9. Karena pe oñapɨti reta oñono jɨru pe, jare güɨraja reta mburuvicha guasu Babilonia pegua pe; joko pe oñono reta tembipɨɨrɨru pe, agüɨye vaerä ma oyeendu iñee ɨvɨtɨ reta re Israel pe.’
10. ‘Ndesɨ, uva rami ko uvarupa pe, ɨ jembeɨ pe oñeotɨ vae; jäka jeta jare jeta ia, ɨ jembeɨ pe oï jeko pegua.
25. Jáeramo amee vi chupe reta mborookuai mbaetɨ ikavi vae, jare yavai yaeta jókuae rupi yogüɨreko vaerä vae.
26. Amaeño jese reta, oyemongɨa reta vaerä mbota omee reta itumpa-raanga reta pe vae rupi, taɨrɨpɨ reta omee oyeapɨ vaerä yave. Kuae ayapo ambopɨatɨtɨ reta vaerä, jare aikuaauka vaerä chupe reta, che jae ko iYa Tumpa vae.’ ”
27. “Jáeramo, nde kuimbae, nemiari Israel iñemuña reta pe, ere chupe reta: ‘YandeYa Tumpa jei körai: Peñemuñagüe reta körai vi chemboarasɨuka, oyembopɨapochɨ reta yave chekotɨ.’
28. Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.
29. Jare che aparandu chupe reta: ‘¿Mbae pa peo peyapo mbaemboete renda ɨvɨtɨ rupigua re? Jare oyembojee Bama añave regua.’
30. Ere Israel iñemuña reta pe: ‘YandeYa Tumpa jei körai: ¿Maera pa peyemongɨa peñemuñagüe reta rami? ¿Maera pa pemboete jókuae tumpa-raanga reta ikavimbae yae vae?
32. Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’
33. Che peYa jae cheyé aeño, chembaepuere yae reve jare chearasɨ aitɨ peré reve, aporookuaita peré.
34. Che pomboatɨta opaete ïru ɨvɨ rupi opa peñemoai moai peïa güi, chembaepuere pe jare chearasɨ aitɨ reve peré.
35. Pogüeruta tëta reta iñuu pe, jare joko pe pojäata yayóvai pe etei.
36. Peñemuñagüe reta ajäa Egipto pegua ñuu pe rami pojäata. Jei yandeYa Tumpa.
37. Che popapata, metei vecha iyangarekoa oipapa kavi ivecha reta rami, jare pomoingeta peiko vaerä morogüɨrökuavee päve pe.
38. Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.
39. ‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.
40. Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.
41. Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.
42. Jare pomoinge ma ɨvɨ Israel pe, arökuavee amee vaerä peñemuñagüe reta pe vae pe yave, jayave pe reta chekuaata che ko jae peYa Tumpa vae.
43. Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.
44. Israel iñemuña reta, kuae ayapota peve ayeaɨu ramo, mbaetɨ pereko kavimbae ani ikavimbae yae peyapo vae jeko pegua, jayave pe reta chekuaata che ko jae peYa Tumpa.’ ” Jei yandeYa Tumpa.