gūtadūlīkanile ū kūlī Mulungu.”38Hūna ū Malia ūhaya, “Ū nene nalī nkīma nsese o ng'wa Seeba; ni gūshikīīlage gīt'ūmo waniwīlīla.” Hūna ū malaika wīnga ho, ūneka.39Ū mu shikū jenījo ū Malia atadīlile, ūbūūka wangū ūja kū sī ya Būyudaya, kū nzengo gūmò gwa kū magūlya ga kwenūko.40Wahayūshika ko wingīla ū mu ng'wa Zakalia kūngīsha ū Elizabeti.41Ū Elizabeti aho waliigwa ī lilaka lya kūgīsha kwa ng'wa Malia, ūbina ū ng'wana ūyo olī mu nda yakwe, hūna okajiwa na Moyo Ng'wela.42Ūhamuka n'ilaka lya higūlya alīhaya gīkī, “Ū bebe ūfuuhilwe mbango kūtinda pye a bakīma. Nū ng'wana ūyo alī mu nda yako nanghwe afuuhilwe mbango.43Wīlūkilwa kī nabo ūbū, gīkī ū nina wa ng'wa Seeba wane wiza kūnigīsha ū nene!44Nguno ī lilaka lya kūgīsha kwako aho lyashika dūhū ū mu matū gane, haho na haho obina na būyegi ū ng'wana ūyo alī mu nda yane!45Nīyo alī na mbango ū wa kūzunya gīkī īkūshikīlījiwa īyo wawīlilwe kūfuma kūlī Seeba.”46Hūna ū Malia ūhaya gīkī, “Ī ngholó yane īlīnyegela Seeba,47nū moyo gwane gūlīnkumīlīja Mulungu, Mpīja wane.48Nguno wabūbonile ū būdalahwa wa nsese wakwe nkīma, īkī kūfuma haha pyī ī shibyalīlwe, shikūnibala gīkī nalī nfuuhwa.49Nguno ū wa būdūla wanibeegegije mitaale; lina lyakwe līlī lyeela.50Shigongo shakwe shilīho kūlwa, shibyalīlwe na shibyalīlwe sha banhū abo bang'ogohile we.51Īyo wabeegije na makono gakwe īlī mitaale, wababbalasanije abo bakigūngūhyaga mu maganiko ga ngholó jabo.52Wabīngije batemi ha masumbī, ūbagūngūhya a bidohya.53A batuubile wabigūtije shizeeze, lelo a basabi ūbapeeja makono dalali.54Wangunaanile ū ntūmami wakwe ū Isilaeli, kūlwa kwizūkwa shigongo shakwe;55gīt'ūmo kūlī kwisagīja kwakwe kū bakūlūgenji bise; kwandīja kūlī Abulahamu na būbyīle wakwe, kūshisha welelo na welelo.”56Ū Malia akalenda nū Elizabeti ikanza lya myeji gītī īdatū, hūna ūshoka kaya.57Aho lyashika ī likanza lya kūbyala kwa ng'wa Elizabeti, ūbyala ng'wana ngosha.58A bazenganwa biye na a badūgūye aho bigwa, bakayega no hamò nanghwe na kūnkumīlīja Seeba, kūlwa kūnchīla shigongo.59Aho lwashika lūshikū lo kanaane, būntwala ū ng'wana kūjūsaalwa. Būhaya kūng'winha ī lina lya ng'wa ise Zakalia.60Alīyo ū nina ūlema ūhaya, “Yaya; akwitanwa Yohana.”61Nabo būnshokeja balīng'wīla: “Hama īkī atīho nūūlū ūmò ūyo akitanagwa lina lyenīlo ū mu lūganda lwako!”62Hūna būmūja ū ise o ng'wana, bo kūngemeelela na makono, ī lina īlo walī atogilwe kūng'witana.63Ūbalomba lūbbawa lo kwandīkīla; wandīka gīkī, “Akwitanwa Yohana.” Būkumya pye.64Haho na haho ūtungūlīlwa; ū nomo gokwe nū lūlīmi shūdūla ū kūyomba, wandya kūnkumīlīja Mulungu!65Pye a bazenganwa būgwīlwa idedebaja; nīyo pye a banhū ū mu magūngūli ga Būyudaya būyikala bakwīhoyelaga ī mihayo yenīyo.66Būlī bene ūlū bīyigwa bītūūlaga mu moyo, pyī būyūhaya, “Ī gete ū ng'wana ng'wenūyū akūbiza wa mbika kī?” Nguno ū nkono go ng'wa Seeba gwalī hamò nanghwe!67Hūna ū Zakalia, ū ise o ng'wana, okajiwa nguzu ja ng'wa Moyo Ng'wela, wandya kūhanga alīhaya,68“Akumīlījiwe ū Seeba Mulungu wa Baisilaeli. Nguno watūgenihile, wenhile būtungūlwa kū banhū bakwe.69Watūbūūkīgije mhembe ya būpīji, kūfuma mu numba ya ntūmami wakwe Daūdi.70H'ūmo wahayīla kwīngīīla kale na kale, kūbītīla mu milomo ya bahangi bakwe beela.71Gīkī tūpīle kūfuma mu makono ga banishi bise; mu makono ga bose abo batūkolilwe.72Wabakūlīlilwe a bakūlūgenji bise, hangī walizūkilwe ī lilagane lyakwe ī lyeela.73Ū wilahīji ūbo akang'wilahīlīla nkūlūgenji wise Abulahamu, gīkī akūtwītīla,74kūtūpīja kwīnga mu nkono go ng'wanishi, tūdūle kūntūmamīla we tūtī na booba;75mu wela na mu būtūngīlīja shikū jise jose.76Ū bebe nangho ng'wana, ūkwitanwa ūlī nghangi wakwe ūyo alī higūlya no; nguno ūkūbiza kū būtongi bo ng'wa Seeba, ūmeeja-beegeje nzīla yakwe.77A banhū bakwe ūbamanīkīje būpīji, kūlwa kūlekejiwa kwa shibi shabo.78Ū Mulungu wise watūsaatilwe na kūtūchīla shigongo; Isana lyūtūgeniha kūfuma kwigūlya,79kūlwa kūbaakīla abo bakwikalaga mu giiti, na mu nengeeji gwa lūfu; na kūtongeela mhambala jise mu nzīla ya mhola.”80Hūna lūūlū ū ng'wana ūkūla, ūbiza na nguzu ja moyo. Ūja kū matogolo ūūkikala kwenūko, kūshisha lyūshika ī likanza lya koolechiwa kwakwe kū Baisilaeli.Sukuma Bible 2000 Sukuma New Testament © Bible Society of Tanzania, 2000 Sukuma Bible 2000 Luka 1 00:00:00 00:00:00 0.5x 2.0x https://beblia.bible:81/BibleAudio/sukuma/luke/001.mp3 24 1