1. YandeYa jei yepe Moisés pe: —Metei mbae ikavimbae vae aru ye ñotai räri Faraón re jare Egipto re, jayave ramo jae omaeñota peo kuae güi; jae etei opata pemombo kuae güi.
2. Añave ere Israel iñemuña reta pe, metei ñavo kuimbae jare kuña reta toeka jëta-ɨpɨ pegua reta pe mbae jepɨ vae korepoti pegua jare oro pegua.
3. Jare yandeYa ombopɨakavi Egiptoɨgua reta, Israel iñemuña reta kotɨ. Echa opaete Egiptoɨgua reta jare tembiokuai reta Egipto pegua omboete yae reve omae Moisés re.
4. Jare Moisés jei ye Faraón pe: —CheYa jei körai: “Pɨare mbɨte yave che aëta aguata opaete Egipto rupi,
5. jare omanota opaete membɨrɨpɨ kuimbae ñavo ɨvɨ Egipto pe, Faraón taɨrɨpɨ oguapɨ oï mburuvicharä vae güive, tembiokuai kuña ombaeso vae imembɨrɨpɨ kuimbae ave, jare vi opaete mɨmba reta imembɨrɨpɨ kuimbae.
6. Jare oimeta yaeo tätagüe opaete ɨvɨ Egipto rupi; arakae güive mbaetɨi kuae nunga ou jare ngaraai ou ye vae.”
7. Ërei opaete Israel iñemuña reta güi, kuimbae reta jare mɨmba, ngaraa metei yaɨmba ave iñaro oyeendu; peikuaa vaerä ambuaeyee ko cheYa, pe Egiptoɨgua reta Israel iñemuña reta güi vae.
8. Jare yogüeruta opaete ndemborɨa reta cheróvai, jare oyetavatɨkata cheróvai jei reve: “Ekua, jare eraja opaete kuae tëta oï ndepo igüɨ pe vae.” Kuae jaɨkue rupi ramo aëta. Jare Moisés iyarasɨ yae oë ojo Faraón jóvai güi.
9. Jayave yandeYa jei Moisés pe: —Faraón ngaraa oendu peve, jökorai jetata mɨakañɨ reta ayapogüe kuae ɨvɨ Egipto pe.
10. Moisés jare Aarón oyapo opaete kuae mɨakañɨ reta Faraón iɨvɨ pe; echa yandeYa omotäta Faraón ipɨa, jare mbaetɨ omaeño yogüɨraja Israel iñemuña reta ɨvɨ Egipto güi.
1. YandeYa omomiari Moisés jare Aarón ɨvɨ Egipto pe körai:
2. “Kuae yasɨ toï peve tenondegua yasɨrä; kuae yasɨ pe toyemboɨpɨ año pevegua.
3. Nemiari opaete Israel iñemuña reta pe körai: ‘Kuae yasɨ, payandepo araa pe, metei ñavo toipɨɨ metei vecha kuimbae taɨrusu vae, metei tëtara metei o pe yogüɨreko vae ñavo metei vecha kuimbae taɨrusu vae.
5. Toipɨɨ reta mɨmba jete kavi vae, metei año güɨnoi vae; toipɨɨ reta vecha reta güi ani kavara reta güi.
6. Jare toñapɨti reta ara catorce oväe regua kuae yasɨ re, jare jókuae kaaru opaete vae Israel iñemuña reta toyuka.
7. Jare tomboɨru reta jugüɨ, jare toipichɨ reta jöke iyɨke re ɨvɨra oï yoyavi vae re jare vi ɨvɨra öke iárambo rupi oyepɨasa oï vae re, jókuae o pe okaru retataa pe.
8. Jare jókuae pɨ̈tu tou reta soo oyeapegüe jare mbɨyape oyembovumbae; ñana iro vae ndive tou reta.
9. Agüɨye tou reta mbae oyɨmbae chugüi, jare agüɨye tou reta oñemoigüe ave, jaeño tou reta oyeapegüe; iñäkagüe, ipɨgüe, jare ipɨagüe toyeape.
