11. Îndî mwakeene jwa mûgwanja bûrekagîrie miuunda îkanogoka îtîrîmi, nîkenda antû barîa barî na thîîna gatîgatîîne keenu boona biakûrîa na birîa bigatigara birîewe nî nyamû cia kîthaka. Ûu no u bûkaathithagia na miuunda yeenu ya mîzabibû na mîkandamia.
12. “Ritageni ngûgî cieenu ntukû ithanthatû, îndî ntukû ya mûgwanja bûkanogoka; nîkenda ndeegwa cieenu na ntigiri cieenu ikanogoka; na kinya aana ba nkombo cieenu cia aka na ageni bakanogoka.
1. Mûrungu nî eerîre Musa atîrî, “Itieni kîrî MWATHANI, ûûgwe na Aaroni, na Nadabu na Abihu na akûrû mîrongo mûgwanja ba Israeli; naabuî bûthaathayie bûrî gataaria.
2. Nî Musa wenka ûkeeja akuî na MWATHANI; îndî bau bangî batîîja akuî, na kîrîndî gîtiitania nawe.”
3. Musa nawe nî eetîre areera antû nteto cionthe irîa MWATHANI amwîrîte, na mawaatho jonthe. Nabo antû baracokia na kajû kamwe barauga, “Mantû jarîa jonthe MWATHANI augîîte tûkajathithia.”
4. Musa nî aandîkîre nteto irîa MWATHANI aamwîrîte cionthe. Rûûnene nî ookîrîîre araaka kîritîro kîa igongwana gîtina gîa kîrîma na areeka maiga îkûmi na jaîrî kûringana na mîîrîga îkûmi na îîrî ya Israeli.
5. Nawe aratûma nthaka cia antû ba Israeli kûritîra MWATHANI igongwana bia gwakîîria na igongwana bia thîîrî bia ndeegwa
6. Musa arajûkia nusu ya tharike îîu aramîîkîra mpakûriine, na nusu ya tharike îrîa yaatigeere araminyîria kîritîro kîa igongwana.
7. Nîrîo aajûkîrie Yuku rîa kîrîkanîro arathomera antû bathikîîrîte. Nabo antû barauga, “Jarîa jonthe MWATHANI auga tûkajathithia na tûkajaathîkîra.”
8. Musa arajûkia tharike araminyîria antû akiugaga, “Atîrî, îîjî nî tharike ya kîrîkanîro kîrîa MWATHANI eekanîîra naabuî kûringana na nteto iu cionthe.”
9. Musa na Aaroni, na Nadabu, na Abihu na akûrû mîrongo mûgwanja ba Israeli nî baitîrie kîrîmeene,
10. nabo baroona Mûrungu wa Israeli. Ruungu rwa magûrû ja Mûrungu kwaarî na antû a gûkinyithia magûrû arîa aathithîtue na maiga ja goro ja rangi ya wiirû bwa îgûrû.
11. Îndî Mûrungu ataathithîria akûrû bau ba Israeli ûntû bûbûthûûku. Nabo nî bategereere Mûrungu na bararîa na kûnyua baranyua.
12. MWATHANI nî eerîre Musa atîrî, “Itia naaja kîrî ni kîrîmeene naagwe weteere nkûnenkere maiga jaaji jarî na Waatho na maathana jarîa mpaandîkîte baritanagwa najo.”
13. Tontû bûû, Musa na nthûûmba yaawe Joshua baraithuranîra baraitia kîrîmeene kîa Mûrungu.
14. Musa areera akûrû atîrî, “Kareni aja bûtweteere mwanka rîrîa tûgacoka kîrî buî. Aaroni na Huri barî amwe naabuî, na muntû kinya ûrîkû akeethîrwa arî na ûntû nî eete kîrî bo.”
15. Nîrîo Musa aitîrie kîrîmeene narîo îtu rîrakunîka kîrîma.
16. Nabu ûkumio bwa MWATHANI bûrathaara kîrîmeene gîa Sinai, na îtû rîrakunîka kîrîma ntukû ithanthatû. Ntukû ya mûgwanja Mûrungu areeta Musa kuuma îtuune.
17. Mwonekere jwa ûkumio bûu bwa MWATHANI jwaarî ta mwanki jûgwakana kathûmbî ga kîrîma meethoone ja antû ba Israeli.
18. Musa nî aatonyere îtuune araitia kîrîmeene. Musa arakara kîrîmeene matukû mîrongo îna, mûthenya na ûtukû.
31. Îndî akëeja kûgwatwa, no mwanka abirîee mainda mûgwanja, kinya këethîra nî kwendia into bia nyomba yaawe bionthe, akeendia.
23. Wûûi kîrî buî aritani ba Waatho na Afarisayo, buî aciayia! Bûritagîra Mûrungu gîchunchî kîmwe kuuma kîrî îkûmi kîa twinto tûrîa twîkagîra irio mûchemo, tûrîa tûkari ta ndania kana nchini kana itûngûrû îndî bûtîtindanagîra na mantû jarîa jarî gîtûmi waathoone ta: îota na kîaao na wîtîkio. Mantû jaja nîjo bûbuîri kûûjûria jarî ja mbere na bûtîkûûrîrua nî jau jangî.