2. Сыр Вефиль бичхадя́ Сарецерос и Регем-Мелехос и малэн пир дром (спутникэн) лэскирэн тэ мангэ́нпэ Ра́скэ-Дэвлэ́скэ анги́л муй Лэ́скиро,
3. и тэ пхучэ́н рашандыр, савэ́ сыс дрэ Кхангири́, Ра́скирэ-Дэвлэ́скири, янголэ́нгирэ-болыбнаскири и пророкэндыр, ракири́: “Ци трэй ма́нгэ тэ ровав дро па́нджто чхон и тэ рикирав посто, со мэ кэравас ужэ бут бэрш?”
4. И сыс кэ мэ ла́ва янголэ́нгирэ-болыбна́скиро Ра́скирэ-Дэвлэ́скиро:
5. “Пхэн сарэ́нгэ пхувья́кирэ манушэ́нгэ и рашангэ адя́кэ: ‘Ке́ли тумэ́ рикирэнас посто и ровэнас дро па́нджто и эфта́то чхон, и дава́ ужэ эфтадэша́ бэрш, – ци ваш Ма́нгэ тумэ́ рикирдэ посто? Ци ваш Ма́нгэ?
6. И ке́ли тумэ́ ха́на, и ке́ли тумэ́ пьена, ци на ваш пэ́скэ тумэ́ ха́на, ци на ваш пэ́скэ тумэ́ пьена?
7. Ци на ‘дасавэ́ кокорэ́ лава́ пхэнэлас Рай Дэвэ́л англэды́р пирда́л ґаратунэ́ пророкэ́ндэ, сыр дро Ерусалимо сыс ишчо (инкэ́) бут мануша́ и покойныма, и дрэ пашылатунэ фо́рья, дрэ паш-дывэсы́тко (южно) риг и пэ Тэлатуны Пхув дживэ́нас бут мануша́?’”
8. И сыс лав Ра́скирэ-Дэвлэ́скиро кэ Заха́рия:
9. “Адя́кэ ракирэ́лас Рай Дэвэ́л янголэ́нгирэ-болыбна́скиро: ‘Кэрэ́н сэ́ндо чачипнытко и сыкавэ́н ла́ска и (жалима) кажно ваш пэ́скирэ пшалэ́скэ;
10. Пивле́н (удовэн), пиротэ́н (сиротэн), чужонэс и чорорэс тэ на притасавэн и тэ на рикирэ́н холы́ екх пэ явирэ́стэ дро ило́ тумаро́.”
11. Нэ ёнэ на камлэ́ тэ кандэ́н, отрисинэ Ма́ндыр, и кана́ пэ́скирэ оттырдынэ, соб (кай) тэ на шунэ́н.
12. И ило́ пэ́скиро закэрдэ барэса, соб (кай) тэ на шунэ́н Зако́но и лава́, савэ́ бичхавэлас янголэ́нгирэ-болыбна́скиро Рай Дэвэ́л, Духо́са Пэскирэса пирда́л ґаратунэ́ пророкэ́ндэ; ваш дова́ и дорэсця́ лэн бари холы́ янголэ́нгирэ-болыбна́скирэ Ра́стыр-Дэвлэ́стыр.
13. И сыс: сыр Ёв обрисёлас, а ёнэ на шунэнас, адя́кэ и ёнэ обрисёнас, а Мэ на шунавас,” – ракирэ́ла янголэ́нгирэ-болыбна́скиро Рай-Дэвэ́л.
14. И Мэ росчхурдыём лэн рискирибна́скирэ балваляса пир сарэ́ манушэ́ндэ, савэ́н ёнэ на джиндлэ́. И дая́ пхув чхучия би лэ́нгиро, со нико́н на псирдя́ пирда́л ла́тэ ни англэ, ни палэ, и ёнэ кэрдэ́ далэ́ бахталэ́ рига́тыр чхучи́ пхув.”
1. И сыс лав янголэ́нгирэ-болыбна́скиро, Ра́скирэ-Дэвлэ́скиро:
10. Пал-дова́ со англэды́р одолэ́ дывэсэ́ндыр на сыс плэскирибэн ваш манушэ́скэ, на сыс плэскирибэн ваш буты́ гурувэнгири, ни одолэ́скэ, кон явэ́ла, ни кодолэ́скэ, кон джа́ла, на сыс рама́нё (миро) вэргэ́ндыр; и домэкавас Мэ, соб (кай) кажно ману́ш тэ явэ́л вэ́рго явирэскэ.
