× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Australia Continent New Zealand Papua New Guinea Old Languages Aramaic Latin Esperanto 1 1 1 Thadou Thadou1 1 1 2 Samuel SemtilbuPotdohbuThempudanMinbuDanbuJoshuaThutanhoRuth1 Samuel2 Samuel1 Lengte2 Lengte1 Thusimbu2 ThusimbuEzraNEHEMIAHEstherJobLabuThuchihbuThuhilpaSolomon LabuIsaiahJeremiahKalaEzekielDanielHoseaJoelAmosObadiahJonahMicahNahumHabakkukZephaniahHaggaiZechariahMalachi--- --- ---MathewMarkLukeJohnSolchahRome1 Corinth2 CorinthGalatiaEphesiaPHILIPPIANSColossia1 Thessalonica2 Thessalonica1 Timothy2 TimothyTitusPhilemonHebraiJacob1 Peter2 Peter1 John2 John3 JohnJudeThuphon1 1 1 18 1234567891011121314151617181920212223241 1 1 : 1 1234567891011121314151617181920212223242526272829303132331 1 1 Thado Bible 2015 2 Samuel 18 Save Notes 1Chuin David'in aumkhopi miho chu asimin, chuin aman sangkhat chung lamkai le jakhat chunga lamkai ding alhengdoh-in ahi.2Chule David'in mipi hopthum-a hopkhat chu Joab khut noija asoldoh-in, hopthum-a hopkhat chu Zeruiah chapa Joab sopipa Zeruiah chapa Abishai khut noija asoldoh-in, chule hopthum-a hopkhat chu Git mi Ittai khut noija chun asoldoh-in ahi. Chuin lengpan mipi ho henga, Keima tahjong thonlouva nang hotoh kalhonkhom ding ahi, ati.3Ahinla mipin adonbutnun, Nangma nakondoh louding ahi: ajehchu keiho jamta leoveng, amahon keiho gelkhoh-a einei loudiu; chule keiho akehkhat thijong leoveng, amahon keiho gelkhoh-a einei loudiu ahi. Ahinla tun nangma keiho sangsom toh kibang nahi: hijeh-a chu nangman tu-a khopi sunga naum hi phajo ahi, atiuve.4Chuin lengpan ajah uva, Nanghon aphapen dinga nagelu chu kabol ding ahi, ati. Chuin lengpa kotpi phung koma chun adingin, mipi jouse chu jakhat cheng le sangkhat chengin ahungdoh-un ahi.5Chuin lengpan Joab, Abishai chule Ittai chu thu apen, ajah uva, Keima ding ngaitonan gollhangpa, Absalom ngeichu lungneng tah-in hindemun, ati. Chule miho jouse chun lengpan Absalom chung changa ja lamkaiho athupeh chu ajaovin ahi.6Hitichun mipi chu gamlah-a Israelte doudin achedoh taovin ahi. Chuin gal chu Ephraim gammanga kisat uva ahi;7Hiche mun'a chun Israel mipi ho chu David sohte masanga akithat chap taovin, chule hiche nikho chun mi sangsomni athin ahi.8Ajehchu gal chu gamsung jouse-a akithechan soh-a ahitan: chule hiche nikho chun chemjam'a kithat sangin, gammang lah-a ohlih atamjouvin ahi.9Chuin Absalom'in David sohte chu atohkha tan ahi. Chuin Absalom chu sangan chung khatna touva ahin, chule sangan chu gangpi lentah abah kibom noija chun achen ahile, alu chu gangpi-a chun a-ohdentan; chuin ama vanle lei kikah-a akikhai denin; anoija um sangan chu achemang tan ahi.10Chuin mikhatnin hichu amun, Joab jah-a, Ven, keiman Absalom gangpi phunga akikhai kamun ahi, ati.11Chuin Joab'in aseipehpa henga, Ven, nangman ama namu ahin, ipidinga amachu tolla satlhalou nahim? chutile keiman nangma dangka Shekel somleh konggah khat nape tadinga, ati.12Chuin mipa chun Joab henga, Keiman dangka Shekel sangkhat kakhutna kasan ding hijongleh, keiman lengpa chapa dounan kakhut kalha louding ahi; ajehchu keiho jah tah-in lengpa nangma le Abishai chule Ittai nathu peh-un, Gollhang Absalom chu koimachan natohkhah louna dingun chingtheijun, ati.13Achuti louva ahile kahinkho douna-a dihlou tah-a na katohding ahi: ajehchu lengpa-a kona ki-ima imacha aumpon, nangmatah ngeijong keima douva nahung panding ahi, ati.14Hichun Joab'in, Keima nangma toh hitihin umthei ponge, ati. Chuin aman akhutna tengcha thum alan, Gangpi thing lah-a ahinga ana umnalai Absalom alungchang chu asun pailetnin ahi.15Chuin Joab galmanchah po-a pang gollhang mi somho chun Absalom chu a-umkimvelun, avouvin, athat