Bible in one year May 26Yuhanna 9:1-231. Yeesu e nder yaadu, sey o yi'i neɗɗo danyaaɗo e wumi.2. Tokkuɓemo ƴamimo mbi'i, “Moodibbo, hakke moye waɗi ɗum danyi neɗɗo o'o e wumi? Ɗum hakke maako koo hakke danyooɓe maako?”3. Yeesu wi'i, “Naa' ngam hakke neɗɗo o'o koo ngam hakke danyooɓe maako waɗi o danyaa bumɗo. O danyaa e mo wumi ngam ɗum holla bawɗe Allah dow maako.4. Doole kuwen kuuɗe on ɗon liloyɗoyam daga naange e ɗon. Jemma ɓadake. E carel ngel walaa baawayɗo huwa.5. To ni e mi duuniyaaru, min woni jayngol duuniyaaru.”6. Gaɗa Yeesu wi'ii non, sey o tuuti joode e leydi, o jiiɓiri leydi ndin e maaje, o hoccindi, o moytani neɗɗo on to gite.7. O wi'imo, “Dillu, culmoɗaa to njonga bi'eteenga Siluwam.” Ma'ana Siluwam woni “Lilaaɗo.” Sey neɗɗo on yahi sulmii, warti e yi'a.8. Kedduɓe e maako e woowuɓe yiikimo e mo toroo ndenno mbi'i, “Naa' ɗum neɗɗo o'o woni jooɗotonooɗo e toroo?”9. Woɓɓe mbi'i, “Ɗum kanko.” Woɓɓe boo mbi'i, “Naa' ɗum kanko, ɗum nanduɗo e maako.” Ammaa neɗɗo on wi'i, “Ɗum min.”10. Ɓe mbi'imo, “No ɗum waɗi jooni a yi'a?”11. O wi'iɓe, “Neɗɗo bi'eteeɗo Yeesu jiiɓi leydi moytaniyam to gite, wi'iyam mi yaha njonga Siluwam mi sulmoo. Sey njahumi, culmiimi sey mbumtumi.”12. Ɓe ƴamimo ɓe mbi'i, “To neɗɗo o'o woni?” O wi'iɓe, “Mi andaa.”13. Sey ɓe njaari bumtuɗo on to Faarisanko'en.14. Too, nyalnde nde Yeesu jiiɓi leydi wumtini bumɗo on ɗum Nyalnde Siwtaare.15. Faarisanko'en ɓen maa puɗɗi ƴamuki neɗɗo on no o wumtiri, o wi'iɓe, “O waɗu leydi to gite am, culmiimi, jooni e mi yi'a.”16. Woɓɓe nder Faarisanko'en ɓen mbi'i, “Neɗɗo gaɗuɗo fii ɗu'um naa' daga to Allah o ƴiwoyi, ngam o tokkaayi dooka Nyalnde Siwtaare.” Woɓɓe boo mbi'i, “No waɗata neɗɗo gaɗoowo hakke waawa waɗuki iri kayɗiniiɗum ɗu'um?” Ngam non, feerootirol natti hakkunde maɓɓe.17. Ngam non, ɓe puɗɗiti ɓe ƴami neɗɗo on ɓe mbi'i, “Ɗume mbi'ataa dow maako, nde an o wumtini?” Neɗɗo on wi'i, “O annabiijo.”18. Ardiiɓe Yahuudanko'en njaɓaayi neɗɗo on ndenno o bumɗo jooni boo e mo yi'a, naaki ɓe noddi danyooɓe maako,19. ɓe ƴamiɓe ɓe mbi'i, “O'o ɗum ɓiɗɗo mooɗon mo mbiiɗon danyaama e wumi? No waɗi jooni e mo yi'a?”20. Danyooɓe neɗɗo on mbi'i, “E min andi o ɓiɗɗo amin, kadin maa o danyaama e mo wumi.21. Ammaa min andaa no waɗi jooni e mo yi'a, non maa min andaa moye wumtinimo. Ƴameemo, naa' o suka, o wi'ay'onka e hoore maako.”22. Danyooɓe neɗɗo on mbi'ii non ngam e ɓe kula ardiiɓe Yahuudanko'en. Ngam ardiiɓe Yahuudanko'en ɓen njaadake ciryake wiiki koo moye biiɗo Yeesu woni Almasiihu ɗum riiwaymo daga nder lenyol.23. Kanjum waɗi danyooɓe bumtinaaɗo on mbi'i, “Naa' o suka, ƴameemo.” Fulfulde Caka Nigeria 2010 © 2010, Bible League. All rights reserved