Bible nder hitaande woore
Mee 13

1. E woodi goɗɗo Faarisankeejo bi'eteeɗo Nikoodimus, e mo nder kawtal ardiiɓe Yahuudanko'en.
2. O yahi to Yeesu jemma, o wi'imo, “Moodibbo, e min andi a moodibbo mo Allah liloyi, ngam walaa baawayɗo waɗa kuuɗe kayɗiniiɗe ɗe'e ɗe ngaɗataa sey ni to Allah e wondi e maako.”
3. Yeesu wi'imo, “E mi wi'umaa goonga, walaa baawayɗo natta Laamu Allah sey to ɗum fuɗɗitii ɗum danyiimo.”
4. Nikoodimus ƴamimo wi'i, “No neɗɗo mawɗo danyitirtee? Ɗum waɗataako o so''o nder reedu maduujo maako ɗum fuɗɗita ɗum danyamo ɗiɗaɓum.”
5. Yeesu wi'imo, “E mi wi'umaa goonga, walaa baawayɗo natta Laamu Allah sey ni to ndiyam e Ruuhu Allah danyiimo.
6. Ko neɗɗo danyi ɗum neɗɗo, ammaa ko Ruuhu danyi ɗum ruuhu.
7. Taa' hayɗin ngam mi wi'iima doole ɗum fuɗɗita ɗum danyumaa.
8. Hendu e wisa to yiɗiri, a nana sonnyo mayru, ammaa a andaa to ndu ƴiwoyi koo to ndu yahata. Non maa ɗum wontindiri e koo moye mo Ruuhu Allah danyi.”
9. Nikoodimus ƴamimo wi'i, “No ɗu'um waɗortoo?”
10. Yeesu nootii wi'imo, “A moodibbo mawɗo nder Israa'iila, ammaa a faamaayi ɗu'um?
11. E mi wi'umaa goonga, e min meta dow ko min andi, nden e min kokka ceyda dow ko min ngi'i, ammaa on njaɓaayi ko min mbi'i'on.
12. Mi metanii'on dow fii duuniyaaru, ammaa on njaɓaayi. No waɗata njaɓon to mi wi'ii'on ko woni e dow?
13. Walaa meeɗuɗo yaaki dow sey ni on ɗon ƴiwoyɗo daga dow, waato Ɓii Neɗɗo.
14. “Non no Muusa ƴeftiri mboodi gaɗiraandi njamndi mboɗeeri nder ladde, non maa doole Ɓii Neɗɗo ƴeftee,
15. ngam koo moye kooliiɗomo heɓa yonki ki re'ataa.
16. Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.
17. Ngam Allah liloyaayi Ɓiɗɗo muuɗum nder duuniyaaru ngam o taƴanandu kiita. Ammaa o liloyiimo ngam o hisna duuniyaaru e laawol maako.
18. “Koo moye kooliiɗomo taƴantaake kiita, ammaa mo hoolaakimo o yaadake o taƴanaama kiita, ngam o hoolaaki Ɓiɗɗo Allah bajjo.
Fulfulde Caka Nigeria 2010
2010, Bible League