10. Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.
11. ‘Акэ, явэ́на дывэса́’, – ракирэ́ла Рай Дэвэ́л, со Мэ бичхава́ва бокх пэ дая́ пхув, на бокх би марэскиро, на смэга пал пани́, а явэ́ла труш (жажда) пал лава́ Ра́скирэ-Дэвлэ́скирэ.
12. И мануша́ явэ́на тэ псирэ́н екхэ морёстыр (дэрьявэстыр) кэ яви́р, паш-ратитконэ́ (севернонэ) рига́тыр кэ васто́ко; ёнэ явэ́на тэ прастан одори́к и палэ тэ родэ́н лав Ра́скирэ-Дэвлэ́скиро, и ёнэ на латхэ́на лэс.”
13. Дро дова́ дывэ́с шука́р патывалэ́ тэрнэ́ чхая́ и зоралэ́ тырнэ мануша́ явэ́на тэ нашавэн зор смэгатыр,
14. савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!
1. Мэ дыкхцём Рас-Дэвлэ́с, Саво́ сыс тэрдо́ пашы́л алта́рё, и пхэндя́ Ёв: “Пэкав пир вударэскиро бэранд (стойка), соб (кай) тэ тринскирэнпэ проги тэл сты́лбы, и розмар лэн пэ шэрэ́ лэ́нгирэ сарэнгирэ. Мэ мулякирава кодолэ́н, савэ́ ячэ́напэ лэ́ндыр куртала́са: ние́кх на нашэла лэ́ндыр, кон прастала криг; и кодова́, кон кэдэлапэ, на зракхэ́лапэ.
2. На дыкхи́ пэ дова́, со ёнэ ґанавэнапэ дро лю́но (адо), одотхы́р Миро васт вытырдэла лэн. И тэ рэсэн ёнэ пэ болыбэ́н, и одотхы́р яна́ва Мэ лэн тэлэ́.
3. И тэ гарадён ёнэ кокорэ́ пэ Кармилоскиро вучипэ́н, одотхы́р Мэ выродава лэн и лава́ лэн. Мэк ёнэ и тэ гарадён Мирэ́ якхэ́ндыр пэ дугно (дно) морёскиро (дэрьявэ́скиро), и одотхы́р припхэнава Мэ сапэскэ и ёв дандырэла лэн.
4. И тэ джа́н ёнэ дро пле́но анги́л лэ́нгирэ вэргэ́ндэ, и одотхы́р припхэнава Мэ курталакэ и тэ пэкавэн лэн. Мэ ява́ва тэ рикирав Мирэ́ якха́ пэ лэ́ндэ ваш биба́хт, а на ваш лачхипэ́н.”
5. И Рай Дэвэ́л, янголэ́нгирэ-болыбна́скиро Дэвэ́л, исын Кодова́, Кон чилавэ́ла пхув и ёй биладёла, и сарэ́, кон дживэ́ла пэ ла́тэ, явэ́на зоралэ́с тэ ровэ́н; сари́ пхув ґаздэ́лапэ сыр шувлыпэн сы́рбы рэка (лэнь)(Нило), и ёй мэкэлапэ тэлэ́ екха́тыр сы́рбы рэка (лэнь) Египто́скири,
6. дава́ исын Ёв, Кон кэрдя́ Пэ́скирэ упратунэ коморы пэ болыбэ́н, и Кон зачхудя болыбна́скиро сво́до упра́л пир пхув; Кон прикхарэла паня́ морёскирэ (дэрьявэ́скирэ), и вычхувэла лэн пир сари́ пхув: Рай Дэвэ́л исын Лэ́скиро лав.
7. “Ци на кадасавэ́ – сама тумэ́ сан, чхавэ́ Израилёскирэ, сыр чхавэ́ Эфиопиенгирэ?”, – ракирэ́ла Рай Дэвэ́л. “Ци дава́ на Мэ яндём Израилё Египто́скирэ пхувья́тыр, и Филистимлянэн Кафторостыр, и Сириянэн Киростыр?
2. Чачо́, мэ сом бутэды́р набарэ́-годя́киро ману́ш, сыр сарэ́ бура мануша́ (невежды), и мэ на сом годьваро́ ману́ш.
3. Мэ на высыклыём годыпнаскэ, и ма́ндэ нанэ джиныбэ́н, сыр свэнтонэндэ.
4. Кон ґаздыя́пэ пэ болыбэ́н и гия́ тэлэ́? Кон скэдыя́ балва́л дрэ Пэ́скирэ бурныка (жмени)? Кон учхакирдя́ паня́ идяса? Кон зачхудя пхувья́кирэ яго́ры (краи́)? Саво́ исын Лэ́скиро лав; и саво́ исын Лэ́скирэ-Чхавэ́скиро лав, ко́ли ту джинэ́са?
