Bible in one year - Fulfulde Caka Nigeria 2010

Bible in one year February 11

1. Nde Yeesu yottini wiiki fuu fii ɗu'um, o wi'i tokkuɓemo,

2. “On andi Humto Sakkinki hande horii balɗe ɗiɗi, ɗum hokkitiray Ɓii Neɗɗo ɗum waramo dow gaafaangal.”

3. Sey mawɓe ardiiɓe diina e mawɓe yimɓe kawriti e laamorde Mawɗo Mawɓe Ardiiɓe Diina bi'eteeɗo Kayaafa.

4. Ɓe kaɓɓi ɓe nanga Yeesu e suuɗe ɓe mbaramo.

5. Ɓe mbi'i, “Ammaa naa' ni carel Humto Sakkinki, ngam ɗum gaɗotooɗum yimɓe ummina hawre.”

6. Yeesu e nder gariiri Betani to wuro Siiman gooduɗo nyawu nyaamoojum laral,

7. sey goɗɗo debbo wari to maako e jogii jolloyel hayre bongel ngel nebbam uroojam mbelɗam gooduɗam ceede. Yeesu e nyaama nyamndu, sey debbo on wayliɗam dow hoore maako.

8. Ammaa nde tokkuɓemo ngi'i non, sey ɓerɗe maɓɓe metti, ɓe mbi'i, “Ngam ɗume o wonni nebbam ɗa'am nihi?

9. Daa ɗam sooraama ceede ɗuɗɗe, ɗum hokka ɓe ngalanaa ceede ɗen.”

10. Ammaa Yeesu faami ko woni nder ɓerɗe maɓɓe, sey o wi'iɓe, “Ngam ɗume ngannoton debbo o'o? Ko o waɗaniyam ɗum boɗɗum.

11. Koo ndeye ɓe ngalanaa e ngondi e mooɗon, ammaa min, carel e wara ngel alaymi'on.

12. Nde o wayli ɗa'am nebbam dow ɓandu am, o waɗu non ngam siryaaki uwukiyam.

13. E mi wi'a'on goonga, koo toye to ɗum wa'ajini ɗu'um Habaru Belɗum nder duuniyaaru fuu, ɗum hokkay habaru ko debbo o'o waɗi ngam siftorkimo.”

14. Sey go'oto nder tokkuɓe Yeesu sappo e ɗiɗo bi'eteeɗo Yahuuda Iskariyooti yahi to mawɓe ardiiɓe diina,

15. o wi'i, “Ɗume kokkotonyam to mi waɗii Yeesu nder juuɗe mooɗon?” Sey ɓe kokkimo ceede ajurfaari kanje 30.

16. Daga carel ngel Yahuuda fuɗɗi ɗaɓɓutuki laawol no hokkitirta Yeesu nder juuɗe maɓɓe.

17. Nyalnde arandeere nde Humto Buroodi Ɗum Walaa Ƴuufinirɗum, sey tokkuɓemo ngari to maako, ɓe mbi'imo, “Toye ngiɗɗaa min njaha min ciryanomaa ngam nyaamen nyamndu Humto Sakkinki?”

18. Sey o wi'i, “Nattee gariiri to goɗɗo neɗɗo mbi'onmo, ‘Moodibbo wi'i: Carel am ɓadake. Mi waɗay Humto Sakkinki e tokkuɓeyam to wuro maaɗa.’ ”

19. Sey tokkuɓemo ɓen ngaɗi non no Yeesu wi'iɓe, sey ɓe ciryii koo ɗume ngam Humto Sakkinki.

20. Nde futuro waɗi, Yeesu jooɗii ngam nyamda e tokkuɓemo sappo e ɗiɗo.

21. E ɓe nder nyaamuki, sey o wi'i, “E mi wi'a'on goonga, go'oto nder mooɗon hokkitirayyam.”

22. Sey ɓe nganni naa' seɗɗa, ɓe puɗɗi wi'ukimo go'oto‑go'oto, “Moodibbo, naa' ɗum min, koo?”

23. Sey o nootii, o wi'i, “Neɗɗo nyamdayɗo e am e le'al go'o, kanko hokkitirtayam.

24. Ɓii Neɗɗo maayay no ɗum windiraa dow maako, ammaa kokkitirayɗomo wonii! Ɗum ɓuranaymo daa o danyaaka.”

25. Sey Yahuuda kokkitirayɗomo wi'i, “Moodibbo, naa' ɗum min, koo?” Yeesu wi'imo, “Ee, ɗum an.”

Fulfulde Caka Nigeria 2010