10. Ka bûtiijî atî twinthe barîa baabatithîrue ndeene ya Kristû Jesû, nî twabatithîrue ndeene ya gîkuû kîaawe?
11. Tontû bûû, nî twathikanîîrue na Kristû Jesû rîrîa twabatithîrue ndeene ya gîkuû kîaawe, nîkenda o ta ûrîa Kristû aariûkîrue kuuma gîkuûne nî inya inene ya Îthe, o ûu nou kinya tuî tûkoona ûtûûro bûbwerû.
12. Nîkwîthîrwa nî twagwatithanîrue nawe gîkuûne kîaawe, o ûu nou tûkagwatithanua nawe kûriûkeene kwaawe.
13. Ningî nî tuîjî atî mîîtîre yeetû îrîa mîkûrû nî yaambanîîrue na Kristû, nîkenda kwenda kûthithia meeyia kûrîa gûtûûraga ndeene yeetû kûthirua tûtîkeeje kwaa nkombo cia meeyia kaîrî.
23. Gûtî nkaanja nî bwijî atî rîrîa bwinenkanagîra kîrî muntû na bûkamwathîkîra, buî bweejaga nkombo cia muntû ûu. Bweejaga nkombo cia meeyia na jakareeta gîkuû, kana bûkaa nkombo cia kwathîkîra Mûrungu na bûkaa babaagîru.
24. Îndî Mûrungu arocokerua nkaatho, nîûntû kinya këethîra kûrî îgiita bwaarî nkombo cia meeyia, nandî nî bwathîkîrîte mantû jarîa bwaritanîrwe kuuma nkoro cieenu na bûkathingata na bwairita kûjathingata.
26. Aja ndîaria naabuî ta ûrîa antû bangî baaragia nîûntû bwa ûûthû bweenu bwingwa. O ta ûrîa bwanenkanîre ichunchî bimwe bia mîîrî yeenu kûthithia ûthûngîrî na kinya kûthithia meeyia jamaingî nkûrûki, nandi cieejaneni bwee nkombo cia waagîru nîkenda bwaa babaagîru.
27. Rîrîa bwatwîre bûrî nkombo cia meeyia, bûtaarî nkombo cia waagîru.
28. Nî mpongeeri îrîkû bwonere rîrîa bwathithagia mantû jau bwigagua nthao nîûntû bwaajo nandî? Mûthia jwa mantû jau nî gîkuû!
29. Nandî nî bûthaûri kuuma ûkomboone bwa meeyia, na bwaa nkombo cia Mûrungu. Mpongeeri yeenu nî kwethua babatheru na mûthieene nî ûtûûro bwa kenya na kenya.
30. Nîkwîthîrwa mûchaara jwa meeyia nî gîkuû; îndî kîewa kîa Mûrungu nî ûtûûro bwa kenya na kenya ndeene ya Kristû Jesû Mwathani weetû.
Songe Bible 2018
KIMERU BIBLE WITH DC Bible Society of Kenya, 2009, 2018