Bible in one year April 9Luka 9:37-6237. Nde weeti, ɓe njippoyii daga dow hocceere nden, kawrutuɓe ɗuɗɓe tawimo.38. Nder kawrutuɓe ɓen goɗɗo gorko noddi e sembe, wi'i, “Moodibbo, e mi toromaa, raaru ɓiɗɗo am gorko ngam kanko tan ngoodumi.39. Ginnol neeɓii e nangamo. To ngol nangiimo, o fuɗɗa wulluki, o waɗa ka diwnuki, nguufo ngaɗa ka wurtoyaaki nder honduko maako, ngol alataamo naa ngol nawniimo.40. Mi torake tokkuɓema mburtinangol, ammaa ɓe mbaawaayi.”41. Yeesu nootii, wi'i, “Onon yimɓe jaamanu ɗu'um kalluɗum on koolaakiyam, haa ndeye njooɗodotoomi e mooɗon e mi munyida e mooɗon? Waddu ɓiɗɗo maaɗa ɗo'o.”42. Ɓiɗɗo on e waroya, sey ginnol ngol do''imo, e mo diwna. Ammaa Yeesu haɓani ginnol ngol, yamɗitini suka on, hokkitimo nyaako maako.43. Wonɓe ɗon fuu kayɗini e mangu Allah. Ammaa e ɓe nder hayɗinki dow ko o waɗi, Yeesu wi'i tokkuɓemo,44. “Paamee boɗɗum nanon ko mbi'aymi'on! Ɗum hokkitiray Ɓii Neɗɗo nder juuɗe yimɓe.”45. Ammaa ɓe paamaayi ko o wi'iɓe. Ɗum suuɗanakeɓe ngam to' ɓe paamaɗum, nden e ɓe kula ƴamukimo dow maajum.46. Nden geddi ummii hakkunde tokkuɓemo dow ɗum moye ɓuri mangu nder maɓɓe.47. Ammaa Yeesu heɓti ko woni nder ɓerɗe maɓɓe, sey o hocci sukayel pamarel, o darningel haade maako.48. Nden o wi'iɓe, “Koo moye jaɓuɗo sukayel pamarel bo nge'el nder inde am jaɓiiyam. Nden koo moye jaɓuɗoyam jaɓii liloyɗoyam. Ngam lestinɗo hoore muuɗum fuu nder mooɗon, kanum woni mawɗo.”49. Yahaya nootii, wi'i, “Moodibbo, min ngi'ii goɗɗo e wurtina ginni nder inde maaɗa, min kaɗimo ngam kanko naa' o tokkuɗo'en.”50. Ammaa Yeesu wi'imo, “To' on kaɗumo, ngam fuu mo wanyaayi'on e wondi e mooɗon.”51. Nde carel ɓadii ngam ɗum hoccamo yaaki dow, Yeesu e hoore muuɗum suɓi yahuki Urucaliima.52. Sey o lili lilaaɓe yeeso maako, ɓe njaha nder gariyel Samaariyanko'en ngam ɓe ciryoo koo ɗume ngam garol maako.53. Ammaa yimɓe gariyel ngel njaɓaayimo ngam ɓe keɓtii Urucaliima o fa'i.54. Nde tokkuɓemo Yaakubu e Yahaya ngi'i non, ɓe mbi'i, “Moodibbo, a yiɗi min nodda hiite daga dow wara halkaɓe?”55. Ammaa Yeesu waylitii haɓaniɓe,56. sey ɓe njahi wongel gariyel.57. E ɓe nder yaadu dow ɗatal, sey goɗɗo wi'imo, “Mi tokkete to njahataa fuu.”58. Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”59. O wi'i goɗɗo neɗɗo, “Tokkam.” Ammaa neɗɗo on wi'imo, “Moodibbo, al mi yaha, mi uwoya nyaako am taw.”60. Ammaa Yeesu wi'imo, “Alu mayɓe uwa mayɓe mu''en, ammaa an, yahu, nga'ajinaa Laamu Allah.”61. Goɗɗo kadimaa wi'i, “Mi tokkete, moodibbo, ammaa al mi yaha mi ƴama ɓe wuro am taw.”62. Ammaa Yeesu wi'imo, “Koo moye jogiiɗo remergo fuɗɗi remuki e yeeƴoo gaɗa, walaa ko nafi nder kuugal Allah.” Fulfulde Caka Nigeria 2010 © 2010, Bible League. All rights reserved