Beblia

	Umbundu Bíblia Sagrada EFESO 1


Save Notes

1
Ame ndi Paulu haime ndupostolo wa Kristu Yesu, momo oco ca panga Suku, Sonehela olosandu vi kasi ke Efeso, haivio vakuekolelo vocili vu Kristu Yesu.

2
Ocali lombembua yi tunda ku Suku Isietu, kuenda ku Ñala yetu Yesu Kristu, yi kale lene.

3
Suku, Isia ya Ñala yetu Yesu Kristu, a sivayiwe! Wa tu sumũlũisila vu Kristu lasumũlũho osi Espiritu a tunda kilu.

4
Osimbu oluali ka lua sevetiwile handi wa tu nola okuti vu Kristu tu kola kuenda tu lipua evelo kovaso aye.

5
Suku wa tu nola locisola caye kuenje wa panga ale okuti tu linga omãla vaye la Mitakati Yesu Kristu.

6
Wa ci lingila okuti tu sivaya ulamba wocali caye ca lua, cina a tu ihila v'Omõlaye wa soliwa.

7
V'Omõlaye, okuti vosonde y'Omõlaye, omo tu kuetele eyovo longecelo yakandu. Via tunda kokulua kuocali caye,

8
cina a tu muisa lolondunge toke ca tu supokaila.

9
Wa tu lumbuluila elumbu liocipango caye ca sunguluka ndeci a panga ale.

10
Ocipango caco caye ceci, Wa panga okuti, eci otembo yaco yiya, oco ovina viosi, okuti evi viokilu levi vioposi, vi kongeliwa kuenje vi lingiwa vu Kristu.

11
Suku, una o suisapo ovina viosi ndeci ca soka locipango caye, eye wa panga okuti

12
etu tua kolela tete Kristu, etu muẽle tua noliwa ale okuti tu kala vu Kristu, kuenje ulamba waye u sivayiwa lovimuenyo vietu.

13
Kuenda vali, ene wa yevi ale ondaka yocili haiyo ondaka yiwa yeyovo liene, haene eci wa kali vu Kristu wo koleli, ene wa kapiwi ondimbukiso y'Espiritu Sandu lia likuminyiwa.

14
Espiritu Sandu olio onjeke yocipiñalo cetu toke tu tambula ocipiñalo caco cosi, kuenje oco ulamba waye u sivayiwa.

15
Oco, omo nda yeva ndomo wa koleli ocili Ñala Yesu Kristu, lomo vu sole olosandu viosi,

16
oco si liweka oku u panduili loku wivaluki volohutililo viange.

17
Ndu likutilili okuti Suku ya Ñala yetu Yesu Kristu, haeye Isia yulamba, o wihi utima wolondunge lesituluko, una u tunda poku kũlĩha Suku

18
eci ovaso utima a patuluka. Ndu likutililivo okuti vu kũlĩha elavoko eye a panga oku u sumũlũisi lalio eci o kovongi, lukuasi wulamba wocipiñalo caye volosandu.

19
Ndu likutilili okuti vu kũlĩha unene wa piãla wolohõlo viaye vi kasi letu tuakuekolelo. Upange wolohõlo viaye via lua wa molehela pokati keci

20
a lingilile vu Kristu poku u pindula kuava va fa loku u tumalisa kovailu kondio yaye.

21
Wo kapa kilu liuviali wosi, lomoko yosi, lunene wosi, lusoma wosi, londuko yosi, ndaño eyi ya tukuiwa ale otembo yilo, ndaño eyi yi laika oku tukuiwa volotembo viya.

22
Suku wa kapa ovina viosi vemehi liolomãi via Kristu, kuenje wo linga utue wovina viosi viekongelo.

23
Ekongelo olio etimba lia Kristu, hailio eyuko liaye, kuenje Kristu o yukisa to ovina viosi.


Umbundu Bíblia Sagrada Umbundu Bible © United Bible Societies, 1963