Beblia

1. Акэ, васт Ра́скирэ-Дэвлэ́скиро на тыкныя, соб (кай) тэ зракхэ́л и кан Лэ́скиро нанэ кашуко, соб (кай) тэ шунэ́л.

2. Нэ тумаро́ чорипэ́н (налачхэ́ рэ́нды) исын машки́р тумэ́ндэ и Дэвлэ́стэ; тумарэ́ грэ́хи исын дро дова́, со Лэ́скиро муй отрисёла тумэ́ндыр, и соб (кай) Дэвэ́л тэ на шунэ́л.

3. Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

4. Нико́н на ґаздэ́ла пэ́скири зан пал чачипэ́н, нико́н пал чачипэ́н на заджа́ла (на затэрдёла); лэ́нгири наде́я исын хоханы; ёнэ хохавэна; ёнэ лэ́на тэ кэрэ́н фуипэ́н и налачхэ́ рэ́нды янэ́на палэ.

5. Ёнэ выбэшэна сапэскирэ парнорэ, кхувэна паутина? Кон ха́ла лэ́нгирэ парнорэ – мэрэ́ла, а ко́ли ростасавэла лэн – то одотхы́р сап выджа́ла.

6. Лэ́нгири паутина на урьеса, и кокорэ́ ёнэ на урьена лэн, со ёнэ ссудэ; лэ́нгирэ рэ́нды исын начачунэ; лэ́нгирэ васта́ исын пхэрдэ́ холя́са.

7. Лэ́нгирэ ґэра́ праста́на кэ налачхэ́ рэ́нды, соб (кай) тэ прочхувэн рат манушэ́скиро, саво́ исын набанго; лэ́нгирэ ду́мы – ду́мы злыднитка; нашаибэн и хасибэ́н исын пэ лэ́нгирэ дрома́.

8. Ёнэ на джинэ́на дром кэ рама́нё (миро), нанэ сэ́ндо пэ лэ́нгирэ дрома́; далэ́ дрома́ исын бангэ́, и одова́, кон джа́ла лэ́нца, одова́ на джинэ́ла рама́нё.

9. Палдава́ сэ́ндо исын дур амэ́ндыр, нанэ и амэ́ндэ чачуно́ сэ́ндо; ужакираса дуд (свэ́то), нэ, акэ – цямлыпэ́н; яркима, нэ амэ псираса дро калыпэ́н (мрако).

10. Родаса дром, сыр корорэ́ родэ́на, ва́нта, псираса, сы́рбы нанэ амэ́ндэ якха́; пэраса дывэсэ́ сы́рбы ратя́киро; машки́р джидэндэ амэ сам сыр мулэ́.

11. Сарэ́ амэ брилинаса (ревинаса) сыр рича, ґаздаса пхаро́ ди, сыр голумбы; ужакираса сэ́ндо, нэ лэс нанэ; ужакираса зракхибэ́н, нэ ёв исын дур амэ́ндыр.

12. Пал-дова́ со бут чорипэ́н амэ кэрдя́м анги́л Ту́тэ; амарэ́ грэ́хи допхэнэна (досыкавэна) пал амэ́ндэ; амарэ́ налачхэ́ рэ́нды исын амэ́нца, амаро́ чорипэ́н амэ джина́са.

13. Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

14. И сэ́ндо гия́ палэ, чачипэ́н дур тэрдия́, пал-дова́, со чачипэ́н пыя́ пэ га́са [форуны́/пло́шча.-р.с.], и паты́в нисыр на заджа́ла.

15. Нанэ чачипэ́н; одолэ́с, кон ракхэлапэ чорипна́стыр, лэс ёнэ кошэна. Дыкхця́ дава́ Рай Дэвэ́л и намишто яця́ анги́л Лэ́скирэ якха́, со нанэ сэ́ндо.

16. И Ёв дыкхця́, со нанэ манушэ́с, дивно яця́ Лэ́скэ, со нанэ одолэ́с, кон бы тэ затэрдёл, помогиндя бы Лэ́скэ Лэ́скиро васт, и чачипэ́н Лэ́скиро Лэс подрикирдя.

17. Ёв чхудя́ пэ пэ́стэ чачипэ́н, сыр броня (марибны́тка и́ди); зракхибнаскиро шлемо пэ Пэ́скиро шэро́; уридяпэ дрэ холы́, сыр дрэ и́дя, учхакирдя́ пэс зэвлыныпнаса сыр урибнаса.

