Bible in one year January 28Matta 18:21-3521. Sey Biiturus ɓaddoyii wi'i Yeesu, “Moodibbo, nde noye bandiraawo am e waɗanayam ko wooɗaa e mi yaafanoomo? Nde joweeɗiɗi?”22. Yeesu nootii wi'imo, “Naa' nde joweeɗiɗi tan, ammaa joweeɗiɗi nde cappanɗe joweeɗiɗi.23. Ngam non, ɗum nandinay Laamu Allah e goɗɗo laamiiɗo giɗɗo lima jawdi muuɗum ngondi jungo kuwanooɓemo.24. Nde o fuɗɗi limukindi, sey ɗum waddanimo goɗɗo mo o tokkata nyamaande ceede ɗe o waawataa yoɓuki haa keerol jonde maako e duuniyaaru.25. Nde o tampi yoɓuki, sey laamiiɗo on waɗi ɗum sooramo e debbo maako e ɓiɓɓe maako e koo ɗume ko o woodi ngam ɗum yoɓa ceede ɗen.26. Sey maccuɗo on diccii yeeso maako, toriimo, wi'i, ‘Waɗu munyal. Mi yoɓete koo ɗume.’27. Sey laamiiɗo on nani jurumɗum maccuɗo on yaafaniimo nyamaande nden yoofimo.28. “Ammaa maccuɗo on e wurtaaki maako o tawi goɗɗo mo o huudata mo o tokkata nyamaande ceede ɗe ɗum yoɓata kuwoowo to ngesa lebbi jowi. O ɗeɗɗanimo daande, o wi'imo, ‘Yoɓam ko tokkaymaami!’29. Sey mo o huudata on dicci toriimo, wi'i, ‘Waɗanam munyal mi yoɓete.’30. Ammaa o wanyi, o waɗi ɗum maɓɓimo nder suudu cural sey nde o yoɓimo ko o tokkatamo.31. Nde higooɓe kuugal maako ngi'i non, ɓe nganni naa' seɗɗa. Sey ɓe njahi ɓe mbi'ika laamiiɗo on fuu ko waɗi.32. “Sey laamiiɗo on noddi maccuɗo on, wi'imo, ‘An a maccuɗo kalluɗo! Mi yaafanakema fuu nyamaande nde tokkaymaami ngam a torakeyam.33. Too, haanaayi njurminanaa mo kuudataa non no njurminiranmaami?’34. Laamiiɗo on nani monnere naa' seɗɗa, o waɗi ɗum nangimo ɗum waɗa ka torrukimo naa o yoɓii koo ɗume ko ɗum tokkatamo.35. “Non Nyaako am Mo Dow waɗanta koo moye mooɗon mo yaafanaaki bandiraawo muuɗum e ɓernde go'o.” Fulfulde Caka Nigeria 2010 © 2010, Bible League. All rights reserved