11. И кана́ ваш Мирэ́ манушэ́нгэ, савэ́ ячнэ́пэ, Мэ на сом адасаво́, сыр со́мас ґарэдыр,’ – ракирэ́ла Дэвэ́л, янголэ́нгирэ-болыбна́скиро.
12. Пал-дова́ со сеиндло гив явэ́ла тэ дэл прибарипэн, винаграды́тко хру́сто дэ́ла пэ́скирэ мурицы, нэ пхув дэ́ла, со ёй барьякирдя, и болыбэ́н дэ́ла пахлын (роса) пэ́скири: и саро́ дава́ Мэ да́ва ада́кицы манушэ́нгэ, савэ́ ячэ́напэ.
13. И явэ́ла: сыр тумэ́, Юда́скиро кхэр и Израилёскиро кхэр, са́нас прокошлэ, машки́р Наюдытконэ́ на́цыи, адя́кэ Мэ зракха́ва тумэн, и тумэ́ явэ́на ваш явирэ́нгэ бахталэ́; на андыршан, мэк тэ явэ́н тумарэ́ васта́ зоралэ́!”
21. И явэ́на мануша́ екхэ форо́стыр кэ мануша́ явирэ форо́стыр и пхэнэ́на: “Явэ́н тэ мангаспэ анги́л Растэ-Дэвлэ́стэ и тэ родас янголэ́нгирэ-болыбна́скирэ Рас-Дэвлэ́с”; и кажно пхэнэ́ла: “джа́ва и мэ.”
22. И явэ́на бут на́цыи и зоралэ́ народы, соб (кай) тэ латхэ́н Рас-Дэвлэ́с, янголэ́нгирэ-болыбнаскирэс, дро Ерусалимо и тэ мангэнпэ патер΄яса анги́л муй Растэ-Дэвлэ́стэ.
23. Адя́кэ ракирэ́ла янголэ́нгирэ-болыбна́скиро Рай Дэвэ́л: “Явэ́ла дрэ долэ́ дывэса́, со дэшджинэ явирэ-чибьенгирэ Наюдытконэ́ нацые́ндыр, лэнапэ пал яго́ро (пал по́дя) пэ и́ди Юдаскири и пхэнэ́на: ‘Амэ джа́са ту́са, пал-дова́ со амэ шундя́м, со тумэ́нца исын Дэвэ́л.’”
1. Ангилпхэныбэ́н Ра́скирэ-Дэвлэ́скиро пэ пхув Хадрах, пэ Дама́ско ёв адя́кэ-паць (тэж) ячэ́лапэ; пал-дова́ со якх Ра́скирэ-Дэвлэ́скири исын пэ сарэ́ манушэ́ндэ, сыр и пэ сарэ́ Израилёскирэ, –
2. И пэ Емафо, саво́ исын пашы́л лэ́стэ, пэ Ти́ро и Сидоно, пал-дова́ со ёв исын древа́н годо́.
3. И кэрдя́ пэ́скэ Ти́ро вучарды́ (башня), скэдыя́ руп, сыр пра́хо, и сувнака́й, сыр мэл яври́ пэ га́са.
4. Акэ, Рай Дэвэ́л кэрэ́ла лэс чорорэса и хасякирэ́ла зор лэ́скири дро мо́рё (дэрья́в), а кокоро́ ёв явэ́ла хасякирдо яга́са.
5. Сыр дыкхэ́ла ла да Аскалоно и лэ́ла тэ дарэл, и Газа адя́кэ-паць лэ́ла тэ тринскирэлпэ, и Экроно; пал-дова́ со на выкэрлапэ э наде́я лэ́скири: на явэ́ла кра́ли дрэ Газа, нэ Аскалоно ячэ́ла би манушэ́нгиро.
7. Мэ вытырдава рат лэ́скирэ мо́стыр и джунгалыпэ́н лэ́скирэ дандэндыр, и ёв пэрэла тэл зор Дэвлэ́скэ амарэскэ, и явэ́ла сыр барэнгиро дрэ Юда, нэ Екроно явэ́ла, сыр Евусеё.
8. И Мэ чхува́ва лод (ста́но) пашы́л Кхэр Миро муял халадэ́ндэ, муял одолэ́ндэ, со псирэ́н англэ и палэ, и на явэ́ла буты́р ада́й тэ псирэ́л вэ́рго; пал-дова́ со акана́ Мирэ́ якхэ́нца Мэ ла́ва тэ дыкха́в пэ дава́.
9. Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.
