Bible in one year May 25Yuhanna 8:28-5928. Sey Yeesu wi'i, “Carel ngel ƴeftuɗon Ɓii Neɗɗo, on anday min woni on ɗon mo mbi'aymi. Kadin on anday fuu ko ngaɗaymi naa' e laamu am ngaɗiraymiɗum, ammaa ko Nyaako am ekkitiniyam mbi'aymi.29. On ɗon liloyɗoyam e wondi e am, o alaayiyam min tan, ngam koo ndeye e mi waɗa ko welnantamo ɓernde.”30. Carel ngel Yeesu wi'ata non, ɗuɗɓe kooliimo.31. Sey Yeesu wi'i Yahuudanko'en kooliiɓemo, “To on tokkii ekkitinol am, on tokkuɓeyam ɓe goonga.32. Nden on anday goonga, goonga boo rimɗinay'on.”33. Ɓe mbi'imo, “Min taaniraaɓe Ibraahim, min meeɗaayi wartuki maccuɓe goɗɗo. No waɗata mbi'aa, ‘Ɗum rimɗinaymin?’ ”34. Yeesu wi'iɓe, “E mi wi'a'on goonga, koo moye gaɗoowo hakke o maccuɗo hakke.35. Maccuɗo jooɗataako nder wuro haa abadaa, ammaa ɓiɗɗo woni jooɗotooɗo nder maago haa abadaa.36. Ngam non to Ɓiɗɗo on rimɗinii'on, on keɓii rimɗineeki ki goonga.37. E mi andi on taaniraaɓe Ibraahim, fuu e non on ɗaɓɓita warkiyam, ngam on njaɓaayi ekkitinol am.38. E mi wi'a'on ko ngiimi to Nyaako am, onon boo on ngaɗa ko nanɗon daga to nyaako mooɗon.”39. Ɓe mbi'imo, “Ibraahim woni nyaako amin.” Yeesu wi'iɓe, “Daa on ɓiɓɓe Ibraahim, on ngaɗay ko Ibraahim waɗi.40. Ammaa jooni on ɗaɓɓita warkiyam, min biiɗo'on goonga ka nanmi daga to Allah. Ɗu'um naa' kanjum Ibraahim waɗi.41. On ngaɗa ko nyaako mooɗon waɗi.” Ɓe mbi'imo, “Minon naa' min jaalu'en, Allah woni Nyaako amin, kanko tan woni Nyaako mo min ngoodi.”42. Yeesu wi'iɓe, “Daa Allah woni Nyaako mooɗon, daa on ngiɗayyam, ngam daga to maako ƴiwoymi, jooni boo e mi ɗo'o. Mi waraayi ngam hoore am, ammaa kanko liloyiyam.43. Ngam ɗume on paamaayi ko mbiimi? Kanjum woni ngam on mbaawataa jaɓuki wolde am.44. Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.45. Ammaa ngam mi wi'i goonga, on koolaakiyam.46. Moye nder mooɗon waawata tabbitinki mi waɗii hakke? To ni goonga mbi'aymi, ngam ɗume on koolataakoyam?47. Koo moye mo Allah jeyi e nana ko Allah wi'i. Ko haɗi'on nanki ko mbiimi woni onon naa' ɗum ɓe Allah.”48. Mawɓe Yahuudanko'en nootii mbi'imo, “Naa' ɗum goonga min mbi'i nde min mbi'i a Samaariyankeejo nden a woodi ginnol?”49. Yeesu wi'iɓe, “Mi walaa ginnol, ammaa Nyaako am kokkaymi mangu, onon boo on njawanayam.50. Mi ɗaɓɓitantaa hoore am teddungal, ammaa e woodi goɗɗo ɗaɓɓitanayɗoyamngal, kanko woni gaɗayɗo kiita.51. E mi wi'a'on goonga, fuu gaɗoowo ko mbiimi, o maayataa.”52. Yahuudanko'en mbi'imo, “Jooni e min andi a woodi ginnol. Ibraahim maayii, non maa annabo'en, ammaa a wi'ii fuu gaɗoowo ko mbiiɗaa maayataa.53. A ɓurii nyaako amin Ibraahim? O maayii, non maa annabo'en horiiɓe maayii. Moye nyumataa gonɗaa?”54. Yeesu nootii wi'i, “To mi teddinii hoore am, teddungal am wartii meere. Nyaako am mo mbi'oton woni Allah mooɗon, kanko woni teddinɗoyam.55. Koo nde on andaamo, ammaa min e mi andimo. Daa mi wi'iino'on mi andaamo, daa mi wartii pewoowo bo mooɗon. Ammaa e mi andimo, e mi tokka wolde maako.56. Nyaako mooɗon Ibraahim e welwelta to o nyumii dow nyalnde nde ngaraymi. O yi'iinde, o boo nanii belɗum.”57. Ɓe mbi'imo, “A hewtaayi duuɓi 50 taw, ammaa a wi'a a yi'ii Ibraahim?”58. Yeesu wi'iɓe, “E mi wi'a'on goonga, ko Ibraahim danyee e mi ɗon.”59. Nde o wi'i non, sey ɓe kocci kaaƴe ngam ɓe kuboomo, ammaa Yeesu suuɗi hoore muuɗum, wurtii nder Wuro Ceniingo ngon dilli. Fulfulde Caka Nigeria 2010 © 2010, Bible League. All rights reserved