Bible in one year - Fulfulde Caka Nigeria 2010

Bible in one year September 5

21. Attawra wi'ii Joomiraawo wi'ii, “Mi metanay yimɓe am laawol metooɓe ɗemɗe ɗe andaaka. Mi metanayɓe e honduko yimɓe goɗɗe leyɗe, ammaa fuu e non ɓe kettindantaakoyam.”

22. Ngam non, waɗirki do'aare ɗemɗe ɗe ɗum andaa naa' ɗum alaama ngam tokkuɓe Yeesu, ammaa ɗum alaama ngam yimɓe ɓe tokkaayi Yeesu. Annabaaku boo ɗum ngam tokkuɓe Yeesu, naa' ngam yimɓe ɓe tokkaayi Yeesu.

23. Ngam non, to on fuu on kawritii koo moye e waɗira do'aare ɗemɗe ɗe ɗum andaa, to woɓɓe ɓe paamaayi koo yimɓe ɓe tokkaayi Yeesu nattii nder mooɗon, naa' ɓe mbi'ay on haaŋaaɓe?

24. Ammaa to goɗɗo mo tokkaayi Yeesu koo goɗɗo mo andaa ko ngaɗoton nattii nder mooɗon tawii koo moye e waɗa annabaaku, o faamay o waɗii hakke, non waɗay o ɗaɓɓita o tuuba.

25. Ko woni nder ɓernde maako cuuɗiiɗum ɗum wurtoto e njayri, o diccoto, o mawnina Allah, e mo wi'a, “Goonga, Allah e ɗon nder mooɗon.”

26. Too, bandiraaɓe, ɗume ngaɗoton? To on kawritii ngam mawninki Allah, goɗɗo e woodi gimol, goɗɗo e woodi ekkitinol, nden goɗɗo e waɗiray do'aare ɗemngal ngal ɗum andaa, goɗɗo hokkay ma'ana ɗemngal ngal. Ɗum fuu ɗum waɗee ngam sembiɗinki kawtal tokkuɓe Yeesu.

27. To woɓɓe e ngaɗira do'aare ɗemngal ngal ɗum andaa, to' ɓe ɓura ɗiɗo koo tato. E haani ɓe meta go'o‑go'o, ɗonmaa doole goɗɗo hokka ma'ana ko ɓe mbi'ata.

28. Ammaa to walaa kokkoowo ma'ana ko ɓe mbi'ata, e haani ɓe nde''ita nder kawtal tokkuɓe Yeesu, ɓe metana Allah nder ɓernde maɓɓe.

29. Gaɗooɓe annabaaku maa, to' ɓe ɓura ɗiɗo koo tato. E haani ɓe meta go'o‑go'o, nden kettindaniiɓeɓe poonda ko ɓe mbi'ata e hakkiilo.

30. To e woodi ko Allah wanginani goɗɗo nder kettindantooɓe ɓen, sey metoowo arandeejo on de''ita.

31. On fuu on mbaaway ngaɗon annabaaku go'oto‑go'oto ngam koo moye ekkitoo heɓa ko sembiɗintamo.

32. Gaɗooɓe annabaaku e haani ɓe mbaawana ko'e maɓɓe.

33. Ngam Allah naa' o Allah gaddoowo jiiɓaare, ammaa o gaddoowo jam. To tokkuɓe Yeesu kawritii nder kawtal maɓɓe,

34. e haani rewɓe nde''ita. Ɗum jaɓaayi ɓe meta, ammaa ɓe njooɗoo ley laamu worɓe no Attawra wi'i.

35. To e woodi goɗɗum ɗum ɓe ngiɗi ɓe anda, ɓe ƴama worɓe maɓɓe to wuro. Ngam ɗum cemtiniiɗum debbo meta nder tokkuɓe Yeesu carel ko ɓe kawriti ngam mawninki Allah.

36. Too, to mooɗon Wolde Allah fuɗɗiri, koo to mooɗon tan nde yahi?

37. To goɗɗo e kammii o annabiijo, koo o keɓuɗo dokkal Ruuhu Allah, e haani o anda ɗu'um ɗum mbindanaymi'on to Joomiraawo ɗum ƴiwoyi.

38. Ammaa to o wanyii ɗum non, kanko maa sey o wanyee.

39. Ngam non, bandiraaɓe am, ngiɗee waɗuki annabaaku, to' on karmin waɗirki do'aare ɗemɗe ɗe ɗum andaa.

40. Sey koo ɗume waɗee no haani e laawol bongol.

Fulfulde Caka Nigeria 2010