1. YandeYa opou Sara pɨri jae jei rami, jare oiparareko Sara, jae omoërakua rami,
2. jare Sara ipurúa jare imembɨ Abraham pe indechi pei; Tumpa omombeu kërai yave ko oata vae pe etei.
3. Jare Abraham ombojee taɨ Isaac jembireko Sara güi oa chupe vae;
4. Abraham ombocircuncida taɨ Isaac juri ara ma oa güire, Tumpa oyókuai rami.
5. Abraham cien año ma güɨnoi yave oa chupe taɨ Isaac.
6. Jayave Sara jei: “Tumpa chemombukauka, jare oipotagüe oendu yave cheregua, opukata vi che rami oyerovia güi.
7. Jare jei ye: ¿Kia ra omombeuta Abraham pe köraita ko metei ara che ambokambu chemembɨ reta vae? Echa chemembɨ chupe indechi pei.”
8. Jare michia raɨ tuicha ma jare oyembokambupoi; Abraham oyapo arete tuicha vae Isaac okambupoi yave.
9. Jare Sara oecha kërai jókuae Egiptoɨgua Agar imembɨ, Abraham taɨ, oyuvanga imembɨ Isaac re.
10. Jáeramo jei Abraham pe: “¡Emombo kuae tembiokuai kuña jare imembɨ; echa tembiokuai kuña imembɨ ngaraa ko oiko päve mbaembae iyarä chemembɨ ndive!”
11. Kuae yavai yae Abraham pe, jare ipɨatɨtɨ taɨ re.
12. Jayave Tumpa jei Abraham pe: “Agüɨye eyemoambeko michia re jare nderembiokuai kuña re; opaete Sara jeigüe eendu, echa Isaac rupiño oimeta neñemuña.
13. Jaeramiño vi kuae nderembiokuai kuña imembɨ güi ayapota tëta tuicha vae, metei tugüɨ jare metei teko vae, echa jae neñemuña vi ko.”
14. Jayave Abraham opüa ndeimboveasɨ, jare omee Agar pe mbɨyape jare ɨ jɨru mɨmbapire pegua pe, oñono iyatiɨ re jare omee chupe kunumi raɨ jare omondo. Jare jae jopa oiko ñuu Beerseba rupi.
15. Jare oata ɨ chupe ɨ jɨru pe, jare ombogüeyɨ kunumi raɨ oñono ñana igüɨ pe,
16. jare jae ojo oguapɨ mombɨrɨ katu chugüi, uvɨ oñejäa yave oa ojo ramía pe; echa jei: Agüɨye taecha tomano kunumi raɨ. Jare jae ojo ramboeve oguapɨ jóvai, kunumi raɨ jäse jare oyaeo.
17. Jare Tumpa oendu kunumi raɨ jäse vae; jare Tumpa iAraɨgua oenɨi ara güi Agar, jare jei chupe: “¿Maratu pa reiko Agar? Agüɨye ekɨɨye, echa Tumpa oendu kunumi raɨ jäse vae jókuae oïa güi.
19. Jayave Tumpa omee chupe oecha vaerä ɨ jesaɨ vae, jare ojo omotɨnɨe iɨrɨru mɨmbapire pegua, jare omee oɨu kunumi raɨ.
20. Tumpa oyangareko kunumi raɨ re, okuakuaa jare oiko ñuu Parán pe, ikuaakatu yae uvɨ pe. Jare ichɨ omomenda kuña Egiptoɨgua ndive.
21.
22. Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.
23. Añave, ere Tumpa rovake cheve kuae pe, agüɨye vaerä mbae ikavimbae reyapo cheve, cheraɨ reta pe, ani cherɨmɨmino reta pe, che ikavi vae ayapo ndeve rami, jökorai vi nde eyapo, jare vi ɨvɨ reiko añave pɨpe vae pe.
24. Abraham jei: —Tumpa rovake, jökoraita ko, ngaraa maratu.
33. Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.
34. Jare Abraham oiko ɨma filisteo reta iɨvɨ pe.
1. Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.
2. Javoi Tumpa jei chupe: —Eraja añave nderaɨ Isaac jaeño vae, reaɨu yae vae, jare ekua ɨvɨ Moriah jee vae pe, jare joko pe nderaɨ emee cheve mɨmba oyeyukagüe opaetei oyeapɨ vae rami, jókuae metei ɨvɨtɨ che amombeuta ndeve vae re.
