× Language Europe Russian Belarusian Ukrainian Polish Serbian Bulgarian Slovakian Czech Romanian Moldovian Azerbaijan Armenian Georgian Albanian Avar Bashkir Tatar Chechen Slovenian Croatian Estonian Latvian Lithuanian Hungarian Finnish Norwegian Swedish Icelandic Greek Macedonian German Bavarian Dutch Danish Welsh Gaelic Irish French Basque Catalan Italian Galacian Romani Bosnian North America English South America Spanish Portuguese Guarani Quechuan Aymara Central America Jamaican Nahuatl Kiche Qeqchi Haitian East Asia Chinese Japanese Korean Mongolian Uyghur Hmong South East Asia Malaysian Burmese Chin Nepali Cebuano Tagalog Cambodian Thai Indonesian Vietnamese Javanese Lao Iban IuMien Kachin Lahu Aceh Balinese Bugis Pampanga Sasak Shan Waray South Asia Hindi Оdia Awadhi Mizo Kannada Malayalam Marathi Gujarati Tamil Telugu Punjabi Kurukh Assamese Maithili Bengali Urdu Sinhala Dogri Haryanvi Meitei Konkani Santali Sindhi Koya Thado Sanskrit Devanagari Adilabad Gondi Ahirani Balochi Bundeli Chhattisgarhi Garhwali Kangri Kumaoni Mewari Munda Sadri Seraiki Shekhawati Sylheti Central Asia Kyrgyz Uzbek Tajik Turkmen Kazakhstan Karakalpak Middle East Turkish Hebrew Arabic Persian Kurdish Pashto Coptic Africa Afrikaans Xhosa Zulu Ndebele Sotho Amharic Wolaytta Nigerian Mossi Ika Dinka Kabyle Ewe Swahili Morocco Somalian Shona Madagascar Igbo Lingala Baoule Siswati Tsonga Tswana Gambian Yoruba Kamba Kinyarwanda Hausa Chewa Luo Makhuwa Dyula Fulfulde Kalenjin Kikuyu Kikwango Kirundi Krio Nigerian Pidgin Oromo Tshiluba Tshivenda Twi Umbundu Lugbara Luguru Pular Gussi Maasai Turkana Moba Nuer Shilluk Tamasheq Makonde Bemba Fon Hadiyya Ibibio Kimbundu Kimiiru Lango Liberian Kreyol Lomwe Mende Morisyen Ndau Nyankole Sena Sidamo Soga Songe Sukuma Tarifit Teso Tiv Zande Dagbani Australia Continent New Zealand Papua New Guinea Old Languages Aramaic Latin Esperanto 1 1 1 Xitsonga 2012 Xichangana 2014Xitsonga 2012Mahungu Lamanene 19891 1 1 LUKA GENESAEKSODALEVHITIKATINHLAYODEUTERONOMAYOXUWAVAAVANYISIRHUTI1 SAMIELE2 SAMIELE1 TIHOSI2 TIHOSI1 TIKRONIKA2 TIKRONIKAEZRANEHEMIYAESTEREYOBOTIPISALEMASWIVURISOEKLESIASTARISIMU RA TINSIMUESAYAYEREMIYASWIRILOEZEKIELEDANIELEHOSIYAYUWELEAMOSIOBADIYAYONASIMIKIYANAHUMEHABAKUKUSOFONIYAHAGAYIZAKARIYAMALAKIYA--- --- ---MATEWUMARKALUKAYOHANETIMHAKAVARHOMA1 VAKORINTO2 VAKORINTOVAGALATIYAVAEFESAVAFILIPIYAVAKOLOSA1 VATESALONIKA2 VATESALONIKA1 TIMOTIYA2 TIMOTIYATITOFILEMONIVAHEVERUYAKOBO1 PETRO2 PETRO1 YOHANE2 YOHANE3 YOHANEYUDANHLAVUTELO1 1 1 1 1234567891011121314151617181920212223241 1 1 : 1 12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879801 1 1 Xitsonga (Bibele) 2012 LUKA 1 Save Notes 1Leswi van'wana va ringeteke ku rungula hi ku ti longoloxa timhaka leti humeleleke exikarhi ka hina,2hilaha hi ti nyikiweke hi lava ingi ti ri timbhoni ta tona ni malandza ya rito, ka ha ri eku sunguleni ka tona;3na mina, kuteloko ndzi vutisisile timhaka hinkwato eku humeleleni ka tona, ndzi ku: Swa ndzi fanela na mina, la landzeke swinene timhaka leti hinkwato, loko ndzi ku tsalela tona, wena Teyofilo, hosi ya nga leyinene,4u ta tiva ku tiya ka timhaka leti u dyondzisiweke tona.5Enkarhini wa Heroda, hosi ya Yudiya, a ku ri ni muprista loyi vito ra yena ingi a ri Zakariya, wa ntlawa, wa Abiya, nsati wa yena a a ri wa vana va Aroni; vito ra yena a a ri Elizabeta.6Ha vambirhi a va lulamile emahlweni ka Xikwembu, a va famba emilawini hinkwayo, ni le ku leriseni hinkwako ka Hosi, va nga soriwi ha nchumu.7Ntsena a va nga ri na n'wana, hikuva Elizabeta a a ri mhika; kutani a va dyuharile havambirhi.8Kakuloko Zakariya a tirha ntirho wa yena wa vuprista emahlweni ka Xikwembu, hi siku ra ntlawa wa yena,9hi nawu wa vuprista, u