Beblia

Biblia en un año Jasypoteĩ 20

1. David ra'y kuéra Hebrón peguare: ypykue Amnón, Ahinóam, Jezreel pegua memby; mokõiha Daniel, Abigail Carmel pegua memby; mbohapyha Absalón, Maacá memby, Talmai, Guesur pegua mburuvicha guasu, rajy; irundyha Adonías, Haguit memby;

3. Sefatías 5ha, Abital memby; Itream 6ha, Eglá, ambue David rembireko, memby.

4. Ko'ã 6 David ra'y oikove ypy vaekue Hebrónpe, ha'e oisãmbyhy haguépe 7 áño ha 6 mése. Upéi oisãmbyhy 33 áño Jerusalénpe.

5. Upépe irundy ita'yrave: Simá, Sobab, Natán ha Salomón, opa umíva Betsabé, Amiel rajy, memby. Oguerekove 9 ita'ýra: Ibhar, Elisamá, Elifélet,

7. Nógah, Néfeg, Jafía,

8. Elisamá, Eliadá, Elifélet.

9. Opa ko'ãva David ra'y vaekue, ojepapa'ỹre umi ita'ýra ikuña kuéragui guare. Tamar vaekue umíva reindy.

10. Salomón ra'y, Roboam; Roboam ra'y, Abías; Abías ra'y, Asá; Asá ra'y, Josafat;

11. Josafat ra'y, Joram; Joram ra'y, Ocozías; Ocozías ra'y, Joás;

12. Joás ra'y, Amasías; Amasías ra'y, Azarías; Azarías ra'y, Jotam;

13. Jotam ra'y, Ahaz; Ahaz ra'y, Ezequías; Ezequías ra'y, Manasés;

14. Manasés ra'y, Amón; Amón ra'y, Josías.

15. Josías ra'y kuéra: ypykue Johanán, mokõiha Joaquim, mbohapyha Sedequías, irundyha Salum.

16. Joaquim ra'y kuéra Jeconías ha Sedequías.

17. Jeconías, Babilóniape ojereraha vaekue ñemoñare, ko'ãva vaekue: Ita'ýra ypykue Salatiel,

18. ha Malquiram, Pedaías, Senazar, Jecamías, Hosamá ha Nedabías.

19. Pedaías ra'y kuéra Zorobabel ha Simí. Zorobabel ra'y kuéra Mesulam ha Hananías, ha Selomit ko'ãva reindy,

20. Ha ambue 5 ita'ýra: Hasubá, Óhel, Berequías, Hasadías ha Jusab-Hésed.

21. Hananías ra'y kuéra Pelatías ha Isaías. Isaías ñemoñare, Refaías, Arnán, Abdías ha Secanías.

22. Secanías ra'y kuéra Semaías, Hatús, Igal, Baríah, Nearías ha Safat: 6 umíva.

23. Nearías ra'y kuéra mbohapy: Elioenai, Ezequías ha Azricam.

24. Elioenai ra'y kuéra, 7: Hodavías, Eliasib, Pelaías, Acub, Johanán, Dalaías ha Ananí.

4:1-43

1. Judá ra'y kuéra: Fares, Hesrón, Carmí, Hur ha Sobal.

2. Reaías, Sobal ra'y Jáhat ru ha Jáhat, Ahumai ha Láhad ru. Ko'ãva vaekue soratíta rogagua:

3. Hur ra'y kuéra: Etam, Jezreel, Ismá, Idbas, Penuel, Guedor ru ha Éser Husá ru. Ko'ãva reindy héra Haslelponi. Ko'ãva Hur, Efrata ra'y ypykue, ra'y vaekue. Efrata vaekue Belén ru ypykue.

5. Asur, Tecoa ru, hembireko mokõi: Helá ha Naará.

6. Naará, Ahuzam, Héfer, Temení ha Ahastarí sy, ko'ãva Naará memby.

7. Helá memby Séret, Jesohar ha Etnán.

8. Cos, Anub ha Sobebá ru ha Aharhel, Harum ra'y, rogagua ru ypykue.

9. Jabés herakuãve vaekue ityvýra kuéragui ha isy ombohéra chupe Jabés, he'ígui: “Ahasa asyete vaekue arekóvo chupe”.

10. Jabés oñembo'e Israel Tupãme péicha: “Ajerure ndéve che rovasa haguã reme'ẽvo chéve yvy tuicháva, che pytyvõ ha che pe'a haguã ivaívagui, ani haguã ahasa asy.” Ha Tupã ome'ẽ chupe upe ojeruréva.

