Beblia

Bible in one year July 10

1. Bulus yahi gariiri Darbe e gariiri Listira. To Listira boo e woodi goɗɗo kooliiɗo Yeesu bi'eteeɗo Timooti. Maduujo maako no Yahuudankeejo tokkuɗo Yeesu, nyaako maako boo no Helenankeejo.

2. Tokkuɓe Yeesu wonɓe Listira e Ikooniya e meta haala mboɗka dow Timooti.

3. Bulus e yiɗi yaaduki e maako, ngam maajum o naadimo; ngam Yahuudanko'en wonɓe bigeeje ɗen fuu e andi nyaako Timooti no Helenankeejo.

4. Gariije to ɓe njaali fuu, e ɓe mbi'a tokkuɓe Yeesu ko lilaaɓe e mawɓe wonɓe Urucaliima ndarni ngam ɓe tokkaɗum.

5. Non tokkuɓe Yeesu ɓeydi sembe nder hoolaaki Yeesu, e ɓe ɓeyda ɗuuɗuki koo ndeye nyalnde.

6. Ruuhu Allah haɗiɓe wa'ajinki Wolde Allah nder leydi Aasiya, ngam non ɓe ndilli leyɗe Firiijiya e Galaatiya.

7. Nde ɓe ngari keerol leydi Miisiya, ɓe ngiɗii yaaki leydi Bitiiniya, ammaa Ruuhu Yeesu, waato Ruuhu Allah, jaɓaayi.

8. Ngam maajum, ɓe tokkiri nder leydi Miisiya, ɓe njahi gariiri bi'eteendi Tooruwas.

9. Nder jemmaare nden Bulus hoyɗi. O yi'ii neɗɗo Makidooniya e darii e toroomo e wi'a, “Woroy Makidooniya, mballaamin!”

10. Nde Bulus hoyɗi koyɗol ngol, ɗon e ɗon min ndarwi yaaki Makidooniya, ngam min anditii Allah noddiimin min nga'ajinanaɓe Habaru Belɗum kamɓe maa.

11. Min natti komiwal e Tooruwas, min njahi haa Samutarkiya. Nde fini min njahi Niyaafolis.

12. Daga ɗon min njahi Filibi, gariiri mawndi nder leydi Makidooniya ngondi ley laamu Roomanko'en. Min mbaali balɗe ton.

13. Nyalnde Siwtaare, min mburtii gariiri ndin min njahi regorde caangol, ngam e min kammii e woodi wigeere to Yahuudanko'en ngaɗata do'aare ton. Ton min tawi rewɓe e kawriti. Min njooɗii, e min medda e maɓɓe.

14. Nder maɓɓe e woodi goɗɗo debbo bi'eteeɗo Liidiya, ƴiwoyɗo gariiri Tayaatira kuloowo Allah. E mo soora kolte boɗeeje ɗe ceede. Joomiraawo maɓɓiti ɓernde maako o hettindanii ko Bulus wi'ata.

15. Gaɗa kanko e wuro maako fuu ɓe ngaɗanaama baptisma, sey o toriimin, o wi'i, “To on jaɓii mi kooliiɗo Joomiraawo e goonga, ngaree njooɗooɗon to wuro am.” O estimin min njippoo to maako, sey min njippii.

16. Wonde nyalnde e min njaha to ɗum waɗata do'aare, sey min kawri e goɗɗo korɗo. Korɗo on o darnoowo, e mo heɓana jeyɓemo ceede ɗuɗɗe e kuugal maako ngal rarnuki.

17. Sey o waɗi ka tokkukimin, minon e Bulus, e mo wulla, e mo wi'a, “Yimɓe ɓe'e ɓe kuwanooɓe Allah Mawɗo! E ɓe andina'on laawol kisndam.”

18. O waɗi balɗe ɗuɗɗe e mo waɗa non haa Bulus ɓerni, yeeƴiimo, wi'i ginnol ngol, “Nder inde Yeesu Almasiihu, e mi wi'imaa wurta nder maako!” Ɗon e ɗon ginnol ngol wurtiimo.

19. Nde joomiraaɓe maako ngi'i laawol heɓuki ceede maɓɓe to korɗo on darake, ɓe nangi Bulus e Siila, ɓe ndasiɓe ɓe njaariiɓe luumo, ton to mawɓe gariiri.

20. Ɓe njaariɓe yeeso mawɓe gariiri ndin, ɓe mbi'i, “Ɓe'e yimɓe ɗiɗo ɓe Yahuudanko'en, e ɓe ummina hakkiilo yimɓe gariiri meeɗen naa' seɗɗa.

21. E ɓe ekkitina ndonuuji ɗi haanaa njaɓen koo tokken, ngam enen en Roomanko'en.”

Fulfulde Caka Nigeria 2010