6. Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”
7. Jare ayangareko vecha reta oyereraja mbaeyukaa pe vae re, kuae ko jae, paravete vae reta re. Aipɨɨ mókoi popoka: Metei ambojee “Ikavi vae” jare ïru “Maapɨtía”, jare ayangareko vecha reta re.
8. Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.
9. Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”
3. Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,
4. ërei che jókuae ara rupi aitɨta kɨɨye opaete kavayu re, jare amombokereta opaete kuimbae kavayu regua; ërei ayangarekota Judá iñemuña reta re, jare opaete tëta reta ikavayu opata amboesaä.
7. Ërei tenonde, che aepɨta opaete ïru Judá iñemuña reta, agüɨye vaerä David iñemuña jare Jerusalén pegua reta iyemboeteaño oyembotuicha Judá iñemuña reta güi.
8. Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.
9. Jare jókuae ara rupi che amboaita opaete tëtaguasu reta oporepeña Jerusalén re vae.
10. Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.
11. Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.
12. Kuae ɨvɨ pegua reta ipɨatɨtɨta, ñemuña ñavo jëtara re: David iñemuña iyé ae, jare ikuña reta iyé ae; jökorai vi Natán iñemuña reta jare ikuña reta,
13. Leví iñemuña reta jare ikuña reta; Simei iñemuña reta jare ikuña reta;
14. opaete ïru ñemuña reta metei ñavo iyé ae jare ikuña reta vi.
7. Yavɨakatu, yayerovia jare yamboete; echa oväe ma ara Vecha kuimbae taɨrusu vae omenda vaerä jare jembirekorä vae oyeapokatu ma:
8. Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”
9. Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”
10. Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.
11. Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.
12. Jesa tata jendɨ vae rami ko, jare iñäka re güɨnoi jeta äka-regua reta. Jare oyekuatía oï jese metei tee, mbaetɨ kia oikuaa vae, jaeño etei oikuaa.
13. Jare jemimonde moropɨ̈ta tugüɨ pe. Jare jae jee ko: TUMPA IÑEE.
16. Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”
17. Jare aecha metei araɨgua oyemboɨ oï kuaraɨ re. Jae iñeeäta reve jei opaete güɨra oveve ñogüɨnoi vae reta pe: “¡Peyu peyemboatɨ, karu guasu Tumpa oyapo vae pe,