11. Quelub, Suhá ryvy, Mehír ru. Mehír, Estón ru.

12. Estón, Bet-Rafá, Paséah ha Tehiná ru. Tehiná omopu'ã táva Nahas. Ko'ãva vaekue umi Recagua.

13. Quenaz ra'y kuéra Otoniel ha Seraías. Otoniel ra'y kuéra Hatat

14. ha Meonotai, Ofrá ru. Seraías Joab ru, Harasim ñúme oikóva ru ypykue. Umíva ojapokuaa heta mba'e fiérrogui.

15. Caleb, Jefuné ra'y, ra'y kuéra jey: Ir, Elá ha Náam. Elá, Quenaz ru.

16. Jahaleel ra'y kuéra: Zif, Zifá, Tirías, Asarel.

17. Esdras ra'y kuéra vaekue: Jéter, Méred, Éfer ha Jalón. Méred omenda Faraón rajy Bitiá rehe. Ita'ýra kuéra: María, Samai ha Isbah, Estemoa ru. Méred oguereko avei hembireko Judá ñemoñaregua. Ko kuña memby kuéra: Jéred, Guedor ru; Éber, Socó ru ha Jecutiel, Zanóah ru.

18.

19. Hodías omenda Náham, Queilá ru, reindýre. Ko kuña memby kuéra: Daliá garmíta, ha Estemoa maacatéo.

20. Simón ra'y kuéra: Amnón, Riná, Ben-Hanán ha Tilón. Isí ra'y kuéra: Zohet ha Ben-Zohet.

21. Selá, Judá ra'y, ñemoñare, ãva vaekue: Er, Lecá ru; Ladá, Maresá ru; umi ojohogagua omba'apóva línore upe héravape Bet-Asbéa,

22. Joaquim, umi oikóva upe héravape Cozebá, Joás ha Saraf; ko'ãva omenda kuña moabíta rehe ha ou Belénpe, omombe'uháicha kuatia yma guare.

23. Ko'ãva ojapo kuaa kambuchi ñai'ũ, oiko Netaim ha Guederá héravape ha omba'apo mburuvicha guasu peguarã.

24. Simeón ra'y kuéra vaekue: Nemuel, Jamín, Jarib, Zérah ha Saúl.

25. Saúl, Salum ru; Salum, Mibsam ru ha Mibsam, Mismá ru.

26. Mismá, Hamuel ru; Hamuel, Zacur ru ha Zacur Simí ru.

27. Simí ita'ýra 16 ha itajýra 6; ityvýra kuéra katu nda ita'ýra hetái ha upévare rogagua kuéra ndahetaitéi Judá rogaguáicha.

28. Oiko hikuái umi héravape Beerseba, Moladá, Hasar-Sual,

29. Bilhá, Ésem, Tolad,

30. Betuel, Hormá, Siclag,

31. Bet-Marcabot, Hasar-Susim, Bet-Birai ha Saaraim. Ko'ãva vaekue itáva kuéra David oisãmbyhy mboyve.

32. Oguereko avei 5 táva michĩvéva: Etam, Ain, Rimón, Toquen ha Asán,

33. opa umi tava'i reheve oĩva ko'ã táva jerére oñeguahẽ meve Baalat héravape. Ãva hína umi ha'e kuéra oiko haguépe ha ojepapa ojohogaguáre.

34. Ko'ãva vaekue ojohogagua ruvicha réra: Mesobab, Jamlec, Josías Amasías ra'y, Joel, Jehú Josibías ra'y, Josibías Seraías ra'y ha Seraías Asiel ra'y; Elioenai, Jaacoba, Jesohaías, Asaías, Adiel, Jesimiel, Benaías, Zizá Sifi ra'y, Sifi Alón ra'y, Alón Jedaías ra'y, Jedaías Simrí ra'y. Simrí Semaías ra'y. Hogagua kuéra oñemboheta etereígui,

35.

36.

37.

38.

39. oguahẽ hikuái Guerar ypy peve, oĩva kuarahy resẽ gotyo, hymba kuéra rembi'urã rekávo,

40. ha ojuhu ñu porã, kapi'ipe rovyũ heta porã reheve, yvy tuicha ojeiko haguã py'a guapýpe ha kyhyje'ỹre. Upépe oiko vaekue ymave Cam ñemoñare.

