Beblia

	Umbundu Bíblia Sagrada EFESO 4


Save Notes

1
Oco, ame ndimandekua vu Kristu ndu peyi okuti okukala kuene ku sunguluka lesunga lina lia sesamela upange u kola wa kovongiwili.

2
Liunjukili pokati locisola, lumbombe wosi, kuenda oku omboka, lepandi.

3
Likapeliko oku likuata omunga ye Espiritu poku pandikisa oku kala lombembua.

4
Kuli etimba limuamue, le Espiritu limuamue, ndeci wa kovongiwili lekovongo limuamue kelavoko limuamue.

5
Ñala umuamue, ekolelo limuamue, epapatiso limuamue,

6
Suku umuamue, haeye Isia ya vosi, o kasi kilu liomanu vosi, kuenda o kasi kumue la vosi, o kasivo vokati ka vosi.

7
Puãi ocali ca eciwa kokuetu omunu omunu ndoseteko yocali ca Kristu.

8
Oco ca popiwila citi, Poku londa wa ambata owiñi wolohute, kuenje wa eca olongavelo komanu.

9
Eci va popia vati, Wa londa, siti ca lomboloka okuti tete wa loka toke kosi yongongo?

10
U wa loka haeye u wa londa kilu liovailu osi. Wa ci lingila okuti o yukisa ovina viosi.

11
Wa va kapa okuti vamue va linga ovapostolo, vamue ovaprofeto, vamue ovakundi vondaka yiwa, vamue ovangombo, vamue alongisi.

12
Wa ci lingila oku kolisa olosandu viaye ha vi lingi upange woku longisa loku tunga etimba lia Kristu,

13
toke etu vosi tu pitila kongongela yekolelo, leyi yoku kũlĩha Mõla a Suku, kuenje toke tu linga omanu vendamba va soka loseteko yutunga wokuyuka kua Kristu.

14
Oco ka tu lingi vali omãla va punguaiwa lolofela viosi viokulongisa lokulunguka kuomanu, latutu avo oku wengula esanda.

15
Puãi, oku popia ocili locisola, kovina viosi tu kulili ku Kristu eye utue.

16
Eci etimba liosi li tokekisua loku sokekisua lasokoluilo alio, leci ovimatamata vialio vi lingila pamosi ovopange avio locisola, oco kokuaye ku tunda eci ci kulisa etimba loku li amisako locisola.

17
Cimue ndu sapuili longusu, kuenje vonduko ya Ñala ndi cimbila uvangi, ceci, siti, Ka ci tava vali ene oku lingainga nda vakualofeka vakuavo va kasi luveke wovovitima.

18
Olondunge viavo vi kasi vowelema. Omo ovitima viavo via siva, oco va kasilili lonumbi, kuenje okukala kuavo kua litepa lomuenyo wa Suku.

19
Va tĩlisa ovitima. Va lieca kupuepue. Va livela oku linga evĩho liosi.

20
Ene puãi Kristu ka wo lilongisili ndoco,

21
nda wo yevi kuenda wo lilongisi ndeci a moleha ocili vu Yesu.

22
Nda wa luli omunu wale una wa tiama komuenyo wale, haiwo wa vĩha loloñeyi vieliaño,

23
kuati ovitima viokaliye okuti vu linga omanu vokaliye.

24
Wali omunu wokaliye una wa tungiwa lesetahãlo lia Suku lesunga kuenda oku kola.

25
Oco oku popia uhembi ku imuhe. Omunu omunu a popie ocili lukuavo, momo tuvimatamata vietimba limuamue.

26
Temi, puãi ko ka lingi ekandu. Ekumbi ka li ka iñile lokutema kuene.

27
Ko ka eci evelo keliapu.

28
U wa ivaile ka ka ive vali, puãi a linge upange wocili lovaka aye okuti o sanga coku kuatisa laco olosuke.

29
Vovimela viene ka mu ka tunde ombangulo yĩvi, mu tunde puãi olondaka vi kuatisa, haivio via soka lotembo yaco, kuenje vi sumũluisa ava va vi yeva.

30
Ko ka sumuisi Espiritu Sandu lia Suku. Eye muẽle ondimbukiso yo kapelui eteke lieyovo liene.

31
Ocikumbiti lonyeño lekaka kuenda onjuela lusokui locipombo, viosi vimbipo.

32
Liombokeli pokati loku lilinga ohenda loku liecela pokati, ndomo Suku a weceli vu Kristu.


Umbundu Bíblia Sagrada Umbundu Bible © United Bible Societies, 1963