1. И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”
2. И мэ дыкхцём, и, акэ, парно́ грай. И кон сыс уклисто пэ лэ́стэ, рикирдя лу́ко и вя́нка (коро́на) сыс дыны́ лэ́скэ. Ёв традэлас яври́, сыр кодова́, кон лэ́ла упралыпэ́н, соб (кай) тэ лэл упралыпэ́н.
3. И ке́ли Свэ́нто Бакроро́ отпхандя яви́р чэргэнори́, мэ шундём, сыр яви́р джидало пхэндя́: “Яв и дыкх!”
4. И выгия́ яви́р грай, лоло́. Кодолэ́скэ, кон сыс бэшто́ уклисто́/э́, сыс дыны́ зор тэ лэл рама́нё (миро) пхувья́тыр, соб (кай) мануша́ тэ мулякирэ́н екх екхэ́с и сыс дыны́ лэ́скэ бари курта́ла (сабля).
5. И ке́ли Свэ́нто Бакроро́ отпхандя три́то чэргэнори́, мэ шундём, сыр три́то джидало пхэндя́: “Яв и дыкх!” И мэ дыкхцём, акэ, калэ́ грэс и екхэ́с, кон сыс бэшто́ уклисто́/э́ пэ лэ́стэ, савэ́стэ сыс ублады́тка (весы) дрэ васт.
6. И мэ шундём зан штарэ́ джидалэндыр, со пхэндя́: “Литра парно́ гив пал дынариё и трин литры ґэрсто (ячменё) пал динариё. И на хасякир оливи́тко дзэт (елеё) и мол.
7. И ке́ли Свэ́нто Бакроро́ отпхандя шта́рто чэргэнори́, мэ шундём, сыр шта́рто джидало пхэндя́: “Яв и дыкх!”
8. И мэ дыкхцём: Акэ! Сыво грай и одова́, кон сыс бэшто́ уклисто́/э́ нэ лэ́стэ, кхарэ́ласпэ мэрибэ́н, и лю́но (адо) гия́ пал лэ́стэ. Лэ́нгэ сыс дыны́ зор пэ шта́рто пхувья́кири паш тэ мулякирэ́н куртала́са и бокхаса, мэрибнаса и рискирибна́скирэ мурдалэ́нца, савэ́ исын пэ пхув.
9. И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;
10. и ёнэ дэ́нас го́дла зоралэ́ заня́са: “Раё, Свэ́нто и Чачуно́! Ци бут амэ́нгэ тэ ужакирас, пака Ту явэ́са тэ сэндякирэс и тэ чхувэ́с ка́ра пал амаро́ рат пэ манушэ́ндэ пир пхув?”
11. Кажнонэ́скэ лэ́ндыр сыс дыно́ парно́ урибэ́н и сыс пхэндло́ лэ́нгэ, соб (кай) ёнэ ишчо (инкэ́) на́бут тэ откхинён, пака лэ́нгирэ мала́ (дру́ги) пир буты́ и лэ́нгирэ пша́ла явэ́на мулякирдэ́, сыр и ёнэ, соб (кай) тэ явэ́л пхэрдо́ кицыпэн (количэство).
12. И ке́ли мэ дыкхцём, сыр Свэ́нто Бакроро́ отпхандя шо́вто чэргэнори́, тэды яця́ пхувья́киро тринскирибэн, и кхам яця́ кало́ сыр гоно́ балэндыр, и чхон яця́ лоло́ сыр рат;
14. И болыбэ́н хасия́, розгия́пэ сыр скрэнцындло сви́тко, кажно бэ́рга и о́строво (джип) кхардэпэ (двигиндлэпэ) криг пэ́скирэ штэтэ́ндыр.
15. И кра́лья пхувья́кирэ, и барэ́ рая́, и тысёнцэнгирэ-халадэ́нгирэ барыдыра́, барвалюки, и зоралэ́ мануша́, и кажно писха́ри, и кажно во́льно ману́ш ґарадынэ дрэ ґебара́ (пешчэры) и машки́р бэргитка штэ́ты,
16. и ёнэ ракирэ́нас бэргэнгэ и скалэнгэ: “Пэрэн пэ амэ́ндэ и гаравэн амэн якхэ́ндыр Одолэ́стыр, Саво́ исын бэшто́ пэ троно, и Свэнтонэ́ Бакрорэскирэ холя́тыр,
17. пал-дова́ со явдя́ важно дывэ́с ваш Лэ́скири холы́ и конэ́скэ исын пир зор тэ тэрдёл муршканэ́с анги́л дава́?”
Romani Bible Baltic 2019
United Bible Societies for the Baltic Romani Mission