18. Ёв отдэ́ла палэ фуипнаса, кицы́ трэй, кицы́ трэй явэ́ла дрэ холы́ кэ Пэ́скирэ вэ́рги, Ёв отхала (отдэ́ла) палэ Пэ́скирэ вэргэ́нгэ; островэнгэ Ёв отдэ́ла палэ.

19. И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

20. “И явэ́ла Одова́, Кон выкинэла Сио́но и Яково́скирэ чхавэ́н, савэ́ отгинэ́ чорипна́стыр”, – ракирэ́ла Рай Дэвэ́л.

21. “Акэ, исын Миро Завето лэ́нца, – ракирэ́ла Рай Дэвэ́л: Миро Ду́хо (Фа́но), саво́ исын пэ ту́тэ и Мирэ́ лава́, савэ́ чхудём дрэ тырэ́ ушта́, на отджана тырэ́ уштэндыр, на отджана тырэ́ чхаворэндыр, и на отджана лэ́нгирэ-чхаворэнгирэ уштэндыр,” – ракирэ́ла Рай Дэвэ́л, николи на отджана.

1. “Ушты́ (ґаздэпэ), хачов сыр дуд (свэ́то), Ерусалимо; явдя́ тыро́ дуд (свэ́то) и бари паты́в Ра́скирэ-Дэвлэ́скири гия́ упрэ́ пэ ту́тэ.

2. Акэ, калыпэ́н (цямлыпэ́н) закэрэла пхув, и калыпэ́н учхакирэ́ла народы, а упралэстыр пэ ту́тэ Рай Дэвэ́л зазяинэла, и бари паты́в Лэ́скири сыкадёла упрэ́ пэ ту́тэ.

3. Наюды́тка народы явэ́на кэ тыро́ дуд (свэ́то), кра́лья явэ́на кэ зяиныбэн, саво́ исын упрэ́ пэ ту́тэ.

4. Газдэ тырэ́ якха́, подыкх трусця́л (пир сарэ́ рига́): сарэ́ ёнэ скэдэ́напэ, джа́на кэ ту; тырэ́ чхавэ́ джа́на дура́л, лыджа́на пэ васта́ тырэ́ чхае́н.

5. Тэ́ньци дыкхэ́са и обрадынэсапэ, издрала, буґлёла тыро́ ило́: барвалыпэ́н морёскиро (дэрьявэ́скиро) явэ́ла кэ ту, барвалыпэ́н манушэ́нгиро, явэ́ла тыро́.

6. Бут верблюды кэ ту явэ́на, дромадары Мадиамостыр и Ефатыр; сарэ́ ёнэ Саватыр явэ́на, янэ́на сувнака́й и ладано, пхэнэ́на сарэ́нгэ пал барипэ́н Ра́скиро-Дэвлэ́скиро.

7. Сарэ́ Кидароскирэ бакрэ́ скэдынэ́ явэ́на кэ ту; Неваифоскирэ бакрэ́ явэ́на тэ дынаринэ́н ту́кэ; джа́на упрэ́ пэ алта́рё Миро лачхэ́ свэнтонэ́ дыибнаса, и Мэ прославинава кхэр Мирэ́ барипнаса.

8. Кон дава́ вурняла, адя́кэ сыр о́блоки, сыр голумбо вурняла кэ пэ́скиро кхэр?

9. Чачо́, Ман островы ужакирэ́на, и анги́л лэ́ндэ исын па́рмы Фарсисоскирэ, соб (кай) тэ пирилыджан дур тырэ́ чхавэ́н, лэ́нгиро руп и сувнака́й ваш тыро́ Ра́скирэ-Дэвлэ́скиро лав, пал-дова́ со Ёв дыя́ ту́кэ бари паты́в.

10. Тэ́ньци чхавэ́ явирэ народоскирэ манушэ́ндыр явэ́на тэ чхувэ́н тырэ́ ва́нты, кра́лья лэ́нгирэ лэ́на тэ кэрэ́н буты́ ту́кэ; пал-дова́, со дрэ Мири́ холы́ Мэ дукхававас тут, нэ дрэ Мири́ лачхи́ во́ля Мэ потангинава тут.