41. Ezequías Judá ruvicha guasúrõ guare, oguahẽ ko'ã ja'e vaekue ha ohundi ete voi chupe kuéra, hekoha ha hóga kuéra ojuhu vaekue, ha opyta oiko upépe hendaguépe, oĩgui heta hymba kuéra rembi'urã.

42. Upéi 500 kuimba'e Simeón ñemoñaregua oho yvyty Seír gotyo ha omyakã chupe kuéra Isí ra'y kuéra Pelatías, Nearías, Refaías ha Uziel,

43. ha ohundi Amalecgua rembyre. Upe guive oiko upépe ko'ágã peve.

76:7-12

7. Tupã Jacob Jára, nde pochy ramo, kavaju ha kárro kuéra ndaikatu véima oku'e.

8. Nde heguínte voi ojekyhyje. Nde pochy ramo piko máva ne renondépe opytáta?

9. Yvága guive reikuaauka ne ñe'ẽ, yvypóra oryryipa ha opyta iñe'ẽngu, Tupã,

10. repu'ãvo reporombojovake, ha reipytyvõ haguã mboriahúpe 1 ko yvy ári oikóvape.

11. Umi ko'ágã ipochýva ne momba'éta, ha umi ñenupã rire oikovéva nde rerohorýta.

12. Peme'ẽ pene ñe'ẽ Tupã pende Járape, ha pejapo peje haguéicha. Peẽ tetã nguéra ijerére peiméva, peju pehepyme'ẽ upe oporomongyhyjévape.

19:8-9

8. Ejehecha kuaa ha eñemoarandu, ne akã reiporu ramo resẽ porãta.

9. Oñe'ẽ reíva hapicháre ndopyta rei mo'ãi, ha ijapúva omanóne.

Hechos 4:23-37

23. Pedro ha Juan, ojepoi rire chugui kuéra, oho oñembyaty iñirũ nguéra ndive ha omombe'u chupe kuéra opa he'i vaekue pa'i ruvicha ha myakãhára kuéra.

24. Ohendu rire chupe kuéra oñembo'e Tupãme oñondivepa, he'ívo: “Ore Jára, nde rejapo vaekue yvy ha yvága, yguasu ha opa ipype oĩva,

25. ere vaekue Espíritu Santo ha ne rembiguái ore ru ypykue David juru rupi: Maerãpa opu'ã tetã nguéra ha ojapose mba'e opa reítava?

26. Oñomoirũmba yvy arigua mburuvicha guasu kuéra, opu'ã haguã Ñandejárare ha hembiporavo Crístore.’

27. Añete, Herodes ha Poncio Pilato, oñomoirũ kóva ko távape tetã ambuegua ha Israelgua ndive, ha opu'ã ne rembiguái marangatu Jesús rehe, nde reiporavo vaekue Mesías ramo.

28. Péicha ojapo hikuái, opa nde ere vaekue oiko haguã.

29. Ko'ágã, ore Jára, ema'ẽ mba'éichapa ipochy hikuái, ha embopy'a guasu ne rembiguái kuérape omyerakuã haguã ne ñe'ẽ kyhyje'ỹre.

30. Ehechauka nde pokatu remonguerávo hasývape ha rejapóvo techaukarã ha hechapyrãva, ne rembiguái marangatu Jesús rérape.”

31. Ha'e kuéra oñembo'epávo, upe oñembyatyhápe hikuái oryrýi, ha opavave henyhẽ Espíritu Sántogui, ha omyerakuã kyhyje'ỹre Ñandejára Ñe'ẽ.

32. Heta eterei umi ogueroviáva ha oiko oñondive peteĩ py'ápe ha peteĩ ñe'ẽme. Avave nde'íri imba'énteha upe oguerekóva, oñomba'epa ramo guáicha uvei oguereko.

33. Apóstol kuéra katu omombe'u meme tuicha pokatu reheve Ñandejára Jesús oikove jey hague, ha Tupã oipytyvõ mbarete opavavépe.

34. Ndaipóri ijapytépe kuéra oikotevẽva, umi oguerekóva yvy térã óga niko ome'ẽ hepýre,

35. ha omoĩ hepykue apóstol kuéra pópe, omboja'o haguã opavavépe, peteĩ-teĩ oikotevẽháicha.

36. Upéicha ojapo vaekue peteĩ levíta hérava José Chipregua, apóstol kuéra ombohéra vaekue Bernabé, (he'iséva pe oporombovy'áva).

37. Kóva oguereko ijyvy, ome'ẽ hepýre ha omoĩ hepykue apóstol kuéra pópe.

Guarani Bible 1996