1:1-14 1. Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe. 2. Kuae jei YandeYa Imbaepuere yae ete vae ñeemombeúa rupi: “Kuae tëta pegua reta jei mbaetɨño oväe ara chero oñemopüa pɨau ye vaerä. 3. 4. Ërei, ¿peve reta pa oväe ma ara peiko vaerä o ikavigüe rupi, chero oyemboai oï ramboeve? 5. YandeYa Imbaepuere yae ete vae jei körai: Peyemongeta kavi pereko reta re. 6. Pemaetɨ jeta, ërei mbovɨ yae pemboɨru; pekaru, ërei mbaetɨ perɨ̈vɨata; peɨu, ërei mbaetɨ peɨuve omboasa; peyemonde, ërei mbaetɨ pemboaku katu; jare ara ñavo oparavɨkɨ omongana vaerä vae omboresive korepoti yave, oñono ivosiko osoro vae pe rami. 7. YandeYa Imbaepuere yae ete jei körai: Peyemongeta kavi pereko reta re. 8. Pekua ɨvɨtɨ güi peru ɨvɨra jare pemopüa pɨau ye chero; añonota jese cheyerovia katu jare cheyemboetea, jei yandeYa. 9. Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re. 10. Jáeramo ama opɨta pegüi jare ɨvɨ mbaetɨ omee peve mbaagüɨye. 11. Jare aru ara-tini ɨvɨ re, ko reta re jare trigo re, uvarupa re, ɨvɨra olivorupa re, mɨmba reta re jare opaete kuimbae reta ipo pe oyeapo vae re.” 12. Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi. 13. Jayave Hageo, yandeYa jemimondo imiari yandeYa iporookuai rupi, opaete vae pe, jei reve: “YandeYa jei: ‘Che aï pe ndive.’ ” 14. Körai yandeYa omokɨ̈reɨ Zorobabel mburuvicha Judá pegua, Salatiel taɨ, jare Josué sacerdote tenondegua ete Josadac taɨ jare opaete ïru reta; jare omboɨpɨ reta omopüa pɨau yandeYa Tumpa Imbaepuere yae ete vae jo,
2:1-23 1. Chiúa yasɨ veintiuno ara pe, yandeYa iñee ou ye ñeemombeúa Hageo pe, jei körai: 2. “Ere körai Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe jare opaete ïru reta pe: 3. ‘Pegüi opɨta vae reta oecha kuae tupao kërai ko iyemboetea tenonde rupi vae, jare añave ¿kërai pa pemae jese? Mbaetɨ etei ko mbae, oyemboyovake yave jókuae tenondeguagüe tupao ndive. 4. Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae. 5. Añererökuavee peve rami, Egipto güi peë yave, jökorai cheEspíritu oïta pe ndive, agüɨye pekɨɨye. 6. YandeYa Imbaepuere yae ete vae jei körai: Kuae güire mbovɨ ara rupi, che amokanata ara jare ɨvɨ ɨguasu jare ɨvɨ otini vae. 7. Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae. 8. Chembae ko korepoti, chembae ko oro, jei yandeYa Imbaepuere yae ete vae. 9. Kuae tupao ikavi yaeta oiko kuri, tenonde yave oikose vae güi; jare ameeta mbɨakatu kuae tëta pe, jei yandeYa Imbaepuere yae ete vae.’ ” 10. Mokoía año ma Darío oiko mburuvicha guasurä yave, chaúa yasɨ veinticuatro ara pe, yandeYa iñee ou ñeemombeúa Hageo rupi, jei körai: 11. “YandeYa Imbaepuere yae ete vae jei körai: Eparandu añave sacerdote reta pe mborookuai regua, körai: 12. ‘Kia nunga vae oñoma yave güɨraja jemimonde pe soo oñeñono tee vae, jare kuae oñoma güɨraja pɨpe vae jembeɨ oya yave mbɨyape re, tembíu re, vino re, olivo iasaite re ani oipotagüe tembíu re ¿oñeñono tee pa?’ ” Jare sacerdote reta omboyevɨ ñee: “Ngaraa oñeñono tee.” 13. Javoi Hageo jei ye: “Tëogüe oyavɨkɨ vae, oyavɨkɨ yave oipotagüe kuae oñeñono tee ñogüɨnoi vae, ¿ikɨata pa opɨta?” Jare sacerdote reta jei: “Ikɨata ko opɨta Tumpa jóvai.” 14. Jayave Hageo jei: “YandeYa jei: ‘Jökorai ko kuae tëta jare kuae kuimbae reta cheróvai; körai etei vi jembiapo reta jare opaete kuae pe güɨrökuavee reta vae ikɨa ko. 15. Añave, peyemongeta kavi pepɨa pe kuae ara güive tenonde kotɨ. Ndei pemboɨpɨ pemopüa pɨau tupao mbove, 16. ¿mbae pa peasa? Pekɨ̈reɨ tëi pemboɨru veinte jɨru temitɨ, ërei payandepoño pemboɨru; pekɨ̈reɨ tëi peyapo cincuenta jɨru vino, ërei veinteño peyapo. 17. Che ko opa amboai ɨvɨtuakuvo pe, taso oya ramogüe pe, amandau pe opaete peparavɨkɨ reta; ërei jeseve mbaetɨ peyerova chekotɨ, jei yandeYa. 18. Añave, peyemongeta kavi pepɨa pe kuae ara güive tenonde kotɨ, chaúa yasɨ veinticuatro ara güive, yandeYa jo iguapɨka peñono güive. 19. Mase, kuae ara güive ngaraa ma oata peve temitɨ jäɨgüe pe avatío pe. Yepe tëi ndeiño ipotɨ uva, ɨva, temitɨ granada, ɨvɨra olivo ave; ërei kuae ara güive cheporerekuata peré.’ ” 20. YandeYa iñee ou ye mokoía ma Hageo pe, jókuae ara veinticuatro pe yeño, jei körai: 21. “Ere Zorobabel mburuvicha Judá pegua pe körai: ‘Che amokana ara jare ɨvɨ; 22. opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe. 23. Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”
147:7-11 7. Petairari yandeYa pe, tairari mbaemboete pegua, petairari ñaneTumpa pe arpa ndive. 8. Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re. 9. Jae ko omongaru mɨmba reta, omongaru chucha imembɨ reta oñee yave yɨmbɨaɨ güi. 10. Kavayu reta ipɨ̈rata, mbaetɨ omboyerovia yandeYa, ani kuimbae reta isɨrɨkɨ, mbaetɨ vi omboyerovia. 11. YandeYa omboyerovia oipoɨu chugüi vae, jare oäro iporoparareko re vae.
30:20-20 20. Kuña menda re oyuvanga vae körai ko oiko: Okaru jare oyoe iyuru, jare jei: “Mbaetɨ ko ayapo mbae ikavimbae.”
Apocalipsis 15:1-8 1. Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ. 2. Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae. 3. Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu. 4. ¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.” 5. Kuae jaɨkue rupi amae jare aecha oyepea tupao ara pe, tupao yemomaendúa pegua. 6. Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe. 7. Jare jókuae irundɨ oikove vae reta güi metei omee jókuae chiu araɨgua reta pe chiu kopa oro pegua, jókuae kopa reta tɨnɨe Tumpa iyarasɨ pe, jae ko oiko jekuaekuae avei rupi vae. 8. Jare tupao tɨnɨe tätati pe, Tumpa iyemboetea jare imbaepuere rupi. Jare mbaetɨ etei kia ipuere oike tupao pe, ndei jókuae chiu mbaesusere jókuae chiu araɨgua reta güɨnoi vae oyeapo mbove.
Guarani Bible 2001
Biblia DC Guaraní Bolivia Bolivian Bible Society, 2001