Biblia nun ano - Ghomala New Testament 2002

Biblia nun ano Agosto 8

ROMA 9:1-15

1. Nə Kristo, gɑ gɔmnwə nyənyɔ, ŋ tə́ shwanwə pɑ̀; tʉ́m tsɑ̌ nə Zhwenyə Dɔlɔ̌ ŋkwinthɛ̌ a:

2. tʉ́m tsɑ̌ bɑwə jɛ a tə́ dhə̀, mɑ zhwiŋ pɑ nthʉ́m o,

3. Əŋ, gɑ̌ di' gɑ́ bi a pɑ simnyə, gɑ bi a pɑ Si hap a nə Kristo nə nwə mfɑ pɑ̌, gwya yɔk nə ŋkhənthú.

4. Wap pyə wap bɑ pɑ Israɛl a, wap pyə nə pɑ cwə̌ mú bɑ nwə yap, ghu'tə, mwakɔ, mco', nə sé Si, mka'nyə bɑ bi pú,

5. ba mtǎ, wap pyə Yeso nthəm nə pu shyə m nə bapnɑ a, yʉ́ yə e bɑ m dzə̀ nə guŋ ywə awɛ a, Si byanyə mama. Amɛn.

6. Tə́ a bɑ ghɔm Si ka cyətə fa' pɑpuŋ pɑ̀ nə pa' guŋ pɔ pyə wap bɑ gwya Israɛl a tə bɑ pɑ Israɛl pɑ̀.

7. Wap piŋ nə pɑ gwya Abraham, guŋ yap awɛ lə pɑ ŋkhənthú e pɑ. Gɛ̌, pu gɔ sɔ' ke pɑ́ pó Isak gɑ gwya o.

8. A po'o bɑ da'tə́ gɑ: Tə pó nə bap nɑ́ nə bɑ pó Si pɑ́; pu sɛ pɑ́ po mka'nyə pa' gwya pǒ Si a.

9. Nə pa' mka'nyə lə bɑ ghɔm tsɔ gɑ: Nə ŋkhɛ a cwəlɔ gu' po'o, gɑ̌ gɔ sɔ' piŋ sɔ', piŋ nə sɔ' bɑ Sara ghə ta' mú.

10. A tə́ bɑ da' po'o pɑ; ba Rebeka bɑ si, bɑ e lə shyə m nə́ Isak tá yɔk pɑ̀ tə́ fə̌ŋ;

11. a piŋ nə pɑ̌ po'o, bɑ pu lə́ yɑ̌ tə wuŋ dzə́ po bɔ, wap yɑ tə ghə nwə pɑpuŋ kɑ nwə bɔkpɔ̌k lə, bɑ ywə yə Si jap a, bɑ ě da' bəmtə, ywə yə Si jap tə mo nthənyə e

12. la' a pɑ shyə m nə mfa', bɑ shyə m nə Mo yə e shwɔ' mo; bɑ pu lě da' gɔm gɑ: Yə́ mo dzə gɔ sɔ' yu'nyə yə mo jʉm.

13. Nə pa' a bɑ pu lě bvə gɑ: Gɑ̌ bɑ gɑ̌ kuŋ Yakop biŋ bɔ Esau.

14. A po'o bɑ da'tə gɑ́ kɑ̀? Gɑ́ nə cyətə pɑ dəŋdəŋ bɑ nə Si lə? Gɛ̌!

15. Nə pa' e gɔm bi Mosɛ gɑ: Gɑ̌ gɔ sɔ' cɔmmtso mo yə́ gɑ̌ gɔ cɔmmtso myə a, zhwiŋ nə mo yə gɑ gɔ zhwiŋ nə e a.

Galacian Bible 2002