hlawuriwile hi vuhlolotwana ku nghena etempeleni ya Hosi, ku hisa magandzelo ya risuna.10Ntshungu hinkwawo wa tiko a wu ri ehandle, wu khongela enkarhini wolowo wa magandzelo ya risuna.11Kutani ntsumi ya Hosi yi tikombisa eka Zakariya, yi yimile etlhelweni ra xinene ra alitari ya magandzelo.12Kutani Zakariya, loko a yi vona, a tshuka a chava.13Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.14U ta ku tsakisa ngopfu, naswona lavo tala va ta tsakela ku tumbuluka ka yena;15hikuva u ta va nkulukumba emahlweni ka Hosi, a nga ka a nga nwi vhinyo ni byalwa, kambe u ta tala moya lowo kwetsima a ha ri ekhwirini ra mana wa yena.16U ta hundzukisela vana va Israele lavo tala eka Hosi, Xikwembu xa vona;17kutani u ta n'wi rhangela emahlweni hi moya ni matimba ya Eliya, u ta vuyisela timbilu ta vatatana eka vana va vona, ni vakaneti evutlharini bya lavo lulama, ku lunghisela Hosi tiko leri nga ni mafundza.”18Kutani Zakariya a ku eka ntsumi: “Ndzi ta swi tiva ha yini? Kasi ndzi dyuharile, nsati wa mina, na yena, i xikoxa.”19Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.20Kutani vona, u ta va mbheveve, u hluleka ku vulavula ku ko ku fika siku leri swi nga ta humelela, hikuva a ku pfumelanga marito ya mina lama nga ta endleka enkarhini wa wona.”21Kambe tiko a ri langutela Zakariya, a va hlamala hi ku hlwela ka yena etempeleni.22Kavaloko a huma, a hluleka ku vulavula na vona, kutani va tiva leswaku u vonile masingita etempeleni; na yena a va encenyetela swona, kutani a tshama a ri mbheveve.23Kuteloko masiku ya ku tirha ka yena ma herile, a tlhelela endlwini ya yena.24Endzhaku ka masiku lawa, Elizabeta, nsati wa yena a tika nyimba kutani a tifihla hi tin'hweti ta ntlhanu a ku:25“Hi swona leswi Hosi yi ndzi endleke swona, enkarhini lowu yi nga ndzi languta ku susa tingana ta mina exikarhi ka vanhu.”26Hi n'hweti ya ntlhanu na yin'we ntsumi Gabriele yi rhumiwa hi Xikwembu emutini wa Galeliya lowu va nge i Nazareta,27eka wanhwanyana loyi ngi a vutiwile hi wanuna loyi va nge i Yosefa, wa rixaka ra Davhida, vito ra wanhwanyana loyi a a ri Mariya.28Ntsumi, kuteloko yi fike eka yena, yi ku: “Avuxeni, mutsetseleriwa, Hosi yi na wena; u katekile exikarhi ka vavasati.”29Kakuloko Mariya a yi vona, a tshuka hi marito ya yona, a ehleketa leswaku xana ku xeweta ka yona hi loku yini?30Kutani ntsumi yi ku eka yena: “Mariya, u nga chavi; hikuva u kumile tintswalo eka Xikwembu.31U ta tika, kutani u ta veleka n'wana wa wanuna, u ta n'wi thya vito ra Yesu (Muponisi).32U ta va nkulukumba, u ta vuriwa N'wana wa La nge henhlahenhla; Hosi Xikwembu xi ta n'wi nyika xiluvelo xa Davhida, tata wa yena.33Kutani u ta fuma yindlu ya Yakobo hilaha ku nga heriki, vukosi bya yena byi nga ka byi nga vi na makumu.”34Kambe Mariya a ku eka ntsumi: “Swi nga endlekisa ku yini, kasi a ndzi tivi wanuna?” Ntsumi yi n'wi hlamula, yi ku eka yena:35“Moya lowo Kwetsima wu ta xikela eka wena, ni matimba ya La nge henhlahenhla ma ta ku funengeta; hikwalaho, n'wana lowo kwetsima la nga ta velekiwa hi wena, u ta vuriwa N'wana wa Xikwembu.36Kutani vona, Elizabeta makwenu, na yena u tikile eku dyuhaleni ka yena, kutani n'hweti leyi, i ya ntlhanu na yin'we eka loyi a nga vuriwa mhika,37hikuva a ku na xilo lexi hlulaka Xikwembu.”38Kutani Mariya a ku: “Vona, ndzi nandza wa Hosi, a ku endliwe eka mina hi ku vula ka wena.” Kutani ntsumi yi suka eka yena.39Emikarhini yoleyo, Mariya a suka, a ya hi ku hatlisa etikweni ra tintshava, emutini wun'wana wa Yuda,40a nghena endlwini ya Zakariya, a xeweta Elizabeta.41Kuteloko Elizabeta a twa ku xeweta ka Mariya, n'wana a tshukatshuka ekhwirini ra yena, kutani Elizabeta a tala Moya lowo Kwetsima, a tlakusa rito, a ku:42“U katekile