10. Agüɨye etei mbae tomoembɨre reta pɨareve peguarä, jembɨregüe pɨareve pe topa toapɨ reta.
11. Körai toñogüɨnoi jou reta vaerä: Toyupavo kavi toñogüɨnoi reta jare ipɨapaa tomonde reta, jare ipopoka ipo pe; jare tou reta jaɨai reve, echa che peYa iPascua ko.
12. Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.
13. Jare tugüɨ toï ikañɨmaa vaerä opaete o reta peïta pɨpe vae rupi; tugüɨ aecha yave che aasata pegüi, jare mbaetɨta peiporara kuae mbaesusere Egipto re aitɨ aï yave.
14. Jare kuae ara topɨta peve pemaendúa vaerä, jare peyapo arete tuicha yae vae che peYa peguarä, jare peñemuña reta toyapo vi jekuae avei.
15. Chiu ara peuta mbɨyape oyembovumbae; jare tenondegua ara güive mbaetɨta peiporu mbɨyape imbovúa pero rupi; echa kuae Israel iñemuña reta ipɨte pe kia nunga vae jou yave mbɨyape oyembovugüe tenondegua ara güive chiúa ara rupi vae toyemombo ete kavi Israel iñemuña reta ipɨte güi.
16. Tenondegua ara, jökorai vi chiúa ara pe toime yemboatɨ guasu Tumpa peguarä; agüɨye mbae toyeapo jókuae ara rupi; jaeño pepuere peyapo tembíu peyeupeguarä.
17. Arete mbɨyape oyembovumbae vae peyapo avei, jaeramiño vi opaete peñemuña reta jekuae avei rupi, echa jókuae ara etei che pogüɨnoe ɨvɨ Egipto güi;
18. tenondegua yasɨ catorce ara güive kaaru yave peu mbɨyape oyembovumbae vae, veintiuno ara kaaru yave oväe regua.
19. Chiu ara mbaetɨta peiporu mbɨyape imbovúa pero rupi; echa kia nunga vae jou yave mbɨyape oyembovugüe, jökorai metei perëtaɨgua ani ketɨgua vae yave toyemombo ete kavi Israel iñemuña reta ipɨte güi.
20. Agüɨye etei oyembovugüe peu; pero ñavo rupi peu mbɨyape oyembovumbae vaeño.’ ”
21. Moisés omboatɨ Israel iñemuña itenondegua reta, jare jei chupe reta: “Peipɨɨ metei vecha kuimbae taɨrusu vae pero ñavo peguarä, jare peyuka Pascua peguarä.
22. Jare peipɨɨ metei yokuaa ñana hisopo jee vae, jare pemoäkɨ mbaerugüɨ ɨvɨñae pe oï vae pe, jare peipichɨ ɨvɨra öke iarambogua re jare öke iyɨke yɨke pe oï vae re; jare agüɨye metei ave toë jo jöke güi köe regua.
23. Echa yandeYa güeruta mano Egiptoɨgua reta re; jare oecha mbaerugüɨ öke iárambo jare iyɨke yɨke re yave, yandeYa oasata jókuae o jöke güi, jare ngaraa omaeño mano re oike vaerä pero pe oporoyuka.
24. Kuae toiko peve metei mborookuai rami, jare peñemuña reta peguarä vi jekuae avei pegua.
25. Jare peike ma jókuae ɨvɨ pe yave, peyapo avei kuae mborookuai; jókuae ɨvɨ yandeYa omeeta peve vae pe, arakae güɨrökuavee rami.
26. Jare peraɨ reta oparandu yave peve, körai: ‘¿Mbae pa kuae peyapo vae?’
27. Pe pereta chupe reta: ‘Kuae ko oyeyuka Pascua pe yandeYa pe vae, jae oasa güɨraveño Israel iñemuña reta ñogüɨnoia iárambo rupi Egipto pe yave, yandeYa güeru yave mano Egiptoɨgua reta re jare omboasayepe yandero pegua reta.’ ” Jayave Israel iñemuña reta oyetavatɨka jare omboete yandeYa.