11. Тыри́ по́рта (вра́ты) сарэ́ дывэса́ явэ́на откэрдэ; ни дывэсэ́, ни раты́ на закэрнапэ (на пхандэнапэ), соб (кай) тэ янэ́н кэ ту Наюдытконэ́-манушэ́нгиро миштыпэ́н, тэ янэ́н лэ́нгирэ кралье́н.

12. Народо и кралипэна́, савэ́ на закамэна тэ кэрэ́н буты́ ту́кэ, хасёна; кадасавэ́ народы хасёна сарэ́са.

13. Барипэ́н Ливаноскиро кэ ту явэ́ла; кипарисо, сосна и кедро явэ́на кхэтанэ́, соб (кай) тэ укэдэн (тэ шукарьякирэн) штэ́то, кай исын Миро свэ́нто штэ́то; Мэ да́ва бари паты́в штэтоскэ, кай исын тэрдэ́ Мирэ́ ґэра́.

14. И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

15. Заме́ст дова́, со ту са́нас ячкирдо, и мануша́ тут на вырикирэнас, и, соб (кай) нико́н пир ту́тэ тэ на проджал, Мэ кэра́ва ту́тыр барипэ́н пэ сарэ́ ве́ки; радыма́са (лошаса), сави́ николи на пириячэ́ла.

16. Ту явэ́са тэ пьес кэ чалыпэн народоскиро тхуд; и тэ пьес (тэ сосинэс) крали́скирэ колынэндыр, и ґалёса, со Мэ сом Рай Дэвэ́л, тыро́ Зракхибнари, Одова́, Кон выкиндя тут, Зорало́ Яково́скиро.

17. Харко́ма (медь) Мэ запарувава ту́кэ пэ сувнака́й, састы́р – пэ руп, кашта́ Мэ парувава пэ харко́ма, а бара́ – пэ састыра́; тырэ́ тхагариса (князёса), савэ́с Мэ чхува́ва, явэ́ла рама́нё (миро), а чачипэ́н явэ́ла тэ придыкхэл пал ту́тэ.

18. На явэ́на тэ шунэ́н буты́р, со пэ тыри́ пхув исын нахрата рэ́нды, со тырэ́ рига́ облэна и кэрэ́на чхучэ́; ту кхарэса тырэ́ ва́нты зракхибнаса и тырэ́ по́рты-барипнаса.

19. Кхам ту́кэ буты́р на явэ́ла тэ дэл дуд (свэ́то), чхон на ячэ́ла тэ свэнцынэл, нэ Рай Дэвэ́л явэ́ла тырэ́ дудэса (свэтоса) ве́чнэс, Дэвэ́л явэ́ла тырэ́ барэ́ патыва́са.

20. Кхам тыро́ буты́р на заджа́ла, чхон на гарадёла, пал-дова́ со Рай Дэвэ́л явэ́ла ваш ту́кэ вечнонэ дудэса (свэтоса), джа́на криг тырэ́ бибахталэ́ дывэса́.

21. Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

22. Тыкнэ́ манушэ́стыр тысёнцо бияндёла, самонэ бизорьякирэстыр манушэ́стыр бияндёла зорало́ народо. Мэ, Рай Дэвэ́л, сы́гэс кэра́ва дава́, ко́ли явэ́ла лэ́скиро часо.”

1. [9] На амэн, о Раё Дэ́вла, на амэн, нэ екх Тыро́ Лав трэй тэ шарэ́н, пал-дова́ со Ту сан лачхэ́-илэ́скиро, пал Тыро́ патяибэ́н.

2. [10] Со́скэ Наюды́тка на́цыи ракирэ́на? “Кай исын какана́ лэ́нгиро Дэвэ́л?”

3. [11] Нэ амаро́ Дэвэ́л исын пэ болыбэ́н: Ёв кэрдя́ саро́, со Ёв камдя́.