xikarhi ka vavasati, ku katekile ni n'wana la nga ekhwirini ra wena.43Swi endlise ku yini leswaku mana wa Hosi yanga a ta eka mina xana?44Hikuva kakuloko rito ra ku xeweta ka wena ri fika etindleveni ta mina, n'wana a tshukatshuka hi ku tsaka ekhwirini ra mina.45Ku katekile la pfumeleke, hikuva timhaka leti a nga byeriwa hi Hosi, ti ta tumbuluka.”46Kutani Mariya a ku: “Mbilu yanga yi dzunisa Hosi,47ni moya wa mina wu titsakela eka Xikwembu Mulondzovoti wa mina,48hikuva u langutile vusiwana bya nandza wa yena; kutani tinxaka hinkwato ti ta ku ndzi katekile,49hikuva Lowa matimba u ndzi endlerile leswikulu.50Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.51U tirhile hi matimba hi voko ra yena; u hangalasile lava tidzunisaka eku anakanyeni ka timbilu ta vona,52U wisile tihosi eswitshan'weni swa tona, u tlakusile lavatsongo;53lava nga ni ndlala, u va xurhisile leswo nandziha; lava fuweke, u va tlherisile va pfumala.54U londzovotile Israele, nandza wa yena, a ta anakanya tintswalo ta yena hilaha a byeleke vatata wa hina,55a ri Abrahama ni rixaka ra yena hi masiku hinkwawo.”56Kutani Mariya a tshama na Elizabeta tin'hweti leti laveke ku endla tinharhu, kutani a tlhelela ekaya.57Kutani Elizabeta a fikeriwa hi nkarhi wa yena wa ku veleka, a veleka n'wana wa wanuna.58Lava akeke na yena, ni maxaka ya yena, kuteloko va twa leswaku Hosi yi twarisile ha yena tintswalo ta yona, va tsaka na yena.59Kutani hi siku ra ntlhanu na manharhu, va ya yimbisa xihlangi, va lava ku n'wi thya vito ra Zakariya, tata wa yena,60kambe mana wa yena a angula, a ku: “E-e, u ta churiwa vito ra Yohane.”61Va ku eka yena: “A ku na munhu erixakeni ra wena la thyiweke vito rero.”62Kutani va encenyetela tata wa yena leswaku a va tivisa vito leri a ri rhandzaka;63kuteloko Zakariya a kombele ribye, a tsala a ku: “I Yohane vito ra yena,” kutani va hlamala hinkwavo.64Kan'wekan'we nomu wa yena wu pfuleka, ririmi ra yena ri tshunxeka; kutani a vulavula a tlangela Xikwembu.65Lava akeke na yena hinkwavo va khomiwa hi ku chava, kutani timhaka leti ti hangalaka hinkwako etintshaveni ta Yudiya.66Kambe hinkwavo lava ti tweke va ti hlayisa etimbilwini ta vona, va ku: “U ta va yini, n'wana loyi?” Kutani voko ra Hosi ri va eka yena.67Kavaloko Zakariya, tata wa yena, a tala hi Moya lowo Kwetsima, a bvumbha, a ku:68“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;69xi hi pfuxele ku ponisa lokukulu endlwini ya Davhida, nandza wa xona,70hilaha a nga vula hakona hi mikarhi hinkwavo hi milomu ya vaprofeta lavo kwetsima va yena, a ku:71U ta hi kutsula eka lava nga valala va hina; ni le mavokweni ya hinkwavo lava hi vengaka,72leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,73ku nga ku hlambanya loku a nga hlambanyela Abrahama, tata wa hina,74ku hi nyika leswaku, loko hi ponisiwile emavokweni ya valala va hina, hi ta n'wi tirhela, hi nga chavi nchumu75hi mukhuva lowo saseka, lowu lulameke emahlweni ka yena, hi masiku hinkwawo ya ku hanyaka hina.76Na wena, xihlangi, u ta vuriwa muprofeta wa La nge henhlahenhla; hikuva u ta rhangela Hosi emahlweni, ku lunghisa tindlela ta yena,77ku ta tivisa tiko ra yena ku hlayiseka hi ku rivaleriwa ka swidyoho swa rona,78hikwalaho ka tintswalo letikulu ta Xikwembu hi dyambu ra vuxa,79leri nga huma ehenhla ku voninga lava nga tshama emunyameni ni le ndzhutini wa rifu, ni ku fambisa mikondzo ya hina endleleni ya ku tsaka.”80Kutani n'wana a kula, a tiya matimba emoyeni; kutani a tshama emananga ku ko ku fika siku leri a humeleke ha rona eka Israele.Tsonga Bible 2012 Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. Xitsonga (Bibele) 2012 LUKA 1 00:00:00 00:00:00 0.5x 2.0x https://beblia.bible:81/BibleAudio/tsonga/luke/001.mp3 24 1