28. Jare Israel iñemuña reta opa yogüɨraja oyapo, yandeYa oyókuai Moisés jare Aarón rami.
29. Pɨare mbɨte rupi yandeYa güeru mano opaete membɨrɨpɨ kuimbae re ɨvɨ Egipto pe, Faraón taɨrɨpɨ oï mburuvicharä vae güive tembipɨɨ tembipɨɨrɨru pe oï vae taɨrɨpɨ ave, jare opaete mɨmba reta imembɨrɨpɨ kuimbae.
30. Jókuae pɨ̈tu opüa Faraón jare opaete jembiokuai reta, jare opaete Egiptoɨgua reta; jare täta yae jäse oyaeo reta opaete Egipto pe, echa o ñavo rupi oime tëogüe.
31. Jare jókuae pɨ̈tu Faraón oenɨiuka Moisés jare Aarón, jare jei chupe reta: —Peë cherëta güi, pe reta jare opaete Israel iñemuña reta, pekua pemboete peYa, pe pere rami.
32. Peraja vi pevecha jare peguaka reta peipota rami, pekua jare peyerure vi cheré.
33. Jare Egiptoɨgua reta omoangeko opa reta vaerä omoë iɨvɨ güi, echa jei reta: “¡Opata ñamano!”
34. Jare güɨraja reta imbɨyaperä vae oyembovumbaeño, jare oyapɨkua reta oñono ikupe re.
35. Israel iñemuña reta oyapo Moisés oyókuai rami, oeka Egiptoɨgua reta pe mbae jepɨ vae korepoti pegua, oro pegua jare temimonde vi.
36. Jare yandeYa ombopɨakavi Egiptoɨgua reta omee vaerä mbae oaɨumbae reve Israel iñemuña reta pe; jare jae reta omee oeka chupegüe; jökorai opa oitɨvɨro oeya Egiptoɨgua reta.
37. Ñogüɨnoe Israel iñemuña reta tëta Ramesés güi Sucot kotɨ, seisciento mil kuimbae, oyepapambae reve kuña reta jare michia reta.
38. Yogüɨraja vi jae reta ndive jeta oipotagüe kuimbae, vecha reta jare jeta yeyé mɨmba.
5. etekuarai, guasu otekuarai omaepïaro vae güi rami; ani güɨra ñuai pe oa vae ojoyepe vae rami.
17. Jare Jesús Jerusalén kotɨ ojo ramboeve, oenɨi ïkotɨa jókuae doce jemimboe reta ïru reta ipɨte güi, jare jei chupe reta:
18. —Mase, ko yaja Jerusalén kotɨ. Jare che Kuimbaerä ayeapo vae chemeeta sacerdote reta itenondegua reta jare mborookuai re oporomboe vae reta ipo pe vae, jare jae reta jeita amano vaerä,
19. jare chemeeta judiombae vae reta ipo pe. Jae reta cheyóyai yoyaita, chenupata retata chikote pe, jare chekutu retata kurusu re. Ërei mboapɨ araa pe aikove yeta.
20. Jayave ou Jesús oïa pe Zebedeo jembireko imembɨraɨe reta ndive, oyetavatɨka itindɨasɨ reve Jesús jóvai oiporu reve mbae chupe.
21. Jare Jesús oparandu kuña pe: —¿Mbae pa reipota? Kuña jei: —Emee kuae mókoi chemembɨraɨe reta pe oguapɨ vaerä ndeɨpɨ pe ndeporookuaía pe; metei ndeakatu kotɨ jare ïru ndeasu kotɨ.
22. Jayave Jesús jei chupe reta: —Mbaetɨ peikuaa mbae peiporu vae. ¿Pepuereta pa peiporara che aiporarata vae? ¿Pepuereta pa peyembobautisauka che ayembobautisaukata rami? —Orepuereta ko —jei reta.
23. Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.