4. [12] Нэ лэ́нгирэ и́долы (хоханэ́ дэвлорэ́) исын рупэ́стыр и сувнака́стыр, савэ́ манушэ́нгирэ васта́ кэрдэ́:

5. [13] лэ́ндэ исын муй, нэ ёнэ на ракирэ́на; лэ́ндэ исын якха́, нэ ёнэ на дыкхэ́на;

6. [14] лэ́ндэ исын кана́, нэ ёнэ на шунэ́на; лэ́ндэ исын накх, нэ ёнэ на сунгэна;

7. [15] лэ́ндэ исын васта́, нэ ёнэ нисо́ на могинэ́на тэ кэрэ́н лэ́нца; лэ́ндэ исын ґэра́, нэ ёнэ на псирэ́на; и ёнэ на пхэнэ́на нисо́ пэ́скирэ кирлэса;

8. [16] мэк сарэ́, кон кэрдя́ лэн, тэ явэ́н бизорья́кирэ, сыр ёнэ исын; адя́кэ-паць и сарэ́ одолэ́, кон патя́ла дрэ далэ́ и́долы.

23. Ѓалка исын ушта́, и фуй ило́ исын сы́рбы кхоро́ (сасудо), савэ́ исын шукарьякирдэ туфтонэ (хоханэ́) рупэ́са.

17. И на явэ́н дылынэ́, а фэды́р причхувэ́н зор тэ ґалён, со Дэвэ́л ужакирэ́ла амэ́ндыр.

18. И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

19. сыклякирэ́н екх екхэ́с псалмэнца, бахталэ́ лавэ́нца и Дэвлытконэ́ гиленца, бага́н и славинэ́н Рас-Дэвлэ́с сарэ́ илэ́стыр,

20. усады (сак) парикирэ́н пал саро́ Дэвлэ́скэ и Дадэ́скэ, ваш амарэ́ Ра́скирэ-Дэвлэ́скирэ, Исусо́скиро Христосо́скиро лав,

21. кандэ́н екх екхэ́с пир дар анги́л Дэвлэ́стэ.

22. Джувлялэ, кандэ́н пэскирэн ромэн сыр Рас-Дэвлэ́с,

23. пал-дова́ со ром исын хула́й ромнякэ, сыр и Христо́со исын Кхангирья́киро хула́й. Ёв исын Зракхибнари ваш Кхангири́ пир маса́ дро ду́хо (фа́но).

24. Нэ, сыр Кхангири́ кандэ́ла Христосо́с, адя́кэ-паць и ромненгэ трэй тэ кандэ́н дро саро́ пэ́скирэ ромэн.

25. Мурша́лэ, сыкавэ́н паты́в пэ́скирэ ромне́нгэ адя́кэ, сыр Христо́со сыкадя́ паты́в Кхангирьякэ и отдыя́ Пэс пэ мэрибэ́н пал ла́тэ,

26. соб (кай) тэ кэрэ́л Кхангири́ свэнтонаса, тэ выжужакирэл ла пане́са и Дэвлэ́скирэ лавэ́са,

27. соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

28. Адя́кэ-паць и рома́ исын бангэ́ тэ сыкавэ́н паты́в пэскирэн ромне́нгэ сыр пэ́скирэ масэ́нгэ: конэ́скэ исын дро́го пэ́скири ромны́, кодолэ́ манушэ́скэ исын дро́го кокоро́ ёв.

29. Пал-дова́ со ниекхэскэ ние́кхвар на сыс джунгало́ (брытко) ваш пэ́скири лоч (плоть), нэ ёв чаравэла и татькирэла лэс сыр и Христо́со Кхангири́:

30. пал-дова́ со амэ сам паша́ Лэ́скирэ масэ́ндыр; амэ сам Лэ́скирэ лоча́тыр и Лэ́скирэ кокалэндыр.

31. “Палдава́ мэкэ́ла ману́ш пэ́скирэ дадэ́с и да, и явэ́ла тэ дживэ́л пэ́скирэ ромня́са, и ёнэ дуй явэ́на сы́рбы екх лоч.”

32. Кадава́ гарадо́ чачипэ́н Свэнтонэ́ Чхиныбна́стыр исын баро́; мэ ракира́ва, со дава́ адя́кэ-паць отлыджалапэ кэ Христо́со, сыр и кэ Кхангири́.

33. Нэ и адя́кэ-паць мэк кажно амэ́ндыр тэ сыкавэ́л паты́в пэ́скирэ ромня́кэ, сыр кокоро́ пэ́скэ; и мэк джувлы́ тэ дарэл пэ́скирэ ромэстыр.

Romani Bible Baltic 2019

United Bible Societies for the Baltic Romani Mission