Bible nder hitaande woore
Ut 12

19. On mbi'ay, “Lice ɗen itti ngam ɗum takkindiramin e lekki kin.”
20. Ɗu'um ɗum goonga. Ɓe itta daga lekki kin ngam ɓe koolaaki Allah, ammaa an boo a takka e lekki kin ngam a hoolake Almasiihu. Ngam non, taa' mawnin hoore, ammaa jooɗa nder kulol Allah.
21. Ngam nde Allah itti ɗen ɗon lice lekki jaytun aawaaki, on nyuma onon maa o alay'on?
22. Ngam non, nyumu dow yidde Allah e monnere maako. E mo monnana ɓen ɗon aluɓe tokkukimo, ammaa o hollete yidde maako, taa waɗii ka hoolaakimo kanko kolloowo yidde. Ammaa taa waɗaayi non, an maa ɗum ittete daga lekki kin.
23. Nden koo Yahuudanko'en ittaaɓe daga lekki kin, to ɓe nyamraayi yeeso e ciya hoolaaki Allah, o takkindirayɓe e lekki kin, ngam o waaway o fuɗɗita o takkindiraɓe e maaki.
24. Onon yimɓe naa' Yahuudanko'en onon ngoni bo lice ittaaɗe daga lekki jaytun puɗuki nder ladde ɗe takkindiraa e lekki jaytun aawaaki. Naa' non Allah tagiri lekki kin. Nde ɗum non, ɗum saɗantaa Allah o fuɗɗita o so''a lice lekki jaytun aawaaki ɗe o ittunoo to maaki o takkaɗe to maaki.
25. Bandiraaɓe am, mi yiɗaa ndullon anduki sirru ɗu'um, ngam to' ngarton ɓe mangu hoore. Israa'iilanko'en ɗuɗɓe ngaɗay ka wanyuki ko Allah wi'i sey to carel waɗii ngel fuu yimɓe naa' Yahuudanko'en ɓe Allah suɓi kooliimo.
26. Non Israa'iilanko'en fuu kisirta. Non no ɗum windiraa, “Kisnoowo waray daga Sihiyoona, o ittay fuu ciya kulol Allah daga ɓerɗe lenyol Yaakubu.
27. Kanjum woni alkawal ngal ngaadaymi e maɓɓe carel ngel njaafantoomiɓe hakkeeji maɓɓe.”
28. Yahuudanko'en ngartii wanywanyɓe Allah ngam ɓe nganyii Habaru Belɗum. Ɗu'um wartii ɓeydaari mooɗon. Ammaa ɓe cuɓaaɓe Allah, haa jooni e mo yiɗiɓe, ngam o waɗanii maama'en maɓɓe alkawal.
29. Ngam Allah waylitataa ɓernde muuɗum dow mo o suɓi e mo o barkiɗini.
30. Ndenno onon yimɓe naa' Yahuudanko'en, on nganyiino Allah, ammaa jooni o yurminanii'on ngam Yahuudanko'en nganyii ngaɗa ko o wi'i.
31. Non maa Yahuudanko'en ɓe nganyii ɓe ngaɗa ko Allah wi'i, ngam e laawol yurmeende nde Allah holli'on kamɓe maa o yurminanaɓe.
32. Allah wartirii fuu yimɓe bo curaaɓe ngam ɓe nganyii waɗuki ko o wi'i, o waɗu non ngam o yurminana koo moye.
33. Goonga, yidde Allah, e faamu maako, e andal maako e ɗum luggi. Walaa baawayɗo anda ko o suɓi waɗuki. Ko o waɗata ɓurii sembe faamu neɗɗo.
34. Aayaare wi'i, “Moye meeɗi anduki ko woni nder ɓernde Joomiraawo? Moye meeɗi wartuki kokkayɗomo caawori?
35. Moye meeɗi hokkuki Allah goɗɗum ɗum o waatantamo?”
36. Ngam koo ɗume kanko tagiɗum, to maako koo ɗume ƴiwi, to maako ɗum so''oto. Mangu tabbita to Allah haa abadaa. Aamin.
Fulfulde Caka Nigeria 2010
2010, Bible League