10. Тэ́ньци Мэ хасякира́ва марибны́тка вурдэна́ дро Ефре́мо и грэн дро Ерусалимо, Мэ хасякира́ва марибны́тко лу́ко; и Ёв пхэнэ́ла пал рама́нё манушэ́нгэ, и Лэ́скиро кралипэ́н явэ́ла морёстыр (дэрьявэстыр) кэ мо́рё (дэрья́в), и рэка́тыр (лэня́тыр) кэ/жы́ко пхувья́киро яго́ро (кэ ко́нцо).
4. И мэ шундём яви́р зан болыбна́стыр, сави́ пхэндя́: “Выджа́н ла́тыр мирэ́ мануша́лэ; соб (кай) тэ на явэ́н кхэтанэ́ дрэ лэ́нгирэ грэ́хи, соб (кай) тумэ́ тэ на дорэсэн ла́кирэ фра́нсы:
5. пал-дова́ со скэдынэ́пэ кхэтанэ́ ла́кирэ грэ́хи кэ болыбэ́н и Дэвэ́л рипирэла ла́кири банг.
6. Кэрэ́н палэ ла́кэ адя́кэ, сыр ёй создыя́ тумэ́нгэ. Отдэ́н палэ ла́кэ дрэ дуй мо́лы буты́р пир ла́кири буты́. Змешынэн ла́кэ дуй мо́лы матэдыр мол дрэ ла́киро тахта́й;
7. пэ кицы́ ёй пэс славинэлас и сыс дро бимеракиро барвалыпэ́н, пэ ада́кицы дэн ла́кэ мэ́ньки и калы смэнтныма. Пал-дова́ со ёй шарэла пэс пхэныбнаса: “Мэ бэшава сыр кра́лица. Мэ на сом пивлы (удова). Мэ ние́кхвар на ява́ва дрэ калы смэнтныма”:
11. И ку́пцы (тылга́рья) пэ пхув адя́кэ-паць явэ́на тэ ровэ́н пхарэ́с и тэ дэн го́дла ясвэ́нца пал ла́тэ, пал-дова́ со нико́н буты́р на явэ́ла тэ кинэл лэ́нгиро товаро (арцикуло),
12. ни арцикуло сувнака́стыр, ни рупэ́стыр, ни кучонэ́ барэндыр, ни мутинятыр, ни бисеростыр висонытконэ тханэстыр, ни сливитконэ (кхилавитконэ) тханэстыр, ни кэжэстыр, ни ярконэ лолэ́ тханэстыр, ни кажно товаро (арцикуло) шукаронэ-кхандыпнаскирэ каштэ́стыр, ни кажно товаро (арцикуло) слонытконэ кокалэстыр, ни кажно товаро (арцикуло) кучонэ́ каштэ́стыр, ни харкома́тыр, ни састырэстыр, ни мраморостыр;
13. ни бахэстыр (корицатыр), ни ароматнонэ индиитконэ рукхэндыр (корнендыр), ни фимиамостыр, ни миростыр, ни ладаностыр, ни моля́тыр, ни оливитконэ дзэтэстыр, ни яржэстыр, ни парнэ́ гивэстыр, ни кхэритконэ́ мурдалэ́ндыр (жывёла́тыр), ни бакрэ́ндыр, ни грэндыр, ни вурдэнэндыр, ни писхарьендыр, ни манушытконэ́ дие́ндыр.
14. И барьякирдэ́ (пло́ды), кэ савэ́ тыро́ ди адя́кэ тырдыяпэ ґалкимаса, джа́ла криг ту́тыр, сари́ тыри́ шук и зяиндло миштыпэ́н хасинэ́ ту́тыр, и ту буты́р лэн на латхэса.
16. и пхэнэ́на: “Бида, би́да, барэ́ фороскэ! Ту присыклыян тэ урьеспэ дрэ висонытко тхан, сливитко (кхилавитко) и ясно лолы и́дя и гожакирэс пэс сувнака́са, и кучонэ́ барэ́нца, и мутинаса (жэмчуго́са)!
17. Пал-дово со дрэ екх мардо́ дасаво миштыпэ́н хасия́.” И кажно парма́киро (кораблё́скиро) лыджаипнари (кормчо) и кажно ману́ш, кон плывиндя (дыя́ пли́ма) пэ па́рмы (корабли), и моряки, и сарэ́ бутярнэ́ пэ мо́рё (дэрья́в), тэрдинэ́ дура́л;
18. и ёнэ дэ́нас го́дла, ке́ли дыкхнэ́ тхув форо́скирэ хачкирибнастыр, пхэни́: “Ние́кхвар на сыс дасаво баро́ фо́ро, сыр кадава́.”