Beblia

Bible in one year May 30

1. Goɗɗo neɗɗo bi'eteeɗo Li'aajaru ciya njamu nangimo. Gariiri Betani o jooɗotoo, gariiri ndi Maryaama e mawniraawo muuɗum Marta njooɗotoo.

2. Maryaama o'o, kanko waylani koyɗe Yeesu nebbam uroojam o moytiriɗe gaasa hoore maako. Li'aajaru mo yamɗaa on, o sakiraawo maako.

3. Sey Maryaama e sakiraawo muuɗum Marta ɓe lilani Yeesu ɓe mbi'i, “Moodibbo, higo maaɗa mo ngiɗɗaa yamɗaa.”

4. Ammaa nde Yeesu nani non, o wi'i, “Ɗu'um nyawu ɗum nangu Li'aajaru naa' ngam o maaya, o nyawu ngam ɗum teddina Allah, ɗum warta laawol no Ɓiɗɗo Allah teddinirtee.”

5. Yeesu e yiɗi Marta e Maryaama e Li'aajaru.

6. Fuu e non nde o nani Li'aajaru yamɗaa, sey o ɓeydi waɗuki balɗe ɗiɗi to o woni.

7. Gaɗa maajum o wi'i tokkuɓemo, “En co''o leydi Yahuudiya.”

8. Tokkuɓemo mbi'imo, “Moodibbo, naa' ko neeɓi Yahuudanko'en e ngiɗunoo huboraakima kaaƴe mbarumaa, fuu e non a yiɗi so''aaki ton?”

9. Yeesu wi'iɓe, “Naa' nyalnde go'o e woodi awaaji sappo e ɗiɗi? Koo moye jahoowo nyalawma feggataako ngam e mo yi'ira jayngol duuniyaaru ndu'u.

10. Ammaa fuu jahoowo nder nyiwre o feggoto, ngam o walaa jayngol nder maako.”

11. Gaɗa Yeesu wi'ii non, sey o ɓeydi wiiki, “Higo meeɗen Li'aajaru ɗaanake, ammaa mi yahay mi findinamo.”

12. Tokkuɓemo mbi'imo, “Moodibbo, to ni o ɗaani, o yamɗitay.”

13. Ko Yeesu wi'ata woni Li'aajaru maayii, ammaa kamɓe e ɓe nyuma ko Yeesu wi'ata woni e mo ɗaanii ngam o siwtoo.

14. Sey Yeesu wi'iɓe e njayri, “Li'aajaru maayii.

15. Ammaa mi nanii belɗum mi walaa ton, ngam koolooɗonyam. Ammaa en njahu to maako.”

16. Sey Tooma bi'eteeɗo Ciwtaaɗo wi'i tokkuɓe Yeesu horiiɓe, “En njahu enen maa ngam mayden e maako.”

17. Nde Yeesu yottii tawi ɗum yaadake ɗum uwii Li'aajaru balɗe nayi ƴaɓɓiiɗe.

18. Hakkunde Betani e Urucaliima hewtaayi mil ɗiɗi.

19. Yahuudanko'en ɗuɗɓe ngari to Marta e Maryaama ngam ɓe mbaltinanaɓe ɓerɗe dow mayde sakiraawo maɓɓe.

20. Nde Marta nani Yeesu e wara, o yahi ngam o taɓɓoyoomo, Maryaama boo jooɗii to wuro.

21. Marta taɓɓii Yeesu wi'imo, “Moodibbo, daa a ɗonno ɗo'o, daa sakiraawo am maayaayi.

22. Ammaa e mi andi koo jooni fuu ko toriɗaa Allah o hokketeɗum.”

23. Yeesu wi'imo, “Sakiraawo maaɗa ummoto kadin.”

24. Marta wi'imo, “E mi andi o ummoto Nyalnde Jaango nyalnde nde mayɓe ummotoo.”

25. Yeesu wi'imo, “Min woni umminayɗo mayɓe, min woni kokkayɗo yonki. Koo moye kooliiɗoyam, koo o maayii, o fuɗɗitay o waɗa yonki.

26. Koo moye gooduɗo yonki kooliiɗoyam, to o maayii o halkataa. A jaɓii ko mbiimi?”

27. Marta wi'imo, “Ee, Moodibbo, mi jaɓii an woni Almasiihu, Ɓiɗɗo Allah, mo ɗum wi'i waray nder duuniyaaru.”

28. Gaɗa Marta wi'ii non, o yahi o noddi minyiraawo maako Maryaama ɓe kakkiti o wi'imo, “Moodibbo e ɗo'o e mo yiɗi yiikima.”

29. Nde Maryaama nani non, ummii nder yawɗaare yahi to Yeesu.

Fulfulde Caka Nigeria 2010