36. E ɓe nder metuki haala kan, sey ɗon e ɗon Yeesu e hoore muuɗum wangi darii caka maɓɓe. O wi'iɓe, “E mi silminoo. Jam wonda e mooɗon.”
37. Ɓerɗe maɓɓe taƴi, ɓe kammii ginnol ɓe ngi'i.
38. Ammaa o wi'iɓe, “Ɗume wanni'on? Ngam ɗume ngaɗoton seko nder ɓerɗe mooɗon?
39. Ndaaree juuɗe am e koyɗe am, ɗum min e hoore am. Meemeeyam nanon, ay ginnol walaa ɓandu e ƴi'e no ngiiruɗonyam.”
40. Nde o wi'i non, o holliɓe juuɗe maako e koyɗe maako.
41. Ɓe njaɓaayi ɗum goonga ngam belɗum e hayɗinki. Sey o wi'iɓe, “On ngoodi goɗɗum ko nyaametee ɗo'o?”
42. Sey ɓe kokkimo tayre lingu njuɗaangu,
43. o hoccingu o nyaami yeeso maɓɓe.
44. Nden o wi'iɓe, “Ɗu'um woni ko mbiinoomi'on carel ko ngondunoomi e mooɗon: Koo ɗume ko windaa nder Attawra, e Defte Annabo'en, e Jabuura dow am doole ɗum heewa.”