taovin ahi.16Chuin Joab'in sumkon amutnin ahile, mipi chu Israelte anungdel naova konin ahungkile taovin ahi; ajehchu Joab'in mipi chu akhamtang ahitai.17Chuin amahon Absalom chu alauvin, gammang lah kotong lentah khat aseplutnun, chule achunga songlhuh lentah-in aseuvin ahi. Chuin Israelte chu amitakip ama ama ponbuh lam cheh-a ajamtaovin ahi.18Tun Absalom'in ahinlaijin lengpa phaichama chun amadingin khompi khat anatung doh-in ahi. Ajehchu aman, keiman kamin geldoh jingna dinga koiding chapa kaneipoi, ati: chuin aman khompi chu ama-min aputsah-in ahi. Chule hichu tunigeijin Absalom mun tin akisahtai.19Chujouvin Zadok chapa Ahimaaz'in, Tun keima lhaijing kating, Pakaiyin melmaho chunga iti phu analah hitam, lengpa koma athu hi galhut inge, ati.20Chuin Joab'in ahenga, Tunia hi nangman thu napoh theilou ding, amavang nidang tengle napoh ding ahi. Tunia vanghi nangman thu napoh louding ahi, ajehchu lengpa chapa thia ahi, ati.21Chujouvin Joab'in Cushi henga, Chenlang nathilmu hi lengpa gaseipehtan, ati. Chuin Cushi chu Joab anga akunin, alhaijeltan ahi.22Hichun Zadok chapa Ahimaaz chun Joab henga aseikitnin, Ahile hitante, nahenga katao ahi, Cushi nunga chun lhaijing kate, ati. Chuin Joab'in, Kachapa, athupoh ding umlouva ipi dinga lhaiding nakigot jengham? ati.23Ahinla aman, Ahile hitante, lhaijeng inge, ati. Hichun aman ajah-a, Lhaitan, ati. Hichun Ahimaaz chu phaicham lampia chun alhaijin Cushi chu akhelpatan ahi.24Chule David chu kotpi teni kikah-a chu touva ahi. Chuin khongahpa chu kotpi phung bang chunga chun akaldoh-in, akhodah in ahile, veuvin, mikhat achanga hunglhai amun ahi.25Chuin khongahpa chun asamin, lengpa henga aseipehtan ahi. Chuin lengpan, Ama achang ahile, akama thu ahinpoh hinte, ati. Chuin ama kintah-in ahunglhaijin ahungnai chehcheh-in ahi.26Chuin khongahpa chun michom dang khat hunglhaija amukitnin: chuin khongahpa chun kotngahpachu akouvin, ahenga, Ven, michom dang khat jong ahunglhaije, ati. Chuin lengpan amajong thu ahinpoh ahi, ati.27Chuin khongahpan, Keiman ahunglhai masapenpa chu Zadok chapa Ahimaaz lhai danin kahen ahi, ati. Chuin lengpan, Amachu mipha ahin, chule thupha toh hungtha ahi, ati.28Chuin Ahimaaz'in ahin samin, lengpa henga, Imajouse aphasoh keinai, ati. Chuin aman lengpa masang tolla chun amai asulutnin, Ka pakai lengpa douna akhut lamho jouse pedoh-a Pakai na Pathen chu nunnom hen, ati.29Chuin lengpan ajah-a, Gollhang Absalom chu hoidoh nam? ati. Chuin Ahimaaz'in adonbutnin, Joab'in lengpa sohpa le nasoh keima eisol lhonchun, keiman mipi boilah lah chu kamun, ahinla hichu ipi ahi kahepoi, ati.30Chuin lengpan ajah-a, Kikhindoh inlang, hikoma hin dingin, ati. Chuin ama akikhindoh-in, ading thimbeh-in ahi.31Chuin veuvin, Cushi ahung lhungin; chule Cushi'n, ka Pakai lengpa thu kahinpoi; ijeh inem itile nangma doudinga kipatdoh ho jouse chunga tuni hin Pakaiyin phu alatai, ati.32Chuin lengpan Cushi henga, Gollhang Absalom chu hoidoh nam? ati. Chuin Cushi'n adonbutnin, Ka pakai lengpa melmaho jouse, chule nangma suhkhah nadinga nangma douna kipatdoh jouse chu gollhangpa chutoh bangcheh hen, ati.33Chuin lengpa chu alung analheh jengtan, kotpi phunga dan chunga chun akaldoh-in, akaptan ahi: chuin aman achepumin, Ohe! kachapa Absalom! kachapa, kachapa Absalom! Pathen'in nangma khela eithisah joh hile ong! ohe Absalom, kachapa, kachapa, atin ahi.Pathen Thutheng BU (BSI) 2015 Thadou Kuki CL (Re-edited) Bible - Pathen Thutheng BU Copyright © 2015 by The Bible Society of India Used by permission. All rights reserved worldwide Thado Bible 2015 2 Samuel 18 00:00:00 00:00:00 0.5x 2.0x https://beblia.bible:81/BibleAudio/thado/2samuel/018.mp3 24 18