Bible in one year May 20Yuhanna 6:22-5122. Nde fini, horiiɓe gonɓe ngon ton fongo mbeela to tokkuɓe Yeesu natti komiwal, ɓe paami komiwal go'otal tan wondono ɗon, nden Yeesu boo nattidaayi komiwal ngal e tokkuɓemo, ammaa kamɓe tan ndilli nder maagal.23. Sey goɗɗe komiije ƴiwoyɗe Tibaariya njottii daande mbeela haade wigeere to yimɓe nyaami buroodi gaɗa Yeesu yettii Allah.24. Nde yimɓe ngi'i Yeesu e tokkuɓemo ngalaa ɗon, sey ɓe natti komiije ɗen, ɓe njahi Kafarnahum e ɓe ɗaɓɓita Yeesu.25. Nde ɓe tawimo fongo mbeela to Kafarnahum, ɓe mbi'imo, “Moodibbo, ndeye ngaroyɗaa ɗo'o?”26. Yeesu nootii wi'iɓe, “E mi wi'a'on goonga, on ɗaɓɓitayam naa' ngam on ngi'ii kayɗiniiɗum ɗum ngaɗumi, ammaa ngam on nyaamii buroodi on kaarii.27. To' on kuwan nyamndu lallayndu, ammaa kuwanee nyamndu tabbitayndu kokkayndu yonki ki re'ataa, ndu Ɓii Neɗɗo hokkata'on, ngam Allah Nyaako Mo Dow waɗaniimo alaama kollayɗum jaɓiimo.”28. Sey ɓe ƴami Yeesu ɓe mbi'i, “Ɗume min ngaɗata ngam min ngaɗa ko Allah yiɗi?”29. Yeesu wi'iɓe, “Ko Allah yiɗi ngaɗon woni koolooɗon on ɗon mo o liloyi.”30. Ɓe mbi'imo, “Ɗume kayɗiniiɗum ngaɗataa ngam min ngi'aɗum min koolomaa? Ɗume ngaɗataa?31. Maama'en meeɗen nyaamii nyamndu nder ladde ƴiwoyndu daga dow bi'eteendu manna, non no ɗum windiraa, ‘O hokkiiɓe nyamndu ƴiwoyndu daga dow ngam ɓe nyaama.’ ”32. Yeesu wi'iɓe, “E mi wi'a'on goonga, naa' Muusa hokki'on nyamndu ƴiwoyndu daga dow, ammaa Nyaako am woni kokkuɗo'on nyamndu goongaaru ƴiwoyndu daga dow.33. Ngam nyamndu ndu Allah hokki woni on ɗon garoyɗo daga dow kokkoowo duuniyaaru yonki ki re'ataa.”34. Ɓe mbi'imo, “Moodibbo, hokkumin nyamndu ndu'u koo ndeye.”35. Yeesu wi'iɓe, “Min woni nyamndu kokkayndu yonki. Fuu garɗo to am fuɗɗitataa nana weelo, fuu kooliiɗoyam fuɗɗitataa nana ɗonka.36. Ammaa no mbiimi'on, on ngi'iiyam, fuu e non on koolaakiyam.37. Koo moye mo Nyaako am hokkiyam waray to am, nden fuu garɗo to am mi riiwataamo.38. Ngam mi waroyii daga dow naa' ngam mi waɗa ko ngiɗumi, ammaa mi waɗa ko liloyɗoyam yiɗi.39. Ko liloyɗoyam yiɗi mi waɗa woni, to' mi dulla koo go'oto nder ɓe o hokkiyam, ammaa mi umminaɓe Nyalnde Jaango.40. Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”41. Sey Yahuudanko'en puɗɗi metitaaki dow maako, ngam o wi'ii, “Min woni nyamndu ƴiwoyndu daga dow.”42. Ɓe mbi'i, “Naa' o'o woni Yeesu ɓiɗɗo Yusufu? En andi nyaako maako e maduujo maako. No waɗata jooni o wi'a daga dow o ƴiwoyi?”43. Yeesu wi'iɓe, “Alee metitaaki hakkunde mooɗon.44. Walaa garayɗo to am sey to Nyaako am liloyɗoyam waddiimo, min boo mi umminaymo Nyalnde Jaango.45. Annabo'en mbindii wiiki, ‘Allah ekkitinay koo moye.’ Koo moye kettindaniiɗo Nyaako on ekkitii daga to maako e wara to am.46. Walaa meeɗuɗo yiiki Nyaako on sey ni on ɗon ƴiwoyɗo daga to maako, kanko tan meeɗi yiiki Nyaako on.47. E mi wi'a'on goonga, koo moye kooliiɗoyam e woodi yonki ki re'ataa.48. Min woni nyamndu kokkayndu yonki ki re'ataa.49. Maama'en mooɗon nyaamii ‘manna,’ ammaa fuu e non ɓe maayii.50. Ammaa raa nyamndu ƴiwoyndu daga dow, to neɗɗo nyaamiindu maayataa.51. Min woni nyamndu kokkayndu yonki ƴiwoyndu daga dow. Fuu nyaamuɗondu, o jooɗoto haa abadaa. Ndu'u nyamndu ɗum ɓandu am, ndu kokkaymi ngam yimɓe duuniyaaru keɓa yonki ki re'ataa.” Fulfulde Caka Nigeria 2010 © 2010, Bible League. All rights reserved