6. jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,
14. Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.
18. Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.
19. ¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.
20. Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”
21. Körai jei yandeYa Imbaepuere yae ete vae, Israel iTumpa, imbae vae reta pe: “Pemee jeta mɨmba oyeyukagüe opaetei oyeapɨ vae jare mɨmba oyeyuka vae pepuere rupi, jare peu jókuae isoogüe.
22. Echa che mbaetɨ etei ko ayókuai peñemuñagüe reta mɨmba oyeyukagüe opaete oyeapɨ vae re, ani mɨmba oyeyuka vae re, jókuae ara Egipto güi anoe reta yave.
23. Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.
31. Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.
32. Jáeramo che peYa amombeu peve, oväeta kuri ara mbaetɨ vaerä ma oñeenɨi Tofet ani ɨvɨtɨ päu ipe kavi vae Ben-hinom, jaeño oñeenɨita Ɨvɨtɨ päu ipe kavi vae Yeyuka Renda. Jare Tofet pe oñeotɨta omanogüe, mbaetɨ ma jendarä jeko pegua.
1. YandeYa jei: “Jókuae ara tɨvɨa reta güi oñerenoeta mburuvicha guasu reta jare tenondegua reta Judá pegua ikägüegüe, sacerdote reta, ñeemombeúa reta jare Jerusalén pegua reta ikägüegüe,
2. jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.
3. Jókuae ñemuña reta jeko kavimbae güi jembɨregüe, kerupi che amoaia rupi ñogüɨnoia pe oeka eteita omano vaerä. Che ndeYa Imbaepuere yae ete vae, jae kuae.
4. Nde, Jeremías, emombeu opaete vae pe kuae ñee jae vae, körai: ‘Kia ogüɨapi yave, opüa ye ko; ani kia opia tape güi yave, ojo ye opia chugüía kotɨ.
5. Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?
6. Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.
7. Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.
8. ¿Kërai pa pepuere pere peyeupe: Yandearakuaa yae ko, oime ñanoi yandeYa iporookuai reta? ¡Ërei mborookuai re oporomboe vae reta güɨrova ko jókuae mborookuai reta apu pe!
4. Kuae che jae peve, agüɨye vaerä kia ave pembotavɨ ñee-yukɨ rupi.
5. Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.
6. Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;
7. tätagüe peñemomɨ̈rata Cristo re peporogüɨrovia rupi, echa jökorai ko peyemboe. Jekuaeño pemee reve yasoropai Tumpa pe.
19. Kuae reta mbaetɨ oyeko Cristo re, echa Cristo ko jae oporogüɨrovia vae reta iñäka. Jae ko ombokuakuaa opaete jete, omongaru jare omboyoapɨ jayɨ re jare iyoapɨa pɨa re, Tumpa jemimbota rupi.
20. Pe reta pemano ko Cristo ndive mboromboe ɨvɨ pegua reta güi. Jáeramo ¿maera pa jekuaeño peiko jare peyapo ɨvɨ pegua mborookuai reta?