3. Jayave, pɨareve pe ndeimboveasɨ Abraham opüa oyupavo, oyokua imburika jare güɨraja vi mókoi jembiokuai reta jupíe jare vi taɨ Isaac; jare oyasɨa yepea mɨmba oyeyukagüe opaetei oyeapɨ vae oapɨ vaerä, jare opüa ojo Tumpa jei chupea kotɨ.
4. Mboapɨa ara pe Abraham omopüa iñäka jare oecha matɨ güi jókuae ɨvɨtɨ Tumpa omombeu chupe vae.
5. Jayave Abraham jei jembiokuai reta pe: —Pepɨta kuae pe mburika ndive, che jare kunumi rojota romboete Tumpa jare royu yeta pekotɨ kuri.
6. Javoi Abraham oupi yepea mɨmba oyeyukagüe opaetei oyeapɨ vae oapɨ pɨpe vaerä vae jare oñono taɨ Isaac iyatiɨ re, jare jae güɨraja ipo pe tata jare kɨse; jare opa yogüɨraja reta.
7. Jayave Isaac omoë iñee jare oparandu tu pe körai: —¡Cheru! Abraham jei: —¿Mbae pa cheraɨ? Isaac jei: —Ko yaraja yepea jare vi tata, ¿jare jama pa vecha kuimbae taɨrusu vae, mɨmba oyeyukagüe opaetei oyeapɨ vaerä vae?
8. Jare Abraham jei taɨ pe: —Tumpa etei ko omeeta yandeve vecha kuimbae taɨrusu vae mɨmba oyeyukagüe opaetei oyeapɨ vaerä vae cheraɨ. Jökorai yogüɨraja päve yogüɨreko.
9. Opa ma yogüɨraja oväe Tumpa jei chupea pe yave, joko pe Abraham omopüa mɨmba oyeyuka oyeapɨ jese vae, jare oñono iárambo yepea, jare oipokua taɨ Isaac jare oñono yepea iárambo;
10. javoi Abraham oekɨ kɨse jare omopüa ipo taɨ oñaseokɨ̈ti vaerä.
11. Jayave yandeYa iAraɨgua ombou iñee chupe osapúkai reve: —¡Abraham! ¡Abraham! Jare Abraham jei: —Mbae pa cheYa.
12. Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!
13. Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.
14. Abraham ombojee jókuae ɨvɨ: “YandeYa ko omeeta mbae oata vae.” Jáeramo jókuae güive añave rupi jei reta: “YandeYa iɨvɨtɨ re omeeta mbae oata vae.”
15. Jare yandeYa iAraɨgua oenɨi ye ara güi Abraham,
16. jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;
26. Jayave Jesús jei chupe reta: —¡Michi iporogüɨrovia vae reta! ¿Maera pa pekɨɨye? Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.
27. Jare jemimboe reta ipɨakañɨ reve jei: —¿Mbae nunga kuimbae pa kuae? Ɨvɨtu jare ɨguasu ave oyapo jae oyokuaigüe.
28. Jare yogüɨraja oväe ɨguasu jovaicho pe, Gadaraɨgua reta iɨvɨ pe yave, yogüeru tɨvɨa renda güi oövaiti Jesús mókoi kuimbae aña oya jese vae reta. Pochɨ yae reta jeko pegua, mbaetɨ kia ipuere oasa jókuae tape rupi.
29. Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?
30. Jare mombɨrɨ katu chugüi jeta kuchi reta okaru ñogüɨnoi.
31. Jare aña reta omoñera Jesús jei reve: —Orembosɨrɨ yave, emaeño torojo toroya pea kuchi reta re.
32. Jayave Jesús jei chupe reta: —Pekua. Jare ñogüɨnoi kuimbae reta güi yave, yogüɨraja oya kuchi reta re. Jayave opaete jókuae kuchi reta täta osɨi oa ɨ̈vɨa ɨvate vae güi ɨguasu pe, jare joko pe opa ipɨ̈tupa reta.
33. Jayave kuchi iyangarekoa reta opa otekuarai, jare yogüɨraja tëta guasu pe omombeu opaete mbae oasagüe vae, omombeu reta vi jókuae kuimbae reta aña oya jesegüe vae reta regua.
34. Jayave opaete jókuae tëta guasu pegua reta yogüeru oövaiti Jesús. Jare oecha reta yave, omoñera ojo ye vaerä jae reta iɨvɨ güi.
Guarani Bible 2001
Biblia DC Guaraní Bolivia Bolivian Bible Society, 2001