1. E mi yiɗi mi wi'a'on bandiraawo meeɗen debbo bi'eteeɗo Fiibi, kuwoowo nder tokkuɓe Yeesu gonɓe Kankiiriya, o debbo mo goonga.
2. Njaɓɓeemo nder inde Joomiraawo no haani yimɓe Allah njaɓɓoree. Kokkeemo koo iri ngale ballal ngal o yiɗi to mooɗon, ngam o wallii yimɓe ɗuɗɓe hawti e am.
3. Kownee Biriskila e Akiila, ɓe kuudaymi kuugal Yeesu Almasiihu.
4. Ɓe koccii yonki maɓɓe naa' ɗum goɗɗum ngam am. Mi yettiiɓe, naa' min tan haa e koo ngale kawtal tokkuɓe Yeesu gonɓe nder yimɓe naa' Yahuudanko'en.
7. Kownaneeyam Andaroonikus e Yuuniya, bandiraaɓe am Yahuudanko'en tokkuɓe Yeesu ɓe ɗum maɓɓidi e am nder suudu cural. Lilaaɓe e andiɓe boɗɗum, kadin ɓe artiiyam hoolaaki Almasiihu.
8. E mi howna Ampiliyaatus higo am mo ngiɗmi nder sumpootirki e Joomiraawo.
9. Kownaneeyam Urbaanus, mo kuudeten nder kuugal Almasiihu, e higo am Sitaakis mo ngiɗumi.
10. Kownaneeyam Afaalis, mo ɗum tabbitini e tokka Almasiihu e goonga. Kownaneeyam Aristobulus e iyaalu maako e fuu tokkuɓe Yeesu gonɓe nder wuro maako.
11. Kownaneeyam Hiruudiyan bandiraawo am Yahuudankeejo. Kownaneeyam Narkisus e iyaalu maako e fuu tokkuɓe Yeesu gonɓe nder wuro maako.
12. Kownaneeyam Tiriifina e Tiriifusa, rewɓe kuwanooɓe Joomiraawo. Ɗonmaa kownaneeyam Farsis higo am mo ngiɗumi kuwanɗo Joomiraawo naa' seɗɗa.
13. Kownaneeyam Ruufus kuwanɗo Joomiraawo boɗɗum e maduujo maako jogiiɗoyam bo ɓiɗɗo maako.
14. Kownaneeyam Asinkiriitus, e Filigoona, e Harmis, e Faturoobas, e Harmas e tokkuɓe Yeesu gonduɓe e maɓɓe.
15. Kownaneeyam Filoologus, e Juuliya, e Niriyus e bandiraawo maako debbo, e Olimfas, e fuu yimɓe Allah gonduɓe e maɓɓe.
17. Bandiraaɓe am, e mi toroo'on, paamanee gaddooɓe ciya famfamtirki hakkunde mooɗon, majjinooɓe'on, ganyooɓe ekkitinol ngol keɓɗon. Ngoɗɗiteeɓe.
18. Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.
19. Koo moye nanii habaru no tokkirton Yeesu, non waɗii mi nanii belɗum ngam mooɗon. Ammaa e mi yiɗi ngarton gooduɓe faamu andon ko wooɗi, ngoɗɗitooɗon waɗuki ko wooɗaa.
20. Allah joomu jam naa' ko neeɓi o lallinay bawɗe Ceyɗan o yowa'on dow maako. Joomiraawo meeɗen Yeesu Almasiihu barkiɗina'on.
21. Timooti mo kuudaymi e howna'on, non maa Luusiyus, e Jaason, e Sosifata, bandiraaɓe am Yahuudanko'en tokkuɓe Yeesu.
22. Min Tartiyus tokkuɗo Joomiraawo, balluɗo Bulus, min windi ɗerewol ngo'ol, e mi howna'on.
23. Gaayus, jaɓɓiiɗoyam nder wuro muuɗum, mo tokkuɓe Yeesu kawritata nder wuro maako, e mo howna'on. Erastus, paamanoowo ceede gariiri, e bandiraawo meeɗen Kawartus, e ɓe kowna'on.